Ægir - 01.08.1993, Qupperneq 16

ísland á gufuskipum og rótuðu upp
fiski fyrir framan nefið á íslendingum.
Með tilkomu íslandsbanka 1904 varð
til bakhjarl togaraútgerðar og sama ár
festi Fiskveiðihlutafélag Faxaflóa kaup
á Coot, litlum, gömlum togara frá
Aberdeen. Hann var gerður út frá
Hafnarfirði með góðum árangri uns
hann strandaði 1908. Vélvæðing báta-
flotans hófst um svipað leyti. Árið
1911 hafði íslensk togaraútgerð slitið
barnsskónum og sýnt yfirburði yfir
skúturnar og fram til 1917 voru gerðir
út um 30 togarar. Fyrsti togarinn sem
íslendingar létu smíða fyrir sig var Jón
forseti 1907, fyrsti nýsköpunartogar-
inn var Ingólfur Arnarson 1947 og
fyrsti skuttogarinn var Siglfirðingur
1964. Á 2. hæð er meðal annars saga
vélbáta og togara, farþega- og flutn-
ingaskipa, landhelgisgæslu, þorska-
stríða, siglingatækni, fjarskipta og
síldveiða.
Fróölegir munir á smœrri sýningum
í rishæð safnhússins eru nokkrar
smærri sýningar, til dæmis á munum
úr sögu Slysavarnafélags íslands, fróð-
legir munir af hafsbotni, kafarabún-
ingur og skipsklukkan af franska haf-
rannsóknaskipinu Pourquoi PaS'
krabbar, skeljar og fleira úr lífríki hafs-
ins, myndir og munir frá hvalveiðurn,
en ekki síst kappróðrabáturinn og
hvítblái fáninn sem danskir sjóliðar af
„Islands Falk" tóku af Einari Péturssyni
er hann reri sér til skemmtunar a
Reykjavíkurhöfn 12. júní 1913, fyör
röskum áttatíu árum. „Fánamálið" olli
miklu uppnámi og það dró pólitískan
dilk á eftir sér. í risinu er einnig að-
staða fyrir kennslu skólabarna, skoðun
myndbanda, fundi og fyrirlestra. I for-
sal safnsins verður brugðiö upp smærri
sýningum eftir því sem tilefni gefast.
Þar eru minjar um bátabrunann í Vest-
urvör 23. apríl síðastliðinn, sýning a
sérlega glæsilegum og merkum mun-
um og teikningum frá Vita- og hafna-
málaskrifstofu, merkjafánar af skipurn,
ný aðföng sem safninu berast, stórt
líkan af Kútter Haganesi, auk mynda
og líkana sem minna á siglingu er-
lendra manna til íslands fyrr á tímum-

■
k
\\ t.5 8 ]É\ ■/