Tímarit lögfræðinga - 01.12.1980, Blaðsíða 47

forystu. Dagblaðið (5) 8. ágúst 1979. — Borgaraleg verkalýðshreyfing. Dag-
blaðið (5) 22. ágúst 1979. — Almannaréttur. Útilíf, Rit Landverndar 6. Rvík
1979, bls. 39-52. (Að meginstofni sama ritgerð og birtist í Úlfljóti 31 (1978),
bls. 36-48, sbr. skýrslu Lagastofnunar 1978-1979).
Fyrirlestrar: Um útilíf og fuglaveiðar á afréttum og almenningum. Fyrir-
lestur fluttur á almennum fundi Orators, félags laganema 1. nóvember 1979.
— Á aldarártíð Jóns Sigurðssonar. Fyrirlestur fluttur á aðalfundi Hins íslenska
bókmenntafélags 15. desember 1979. — Hefur að auki unnið að athugunum
á sviði réttarsögu, að undirbúningi útgáfu Sögu íslands 4.-5. bindi og sögu-
legum tengslum Islands og Jan Mayen.
Stefán Már Stefánsson:
Hefur á starfsárinu unnið að samningu kennslurits um gjaldþrotaskipti.
Skýrslur hafa ekki borist frá Birni Þ. Guðmundssyni og Gauki Jörundssyni.
Útgáfa lagasafns:
Nokkrum sinnum hefur borið á góma, að Lagastofnun tæki að sér útgáfu
lagasafns. Hreyfði forstöðumaður því á sínum tíma við Steingrím Hermanns-
son, er hann var dómsmálaráðherra, og Ármann Snævarr hæstaréttardómara,
sem annast hefur útgáfu safnsins.
Um mánaðamót október/nóvember 1979 barst Lagastofnun svohljóðandi
bréf:
„Dóms- og kirkjumálaráðuneytið
Reykjavík, 30. október 1979.
Ráðuneytið hefur ákveðið að fela Lagastofnun Háskóla íslands að sjá
um útgáfu á nýju lagasafni, sem gefið yrði út af ráðuneytinu.
Er lagastofnun falið að skipa ritstjórn lagasafns, er annist undirbúning og
framkvæmd útgáfunnar, að höfðu nánara samráði við ráðuneytið.
Kostnaður vegna útgáfu lagasafns verður greiddur af fjárveitingu, sem
ráðuneytið mun hlutast til um að tekin verði á fjárlög.
Vilmundur Gylfason /
Hjalti Zóphóníasson.“
Þegar málið hafði verið rætt á stjórnarfundi stofnunarinnar, var sent
svofellt svar:
„Reykjavík 14. nóv. 1980.
Dómsmálaráðherra
Reykjavík.
Lagastofnun hefur borizt bréf yðar, herra dómsmálaráðherra, dags. 30.
október 1979, þar sem greint er frá því að dóms- og kirkjumálaráðuneytið
hafi ákveðið að fela Lagastofnun Háskóla Islands umsjón með útgáfu á nýju
lagasafni, sem gefið yrði út af ráðuneytinu.
Á stjórnarfundi í Lagastofnun þriðjudaginn 13. nóvemþer s.l. var sam-
þykkt samhljóða, að Lagastofnun tæki verkið að sér, ef um semdist að öðru
leyti.
í bréfi yðar var Lagastofnun falið að skipa ritstjórn Lagasafns, er annist
undirbúning og framkvæmd útgáfunnar að höfðu nánara samráði við ráðu-
241