Tímarit lögfræðinga - 01.10.1956, Blaðsíða 39

Hugo Wilhelm Conventz, f. 1855, grasafræðingur að
menntun. Fvrir atbeina lians var komið á fót þýzkri nátt-
úruverndarstofnun árið 1906, og varð hann fj-rsti forstjóri
hennar . Conventz fór fyrirlestraferðir til margra landa til
að vekja áhuga á náttúruvernd og skipuleggja náttúru-
verndarstarfsemi. Hann hafði sérstakan áliuga á Norður-
löndum. Fyrirlestrar hans i Kaupmannahöfn 1905 urðu til
þess, að danskir náttúrufræðingar stofnuðu náttúruvernd-
arnefnd 1906, og beitti hún sér fyrir setningu almennra
laga um náttúruvernd 1917. Gonventz átti og mikinn hlut
að þvi að Svíar settu sér náttúruverndarlög 1909 og Norð-
menn ári síðar.
II.
Hér á landi skortir almenn lög um náttúruvernd, sem
kunnugt er. Að vísu hefur ýmsum þáttum náttúru og
náttúrulífs verið veitt vernd með friðunarlögunum. Má
þar nefna lög um friðun fugla og eggja, bæði almennu
lögin nr. 59/1913 og sérlög um friðun einstakra fuglateg-
unda, shr. 1. nr. 74/1941, um æðarfugla, 1. nr. 42/1921,
um iunda, og lög nr. 83/1940, sbr. 1. nr. 107/1950, um
erni og vali. Frumvarp um fuglaveiðar og fuglafriðun
var lagt fram á Alþingi 1951, og er nú orðið að lögum.
Þá má og nefna lög, er varða dýrafriðun, 1. nr. 28/1940,
um friðun lireindýra og eftirlit með þeim, og 1. nr. 23/1914,
um friðun héra. Enn má nefna friðunarákvæði 1. um lax-
og silungsveiði, nr. 112/1941, ákvæði 1. nr. 21/1939, um
ostrurækt, ákvæði tsk. 20. júni 1849, um selalátur og egg-
ver (sbr. og 1. nr. 30/1925), og ákvæði 1. nr. 26/1949,
um hvalveiðar, sbr. rgj. nr. 113/1949, sem friða tilteknar
hvalategundir. I þessu sambandi má og orða lög, sem
stemma stigu við notkun ákveðinni veiðitækja, svo sem
hotnvörpu, flotvörpu eða dragnótar. Að því er tekur til
gróðurfars, má nefna friðunarákvæði skógræktarlaga, nr.
100/1940, lög nr. 18/1941, um sandgræðslu og heftingu
sandfoks, og 1. nr. 85/1943, um ítölu. Þá má enn nefna
Tímarit lögfrœöinga
229