Ægir - 01.01.1932, Síða 13

ÆGIR
7
steinbítsroðið til sútunar muni verða
mjög eftirsótt, en meðan að kreppa sú,
sem nú er, er að fara yfir, og verðfall á
skinnum yfirleitt, má ekki gerasérvonir
um miklar endurbætur á því sviði, frek-
ar en öðrum.
Síldveiði var þar töluverð, þó að lítið
væri saltað þar, því að samvinnbátarnir
stunduðu veiði sina frá Siglufirði, eins og
árin áður.
Síldarbræðslustöðvarnar báðar, bæði á
Hesteyri og Flateyri, voru starfræktar.
Smokkganga var þar töluverð í Djúp-
ið. seinni part sumarsins, og var nokk-
uð fiskað og látið í íshúsin, en þó til-
tölulega lítið, þar sem þau voru að mestu
leyti full af sild undir.
Seinni hluta áxsins var ekkert saltað
af fiski á Vestfjörðum, frekar en annars-
staðar á landinu, en mjög mikið flutt
út þaðan af ísíiski.
Höfðu Önfirðingar og Súgfirðingarsam-
lag með sér, og höfðu þeir fengið skip
Kárafélagsins frá Viðey, til að annast
flutningana, en frá Isafirði og verstöðv-
unum við Djúpið, önnuðust ísafjarðar-
togararnir flutningana, ásamt ýmsum
enskum togurum, sem fyrir forgöngu
Jóns Auðunns alþm., keyptu þar fisk af
bátum, til útflutnings.
Á árinu var byrjað á byggingu haf-
skipabryggju í Hnífsdal, var bryggjunni
fundinn staður inn á svokölluðum Völl-
um, innan til við þorpið, milli Hnífs-
dals og ísafjarðar.
Norðlendingafjórðungur.
Þar gerast jafnan litil tíðindi á sviði
fiskveiðanna, fyrstu mánuði ársins, enda
var tíð þar mjög óhagstæð fyrsta árs-
fjórðunginn, svo að sjaldan gaf á sjó, og
var því varla hægt að segja hvort fisk-
ur væri þar genginn, eins og undanfar-
andi ár eða ekki, enda var þar lika ugg-
ur mikill i útgerðarmönnum, og óvist
mjög hvort liægt væri að gera út fjölda
bátanna eða ekki, því útgerðarmenn
höfðu tapað mjög við verðfallið sem varð
á fiskinum, árið áður, en í Norðlendinga-
fjórðungi höfðu skipverjar undanfarandi
um lengri tíma, almennt verið ráðnir
upp á fast kaup, en það var fyrirsjáan-
legt, að á þeim ráðningargrundvelli yrði
ekki hægt að koma bátunum af stað.
Fjórðungsþing fiskideilda Norðlend-
ingafjórðungs, gekkst fyrir þvi, að boða
til almenns fundar á Akureyri, og var
sá fundur haldinn þar, í janúarmánuði,
með kjörnum fulltrúum frá öllum deild-
um og útgerðarplássum fjórðungsins.
Var ákveðið á þeim fundi, að færa
ráðningarkjörin, að svo miklu leyti, sem
mögulegt væri, yfir í hlutaskipti, og voru
hlutaskiptakjörin að mestu ákveðin á
fundinum.
Ákveðið er, að annar samskonar fund-
ur verði haldinn á Akureyri, nú í jan-
úarmánuði, til þess að ræða um útgerð-
armál og fyrirkomulag útgerðarinnar
næsta sumar.
Fundur þessi, verður eins og fyrri
fundurinn, kostaður af fjórðungsþingi
fiskideilda i Norðlendingafjórðungi, og
hefur fjórðungsþingið veitt til þess sömu
upphæð og árið áður, 500 kr.
Það er enginn efi á, að það er mjög
gott og nauðsynlegt, að slíkir fundir séu
haldnir árlega í hverjum landsfjórðungi,
og gefa Norðlendingar þarna fordæmi,
en manni verður á að spyrja í þessu
sambandi, hvers vegna faka fjórðungs-
þing Fiskifélagsins þetta ekki að sér, því
þetta er einmitt eitt af þeim verkum,
sem þeim er ætlað að gera, og mark-
miðið með stofnun Fiskifélagsins og deilda
þess, með fjórðungsþingum og fiskiþing-
um, er einmitt þetta, ásamt svo mörgu
öðru, að leitasl við að finna öruggan