Tímarit lögfræðinga - 01.10.1976, Page 8

þá einungis fáa daga til þess að eiga áttræðisafmæli sem stúdent. Mun slíkt
vera harla sjaldgæft ef ekki eindæmi.
Fyrir þann er þetta ritar, er það einstakt happ að hafa kynnst náið manni,
sem útskrifaður var úr hinum forna latínuskóla, og þó ég vilji á engan hátt
taka nám forntungnanna fram yfir nútímalegri fræðigreinar þá var þó latínu-
nám Halldórs í skóla það er lengst lifði og markaði hann til æviloka og var
honum vörn í mótlæti og gleðigjafi á góðum stundum.
Þegar Jón Jóhannesson skrifaði í dagbók sína sem áður um getur segir
hann að lokum frásagnar sinnar um Halldór Kr. Júlíusson að sér hafi „ekki
tekist að gleyma þessum feimulausa höfðingja þeirra Strandamanna“.
Undir þessi orð hygg ég að allir sem þekktu Halldór Kr. Júlíusson vildu taka.
Ragnar Jónsson.
HERMANNJÓNASSON
Hermann Jónasson, fyrrverandi forsætis- og
dómsmálaráðherra, lést í Reykjavík 22. janúar
sl„ 79 ára að aldri.
Með Hermanni Jónassyni er genginn einn
þeirra merkismanna, sem sett hafa svip á sögu
íslendinga á þessari öld, maður fjölþættra hæfi-
leika og mikilla athafna. Saga Hermanns Jón-
assonar verður ekki sögð í fáum orðum, enda
svo samtvinnuð þjóðarsögu í 30 ár að þar verð-
ur oft ekki á milli skilið. Hann var m.a. forsæt-
isráðherra lengur en aðrir menn og gegndi
ýmsum öðrum ráðherrastörfum lengur en flest-
ir aðrir. Hann átti að baki 33 ára þingsetu, er
hann lét af þingmennsku vorið 1967, og gegndi
starfi formanns Framsóknarflokksins full 18 ár.
Ævistarf hans er því fyrst og fremst tengt stjórn-
málum. Stjórnmálamenn eru að vísu umdeildir, svo látnir sem lifandi, en
mörgum þeirra auðnast að marka spor á framfarabraut, svo að lengi sér þeirra
stað.
Engum efa er bundið, að Hermanns Jónassonar verður minnst í þjóðarsögu,
þegar samtíma hans verða gerð skil. Hans verður minnst sem merkilegs stjórn-
málaforingja, sem gegndi forystuhlutverki með þjóð sinni á erfiðleika- og
umbrotatímum og veitti heilladrjúga leiðsögn í vandasömum landsmálum. Hef
ég þá einkum í huga kreppu- og styrjaldarárin 1934—1942, þegar Hermann
var forsætisráðherra hið fyrra sinn samfleytt í 8 ár, og aðgerðir ríkisstjórnar
þeirrar, er hann veitti forystu 1956—1958 í landhelgismálinu.
Hermann Jónasson fæddist 25. desember 1896 að Syðri-Brekkum í Akra-
hreppi, Skagafjarðarsýslu. Foreldrar hans voru hjónin Jónas bóndi þar Jóns-
son og Pálína Guðný Björnsdóttir. Var Hermann næstyngstur sex systkina, en
yngstur fjögurra bræðra. Hann fluttist einn burt af heimaslóð, hin systkinin
50