Eimreiðin - 01.07.1949, Page 10

162
VIÐ ÞJÓÐVEGINN
EIMREIÐIN
allt sé fyrirfram reyrt í flokksviðjar og ákveðið af
miðstjórnum flokkanna? Um þetta skal ósagt látið,
en hrifningarskorturinn og tómlætið leyna sér ekki.
Sennilega læknast þetta í lokahríðinni rétt fyrir
kjördag. En „eitthvað er rotið í ríki Dana“, eins og
Hamlet sagði, og getur sú kunna setning átt við um
kosningafyrirkomulag og kjör til alþingis hér á landi
nú, en fyrirmyndin hefur vitaskuld þar eins og í
flestum öðrum greinum, er snerta stjórnskipun vora,
verið sótt gagnrýnilítið í hliðstæð lög frá Norður-
löndum. Mætti hér á gjarnan fara fram nokkur endur-
skoðun og því fyrr, því betra. En nú líður að því, að
íslenzka lýðveldið sníði sér stjórnskipun, bæði í þess-
um efnum sem öðrum, í samræmi við kröfur tímans.
Sérstakt stjórnlagaþing.
Fimm ár eru nú liðin síðan ísland varð lýðveldi,
og enn hefur því ekki verið sett sú hin nýja stjórnar-
skrá, sem þingflokkarnir lofuðu að setja. Það hefur
komið í ljós, að alþingi, eins og þar er háttað, virðist
ekki hafa skilyrði til að leysa þetta mál. Þess vegna er
krafan um sérstakt þar til kjörið stjórnlagaþing fram
komin, og þeirri kröfu vex stöðugt fylgi. Tillögur þaer
um stjórnarskrá og stjórnarlög, sem áhugamenn um
allt land, án tillits til núverandi stjórnmálaflokka, hafa
á takteinum, eru fyrst fram komnar á Austur- og
Norðurlandi. Þær eiga ekki upptök sín hjá neinum
sérstökum stjórnmálaflokki.
Ályktanir Þingvallafundar.
Laugardaginn og sunnudaginn 10. og 11. þ. m. var
haldinn fundur á Þingvöllum til þess að ræða stjórnar-
skrármálið og tillögur þeirra austan- og norðanmanna