Tímarit lögfræðinga - 01.05.1976, Blaðsíða 37

Tímarit lögfræðinga - 01.05.1976, Blaðsíða 37
Að ræðum framsögumanna loknum hófust almennar umræður. Fyrsti ræðu- maður var Jónatan Þórmundsson prófessor, sem gagnrýndi harðlega þá til- lögu, að dómsmálaráðherra yrði yfirmaður rannsóknarlögreglunnar. Lýsti hann tillógu nokkurra lögfræðinga um, að hún yrði sjálfstæð, óháð ríkisstofn- un með svipuðum hætti og embætti saksóknara ríksinis. Þór Vilhjálmsson hæstaréttardómari lýsti annarri skoðun á þessu atriði, en sagði síðan frá öðr- um frumvörpum, sem réttarfarsnefnd hefur unnið að og væntanlega verða lögð fram innan skamms. Steingrímur Gautur Kristjánsson héraðsdómari taldi meginstefnu hinna nýju frumvarpa í samræmi við eðlilega og skynsam- lega þróun í réttarfari, en kvað þó hættu felast í ýmsum einstökum atriðum, t.d. um þátttöku ólöglærðra manna í störfum dómstóla og um skerðingu á heimild dómstóla til að rannsaka mál. Tómas Gunnarsson hdl taldi samtök lögfræðinga ekki hafa látið jafnmikið að sér kveða við umbætur á réttarfari og vera bæri. Tómas vék m.a. að hlutverki saksóknara, þegar unnið er að rannsókn opinberra mála, og taldi, að það mætti vera meira. Þá ræddi hann gagnrýni vegna seinagangs dómsmála og fleiri atriði. Baldur Möller ráðuneyt- isstjóri taldi gagnrýnina varðandi yfirstjórn rannsóknarlögreglunnar byggða á misskilningi varðandi stöðu lögreglunnar í stjómkerfinu. Hann skoraði á lög- fræðinga að standa sarnan í stuðningi við réttarbætur á þessu sviði. Prófessor Jónatan Þórmundsson og frummælendur tók að lokum til máls öðru sinni. Fundi lauk nokkru eftir miðnætti. Umræðurnar á fundi þessum urðu allheitar á köflum, einkum þegar vikið var að sambandi dómsmálaráðherra og hinnar fyrirhuguðu Rannsóknarlög- reglu ríkisins. Ræðumenn voru þó á einu máli um að æskileqt væri að gera breytingar í samræmi við meginstefnu þeirra frumvarpa, sem til umræðu voru. GarSar Gíslason. DÓMAR í SJÓRÉTTARMÁLUM 1965—1974 Arnljótur Björnsson tók saman. Útgefandi vekur athygli lögfræðinga, laganema, vátryggingarmanna og sjómanna á útkomu „Dóma í sióréttarmálum", sem próf. Arnljótur Björnsson tók saman. Bókin fæst á eftirtöldum stöðum: Bókaverzlun ísafoldar, Bókaverzlun Sigfúsar Eymundssonar, Bóksölu stúdenta, Mál og menning. Lögmannafélag íslands. 31

x

Tímarit lögfræðinga

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tímarit lögfræðinga
https://timarit.is/publication/586

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.