Sjómannadagsblaðið - 01.06.1976, Side 80

Haraldur Ágústsson skipstjóri er
kunnur maður í hópi þeirra er
kunna skil á sjávarútvegi og sjósókn,
því hann hefur um áraraðir verið
einn aflasælasti skipstjóri landsins.
Nú hefur hann enn orðið aflahæst-
ur, ásamt öðrum skipstjóra, Krist-
birni Árnasyni frá Húsavík, en þeir
skipta milli sín skipstjórn á Sigurði.
Haraldur Ágústsson er 45 ára að
aldri fæddur 24.6. árið 1930 á
Hvalsá í Steingrímsfirði, en Hvalsá
er skammt frá Hólmavík. Haraldur
hóf sjósókn þegar á unga aldri og
þegar hann fór í Stýrimannaskólann
fyrir rúmum 20 árum hafði hann
þegar mikla reynslu sem formaður
og skipstjóri og var þá eini nemand-
inn, sem fór með skip milli anna í
skólanum. Hann var þá skipstjóri á
ýmsum bátum við Húnaflóa frá 19
ára aldri. Þá hafði hann aðeins
„pungapróf“ svokallað. Fyrst byrj-
aði Haraldur á Frigg frá Skaga-
strönd, var með hann fyrir norðan
og sunnan og síðan hefur sjó-
mennsku og skipstjóraferillinn stað-
ið óslitið og nú stýrir hann bestu
skipunum sem út eru gerð á nóta-
veiðar og hefur gert það seinustu
áratugina.
Haraldur varð frægur þegar hann
fyrstur mann tók að nota hina
ómissandi kraftblökk, en það var um
borð í aflaskipinu GUÐMUNDI
ÞÓRÐARSYNI, en kraftblökkin er
svo til algjör forsenda þess að unnt sé
að veiða með hinum stóru nótum í
risjóttum veðrum.
Það var árið 1959.
Við áttum örstutt spjall við Har-
ald Ágústsson, skömmu eftir að
skipið kom heim að afstöðnum
loðnuveiðum og hafði hann þetta að
segja:
— Eg hefi gengið nokkuð milli
skipa síðustu 4-5 árin, leyst af á hin-
um ýmsu nótaveiðiskipum og er
núna með Sigurð ásamt Kristbirni
Árnasyni frá Húsavík. Það hefur
færst í vöxt að tveir menn skipti á
milli sín að fara með skipstjórnina á
þessum stóru nótaskipum. Starfið er
Haraldur Ágústsson, skipstjóri á
þilfarinu á Sigurði
Þetta er
mikið
skip
með
hæsta
ársafla,
sem
vitað
er um
eiginlega ofviða einum manni, ef
úthaldið er langvinnt.
Ég hefi verið á Sigurði siðastliðið.
— Hvað aflaði Sigurður mikið á
seinustu loðnuvertíð?
— Aflinn varð 13.300 tonn. Þetta
er nú ekki mesta magn sem fengist
hefur á eitt skip á loðnuvertíð, þeir
hafa komist hærra en þetta, þótt ég
viti ekki magnið. Við gerum ráð
fyrir að verkfallið hafi skert afla-
magnið um á að giska 5000 lestir,
þótt um það verði ekki sagt með
neinni vissu.
— Annars hefi ég heyrt að aldrei
hafi fengist jafnmikill ársafli í tonn-
um á skip einsog á Sigurði á seinasta
ári en þá fékk skipið um 40.000 tonn
af fiski. Þ.e.a.s. á árinu 1975 frá ára-
mótum til áramóta.
Fyrst var það loðnuvertíðin hér
heima. Þá var siglt til Nýfundna-
lands, þaðan í Barentshaf og svo
enduðu veiðarnar suður við strendur
Afríku, en á síðastnefnda staðnum
fékkst heldur rýr afli.
— Það er áformað að halda til
veiða á Nýfundnalandsmið um
miðjan maí. Er gert ráð fyrir að sá
leiðangur taki tvo eða tvo og hálfan
mánuð.
— Ferð þú með til Nýfundna-
lands?
— Það er ekki alveg ráðið ennþá.
Við erum ekki búnir að ákveða
hvort við skiptum þarna og hinn
taki þá veiðarnar í Barentshafi. Það
kemur líka til greina.
— Hvað ber Sigurður af fiski?
— Hann ber nú líklega mikið, en
við komum með á honum 960-980
tonn þegar mest er. Þetta er mikið
skip og gott.
— Hvað er aflaverðmætið á
loðnuvertíðinni í krónum?
— Skiptaverðið nam um 41 mill-
jónum króna, sagði Haraldur
Ágústsson að lokum.
Haraldur er kvæntur Guðbjörgu
Gunnarsdóttur frá Hólmavík og
eiga þau fjögur börn, þrjá drengi og
eina stúlku. Guðbjörg er systir
Hrólfs Gunnarssonar skipstjóra og
aflakóngs á Guðmundi RE.
72 SJÓMANNADAGSBLAÐIÐ