Ægir - 01.12.1916, Blaðsíða 10
138
ÆGIR
höndum. Liggja eins og beðsljettur þvers
yfir túnið, jafnhliða sjávarströndinni. En
þetta eru alt malarkambar frá þeim tíma,
sem túnið var fjöruborð. Á Skaga sjást
þess víða merki, að landið hefir legið
undir sjó.
í Höfnum eru allstór bæjarhús, þótt
nú sje þau tekin mjög að fyrnast. Er auð-
sjeð á öllu heima við bæinn, að þarna
hefir verið stórbú.
Eini ókosturinn við Hafnir er það, hve
langt er til kaupstaðar, alt að 8 klst.
lestagangur.
En þar ætti að sjálfsögðu að hafa vél-
arbát til flutninga að og frá.
Þegar við fórum frá Höfnum fórum
við aðra leið, en við komum. Riðum við
þá eftir dalverpi, er liggur upp frá Höfn-
um. í því er allstórt vatn og var mjer
sagt, að í þvi væri og nokkur silungs-
veiði. Annars eru allmörg slík veiðivötn
á Skaganum utanverðum.
Á heimleiðinni komum við við í Kálfs-
hamarsvík. Þar hefir mönnum komið til
hugar að gera mætti höfn. Landnorðan-
megin víkurinnar gengur fram höfði og
skýlir hann legunni fyrir austan-, land-
norðan- og jafnvel norðanátt. Sjálf er
víkin breið og alldjúp og mundu naum-
ast tök til að byggja þar öldubrjót, sem
stæðist hafrótið. Ofan við höfðann er lítið
stöðuvatn og er malarkambur milli þess
og víkurbotnsins. Er auðsætt, að þar hefir
botn víkurinnar verið, áður en sjórinn
bar kambinn upp. Hefir þar þá verið
ágætis höfn, innilukt fyrir öllum áttum,
en ávalt hefir hún verið lítil og mundi
eigi svara kostnaði að grafa fram kamb-
inn til þess að gera þar höfn, vegna þess
hve lítil hún yrði. Útsunnanmegin í vík-
urbotninum gengur rif á ská fram í vík-
ina, og tekur það mjög úr broti við
landið í vestanátt, sem er aðalbrimaáttin.
Á þessu rifi hefir mönnum komið til
hugar að byggja mætti brimbijót og feng-
ist þá þríhyrndur pollur innan við garð-
inn, sem mundi rúma 10—11 vjelbáta.
Virðist naumast geta komið til mála að
leggja út í hafnargerð þar, fyrir svo fáa
báta.
Á höfða þeim, sem fyr er neíndur,
standa þau fáu hús, sem eru i kauptún-
inu og fremst á honum stendur vitinn.
í Kálfshamarsvík er dálitil róðrarbáta-
útgerð, eitthvað um 6—8 bátar. Er þar
allfiskisælt um sumarmánuðina. Kemur
fiskur þar nokkru fyr en á Skagaströnd
og stendur þar lengur fram eftir haust-
inu og er eigi mjög langt sótt. Mjög er
þar brimasamt í vestanátt.
Höepfnersverslun hefir útibú á Kálfs-
hamarsvik, aðallega til fiskitöku. Eg átti
tal við verslunarstjórann þar um stofnun
fiskiQelagsdeildar og bjóst hann við, að
takast mætti að stofna þar deild, en nú
voru menn á sjónum öllum dögum,
því afli var allgóður og einmuna blið-
viðri á hverjum degi. Lofaði verslunar-
stjórinn mér að gera tilraun til að stofna
þar deild, þegar um hægðist, en eigi hefi
eg enn fengið neitt skeyti frá honum um
það.
Sunnudaginn 20. ágúst hafði eg fund
á Skagaströnd og stofnaði þar deild með
12 meðlimum.
Nú áleit eg, að eg gæti eigi gert meira
á Skaganum og vildi þvi komast burtu
þaðan, helst annaðhvort á Siglufjörð eða
í Fljótin.
Eg hafði hugsað mjer að reyna að ná
á eitthvert síldveiðaskipið kringum Skag-
ann og komast með því til Siglufjarðar.
En nú vildi svo til, að síldin var með
öllu horfin undan Skaganum, en aftur
voru uppgrip af síld vestur undir Strönd-
um.
Af þessu leiddi, að ekkert skip sást í
kring um Skagann, heldur hjeldu þau