Tímarit lögfræðinga - 01.10.1976, Page 14

háum kröfum hefði verið lýst og — ef um það var að ræða — hve mik-
ið hefði greiðst upp í þær.
I þriðja lagi voru skráðir þeir skiptafundir, sem auglýstir voru í
Lögbirtingablaði.
Þetta verk var all tímafrekt og tók u.þ.b. tvo mánuði. Að því loknu
var samt ljóst, að frekari upplýsingar skorti, til þess að heildarmynd
fengist af viðfangsefninu. Lágu til þess tvær ástæður:
f fyrsta lagi vantaði ýmsar mikilsverðar upplýsingar í auglýsingar
þær um skiptalok, er birtar voru í Lögbirtingablaði, auk þess sem mj ög
skorti á innbyrðis samræmi í auglýsingunum.
1 öðru lagi hefur svo á síðustu árum og í vaxandi mæli verið tekinn upp
sá háttur, þegar um bú algerlega eignalausra einstaklinga hefur verið
að ræða, að ljúka skiptum án þess að gefa fyrst út innköllun. Þessari
aðferð við að ljúka skiptum var framan af aðeins beitt í Reykjavík,
en á allra síðustu árum hefur hún verið tekin upp í umdæmum í næsta
nágrenni höfuðborgarinnar.
f síðastnefndum tilvikum hafði því innköllun aldrei verið birt í Lög-
birtingi, heldur einungis auglýsing um skiptalok. Upplýsingar um
þrotabú, er tekin höfðu verið til skipta á þennan hátt án þess að skipt-
um væri lokið í júlí 1975, skorti því algerlega.
Undirritaður fór því á fund skiptaráðenda í Reykjavík, Kópavogi og
Hafnarfirði til að afla þeirra upplýsinga, er á vantaði. í sama skyni var
hririgt til nokkurra skiptaráðenda úti á landi. Hvarvetna tóku þeir,
sem leitað var til, málaleitaninni vel. Aðeins í einu tilviki tókst ekki að
hafa upp á þeim upplýsingum, er eftir var leitað.
Höfundur þessarar greinar vann 1975 á vegum
Lagastofnunar Háskóla Islands að könnun á
gjaldþrotaskiptum samkvæmt. úrskurðum, sem
kveðnir voru upp 1960—1974. Var sagt frá
nokkrum helstu niðurstöðum í TL 2. hefti
1975. Hér birtist hins vegar endanleg skýrsla
Eiríks um könnunina. Það vekur m. a. athygli
hve litlar eignir koma fram í þrotabúum og
að 81% búa, er skiptum var lokið í, voru eigna-
laus. Eiríkur Tómasson er nú fulltrúi í dóms- og
kirkjumálaráðuneytinu, en um námsferil hans
er getið í TL. 4. hefti 1975, þar sem þirt var
grein hans um sænsku stjórnsýslulögin frá
1971.
56