Tímarit lögfræðinga - 01.09.1952, Page 45

MeiOyrSi og meiOyrOamál.
165
um tilvik þau, sem fyrri dæmin eiga að skýra. 1 orðasennu
geta mörg ærumeiðandi orð eða athafnir farið milli tveggja
manna eða fleiri og skírskotar þá ef til vill hvor eða hver
aðilja til þeirra ærumeiðinga, sem hvor eða hver telst hafa
orðið fyrir af hálfu hins eða hinna. Ekki þurfa ærumeið-
ingarnar að vera framdar in continenti til þess að ákvæði
239. gr. verði notuð, en sjálfsagt er oft því ríkari ástæða til
þess að nota heimildina í 239. gr. sem skemmra hefur liðið
milli ærumeiðinganna, því að „blóðnætur eru hverjum bráð-
astar“.
1 239. gr. er einungis vísað til 234. og 235. gr. hegnl.
Þessi tilvísun girðir að sjálfsögðu ekki fyrir það, að aðili,
sem saksóttur er samkvæmt 240. gr. geti fært sér til varnar
„ótilhlýðilegt hátterni" ins ærumeidda látna manns með
sama hætti sem annars. Stefndi í máli samkvæmt 240. gr.
mundi yfirleitt njóta sömu hagræða sem stefndur nýtur
almennt í meiðyrðamáli, þar á meðal ákvæða 74. og 75.
gr. hegnl.
Eigi þarf varnaraðili að höfða mál á hendur sóknaraðilja
til þess að koma að þeirri vörn, að sóknaraðili hafi veitt
efni til ærurrteiðinga þeirra, sem varnaraðilja er gefin sök
á, en ef hann vill fá sóknaraðilja dæmdan fyrir ærumeið-
ingar hans í garð varnaraðilja, þá verður hann að höfða
mál á hendur sóknaraðilja í því skyni, og er þá slíkt mál
höfðað sem gagnsök, enda má þá vel svo fara, að báðum
verði dæmd refsing fyrir ærumeiðingarnar.
Ákvæði 239. gr. geta auðvitað bæði tekið til aðdróttana
og hvers konar mó'ðgana. Aðdróttun má svara með annarri
aðdróttun eða móðgun. Móðgun er svarað með annarri
móðgun eða aðdróttun. Varnarili getur sjálfsagt varið
sig með ótilhlýðilegu hátterni af hálfu þess, sem hann æru-
meiddi, hvort sem mál á hendur honum er einkamál eða
opinbert mál. En gagnsök getur varnaraðili auðvitað ekki
höfðað, ef málið gegn honum er opinbei't. Hann getur ekki
fengið dóm á hendur andstæðingi sínum í opinbei'u máli.
En hann mundi síðar geta fengið slíkan dóm í einkamáli,
því að dómur í opinbera málinu segir um það eitt, hverju