Jörð - 01.10.1943, Side 91

sagði: „Hver, sem er sannleikans megin, lieyrir mína raust“, og
„Sannleikurinn mun gera yður frjálsa“.
Að þyí er snertir grein hr. Jóns Árnasonar, þá lá beint við að
henda á hana sem svar við hæðnislegum ummælum yðar um það,
hvað Kirkjunnar menn þættust vita mikið um leyndardóma til-
verunnar. Og ekki hygg ég, að neitt sé til í Biblíunni, er sam-
bærilegt sé við lýsingar hr. J. Á.
Þér segið, að Guð geti ekki hirzt til fulls í einhverri einni per-
sónu; til þess sé hann of stór. Þetta má sjálfsagt til sanns vegar
færa, en það vil ég taka fram, að ég trúi því, að i Jesú Ivristi hafi
Guð birzt oss mönnum í mynd, sem nægi oss til hjálpræðis, og að
ekki verði um þá mynd bætt með neinu. Og því skal hætt við,
að ég hef enga trú á, að uni hliðstæða mynd sé eða verði að ræða
i mannkynssögunni. Hins vegar veit ég ekki, við hvað þér eigið,
þegar þér talið um, að ég liafi reynt að flækja yður til að „krjúpa
með mér við altari þess Guðs“, sem ég trúi á, en skal taka það
fram til vonar og vara, að á þess konar aðferðum hef ég ekki trú.
Að svo mæltu leyfi ég mér að tjá yður sérstakar þakkir fyrir
hin vingjarnlegu niðurlagsorð greinar yðar og láta í Ijós, að þess
háttar tónn í yðar sporum sýni, að þér eruð þrátt fyrir allt fær
um að halda uppi virðingu andlegra sjónarmiða gagnvart árvökru
gagnrýni-auga þess heims, er undir niðri þráir að mega trúa á
réttmæti þeirra, en hefur oft verið hvekktur og þorir það illa og
tortryggir þá, er telja sig gera það.
Með alúðarkveðju.
p. t. Akureyri, 12. September 1943,
Yðar einlægur,
Björn O. Björnsson.
Almennur kirkjufundur
var lialdinn í Reykjavík dagana 10.—12. Október sl. Sátu hann á
annað hundrað fulltrúa; þar af um 30 prestar, en meðal þeirra
voru biskup og prófessorar. Óhentugar samgöngur munu hafa liald-
ið mörgum heima, er ætluðu að sækja fundinn. Forseti var Gísli
Sveinsson sýslumaður. Aðalviðfangsefni fundarins var kristindóms-
fræðsla barna og unglinga og verður vonandi tekin til greina krafa
hans um mjög aukna tilsögn í kristnum fræðum í skólum landsins.
Auk annara samþykkta fundarins má benda á ályktun um afnám
prestskosninga. í þess stað verði veiting prestsembætta fengin i
hendur fáum trúnaðarmönnum safnaða og þjóðkirkju. Vonandi
verður einnig þetta tekið til greina.
JÖRÐ
343