Tímarit lögfræðinga - 01.10.1976, Síða 13

Eiríkur Tómasson stjórnarráðsfulltrúi:
KÖNNUN Á GJALDÞROTAÚRSKURÐUM 1960-1974.
1. Könnun þessi var gerð á vegum Lagastofnunar Háskóla Islands,
að frumkvæði Þórs Vilhjálmssonar þáverandi prófessors. Undirritaður
vann að henni frá því í byrjun júní til loka ágúst sumarið 1975.
Markmiðið var að afla sem gleggstra upplýsinga um gjaldþrotaskipti
á tslandi á síðustu árum. Segja má, að könnunin hafi verið gerð vegna
þeirrar endurskoðunar á gjaldþrotaskiptalöggjöfinni, er nú stendur
yfir.
2. Könnunin var byggð á þeim gjaldþrotaúrskurðum, er kveðnir voru
upp hér á landi á fimmtán ái’a tímabili, þ.e. á árunum 1960 til 1974,
að báðum árum meðtöldum. Sá tími, sem til stefnu var, sneið verkinu
þröngan stakk, en úrtakið er þó að dómi undirritaðs nægilega stórt, til
að mark sé á því takandi.
Upplýsinganna var aflað með eftirfarandi hætti:
Undirritaður fór í fyrstu gegnum öll tölublöð Lögbirtingablaðsins
frá því í ársbyrjun 1960 og allt til loka júlí 1975.
Skráðir voru í fyrsta lagi allir þeir gjaldþrotaúrskurðir frá fyrr-
greindu fimmtán ára tímabili, þar sem innköllun í Lögbirtingablaði
fylgdi á eftir. Úrskurðirnir voru skráðir í sérstakar frumbækur og
tekið fram, hvaða aðili hefði verið úrskurðaður gjaldþrota, svo og hve-
nær og í hvaða umdæmi úrskurður hefði verið kveðinn upp. Þégar ein-
staklingar áttu í hlut, var ennfremur tiltekinn fæðingardagur og -ár
og staða, kæmi slíkt fram í innköllun. Einstaka sinnum varð ekki séð
á innköllun, hvenær úrskurður hefði verið kveðinn upp. Þegar þannig
stóð á, var miðað við það, hvenær innköllun var gefin út.
1 öðru lagi voru skráðar lyktir skipta eftir auglýsingum um skipta-
lok, er birtar voru í Lögbirtingarblaði. Tilgreindar voru allar þær upp-
lýsingar, er fram komu í auglýsingunum, þ. á m. með hverjum hætti
skiptum hefði lokið, hvort eignir hefðu fundist og þá hve miklar, hve
55