Kirkjuritið - 01.11.1958, Blaðsíða 48
430
KIRKJURITIÐ
málaráðherra Hermann Jónasson yfir ])vi, að rikisstjórnin mundi hlutast
til um að nægilegt fé yrði veitt úr ríkissjóði til orgelkaupanna. Orgelið
hefir kostað 184 þús. kr. Má þvi segja, að orgelið sé afmælisgjöf þjóðar-
innar til kirkjunnar á 850 ára afmæli Hólastóls. Þjóðminjavörður ann-
aðist framkvæmdir fyrir hönd ríkisstjórnarinnar.
Messugjörðin i Hólakirkju hófst með þvi, að kirkjuorganistinn Frið-
björn Traustason lék á gamla kirkjuorgelið fyrsta sálm messunnar, og
kirkjukór Hólasóknar söng. Þá afhenti prófastur, séra Helgi Konráðsson,
orgelið fyrir hönd ríkisstjórnarinnar og flutti kveðjur forsætisráðherra og
biskups og bar fram blessunaróskir yfir orgelið, organista og kirkjukór og
alla þá, sem eiga að njóta hljóðfærisins í framtíðinni. Síðan fór messan
fram að venjulegum hætti, dómkirkjupresturinn, séra Bjöm Björnsson,
þjónaði fyrir altari og prófastur flutti prédikun, kirkjukórinn söng við