Ægir - 01.11.1981, Qupperneq 15

Fundur Rannsóknaráðs með aðilum úr sjávarútvegi
Björn Dagbjartsson:
Inngangserindi
Ráðherra.
Góðir fundarmenn.
Ég reikna með að
ykkur séu nú orðnar vel
kunnar helztu niðurstöð-
ur þessarar skýrslu, sem
hér liggur fyrir og að
óþarft sé að lesa þær upp
eða fara nákvæmlega
yfir það, sem í bókinni
stendur, enda er það
umræðuefni dagsins og
fer vonandi sína umfjöllun í dag.
Ég vil undirstrika það, að ég var ekki formaður
þessa hóps, heldur Jónas Blöndal og hleyp ég hér í
skarðið fyrir hann. Það er þó ekki svo að skilja, að
hann sé fremur ábyrgur fyrir efninu heldur en við
hinir. Þó að hver kafli hafi að miklu leyti verið
saminn af ákveðnum manni eða mönnum, þá hafa
ah'r kaflar fengið rækilega umfjöllun af öllurn
hópnum og skýrsluna í heild verður að taka sem
skoðanir okkar á þróun sjávarútvegs, en okkar
skoðanir eru svo auðvitað enginn heilagur sann-
leikur fremur en annarra dauðlegra manna.
Ég vil þó leyfa mér að halda því fram, að svo-
kallaðs hagsmunapots, landshlutapólitíkur og ann-
arra slíkra sjónarmiða sem oftast setja svip sinn á
Umræðu um sjávarútvegsmál hafi ekki gætt hjá
°kkur. Það má svo aftur gagnrýna það, hvort svo
eigi að vera og að við, þessir náungar höfum kann-
ske „ekkert vit á fiski“. Þau sjönarmið koma þá
Vaentanlega fram í dag.
Ég vil vekja athygli fundarmanna á því, að þessi
skýrsla er að efni til að mestu leyti miðuð við árs-
hyrjun 1980, enda var mestu af gagnasöfnuninni
iokið fyrir um það bil ári síðan. Okkur er ljóst, að
þetta er galli og umfjöllun um ársgamlar upplýs-
'ngar vill oft verða lituð af þeim atburðum og
þeirri þróun, sem átt hefur sér stað síðan. Sums
staðar eru þó nýrri upplýsingar, einkum í
hnflanum um aflaspár. En þetta á ekki að valda
Mynd 5. Grásleppukarlar.
neinum ruglingi ef menn lesa skýrsluna í samhengi
og taka eftir forsendum og ártölum í töflum.
Ein af meginástæðum fyrir því, að við vildum
halda okkur við ástandið í byrjun árs 1980 var sú,
að þessi skýrsla á að vera beinn arftaki ,,Bláu
skýrslunnar“ svokölluðu um þróun sjávarútvegs,
sem út kom árið 1975 og spáði fram til 1980. Það
þótti óþarft að endurtaka margt af því, sem þar
kom fram, en það var hins vegar lögð áherzla á að
skoða hvernig spádómar Bláu skýrslunnar hefðu
staðist hingað til. Það er rétt að leggja áherzlu á,
að þá er átt við spádóma þeirrar skýrslu um líkleg-
ustu framvindu, ekki hvað rithöfundarnir töldu
æskilegast. i
Þegar á heildina er litið, þá fannst okkur að spa-
dómarnir hefðu staðist aldeilis merkilega vel, með
einni að vísu mjög þýðingarmikilli undantekningu.
Afli, sérstaklega af þorski, hefur orðið miklu meiri
en þá var talið mögulegt. Af þessari villu leiðir svo
aftur ýmislegt í þróun vinnslu og markaðsmálum
sem hefur þó ekki breytt þeim þáttum eins mikið.
jakob Jakobsson gerði ítarlega grein fyrir því í
grein í 12. tbl. Ægis 1979 af hverju þessar áætlanir
um framtíðarafla reyndust of lágar og það hefur
Sigfús Schopka og reyndar fleiri gert. Þó er ég á
því, að það hafi enn ekki komist nægilega vel til
skila og gerði ekkert til þó að það væri rifjað upp
einu sinni enn hér á eftir.
ÆGIR — 591