Tímarit lögfræðinga - 01.12.1980, Side 55

sérstaklega heimsóknum í dómstóla og til annarra lögfræðistofnana. Voru
formaður og ritari framsögumenn á fundinum. Á síðari hádegisverðarfund-
inum var rætt um utanferðir dómara sem lið í menntun þeirra. Voru formaður
og Hrafn Bragason borgardómari þar framsögumenn og urðu víðtækar um-
ræður um efnið. Skýrði stjórnin þar m.a. frá hugmyndum um dómaraheim-
sókn til Danmerkur og Suður-Svíþjóðar í tengslum við norrænt lögfræðinga-
þing í ágúst á næsta ári og um undirþúning að þeirri heimsókn.
Þá var haldið eitt málþing hinn 7. júní í félagsheimilinu Fólkvangi á Kjalar-
nesi. Fjallaði það um starfshætti, starfsskilyrði, starfsþjálfun, menntun og
endurmenntun dómara. Framsögumenn um einstaka þætti viðfangsefnis voru
Garðar Gíslason, borgardómari, sem ræddi um dómhús í Reykjavík. Stein-
grímur Gautur Kristjánsson, borgardómari, er fjallaði um aðbúnað að dóm-
stólum landsins, Haraldur Henrýsson, sakadómari, um starfsþjálfun dómara
og hreyfanleika í störfum, Már Pétursson, héraðsdómari, um menntun og
endurmenntun dómara og Friðgeir Björnsson, borgardómari, um skipun í
dómaraembætti og skilyrði til að gegna þeim. Tókst þetta málþing ágætlega
í hvívetna, og urðu fjörugar umræður um marga þætti þess. Æskilegt hefði
verið að gefa út í fjölriti erindi þessi, en til þess skortir félagið fjárhagslegt
bolmagn.
IV. HÚSNÆÐI FYRIR DÓMARAFÉLAGIÐ.
Stjórn félagsins ákvað á starfsárinu, að félagið gerðist aðili að kaupum á
húsnæði að Lágmúla 7 í samlögum við Bandalag háskólamanna og ýmis
félög lögfræðinga. Var ritara félagsins falið að taka sæti fyrir hönd félagsins
í hússtjórn. Ekki orkar tvímælis, að mjög er mikilvægt að félagið geti tryggt
sér til frambúðar athvarf fyrir stjórnarfundi, nefndarfundi o.fl., svo og geymslu
fyrir gögn félagsins. Auk þess fær félagið aðgang að ýmissi þjónustu á þeirri
hæð, sem B.H.M. festir kaup á. Taldi stjórnin tilboðið hagkvæmt og við-
ráðanlegt fyrir félagið. Hér er um nokkra fjárhagsbyrði að ræða, og vera má,
að félagsgjöld hækki nokkuð næstu árin vegna þessarar fjárfestingar. Tekið
skal fram, að herbergi það, sem D.l. hefir haft á leigu hjá B.H.M., að Hverfis-
götu 26, hefir komið að miklum notum fyrir stjórn félagsins. Kaupin að Lág-
múla 7 eru nánast fólgin í hlutdeild í einu herbergi, þar sem m.a. Dómara-
félag Reykjavíkur o.fl. lögfræðingafélög eru einnig aðili að.
V. VIÐRÆÐUR VIÐ DÓMSMÁLARÁÐHERRA.
Stjórn félagsins hefir átt vinsamlegar viðræður við dómsmálaráðherra
Friðjón Þórðarson m.a. um ýmis erindi, sem félagið hefir sent ráðuneytinu að
undanförnu. Meðal þeirra erinda eru þessi:
1. Um endurmenntun dómara, fjárframlög hins opinbera til námskeiðahalds,
málþinga, heimboð erlendra fyrirlesara og heimsókn dómara til erlendra
dómstóla o.fl.
2. Um bætta aðbúð að dómstólum, húsnæðismál dómstóla, aukinn tækja-
kost, tölvutækni í þágu dómstóla o.fl.
3. Um aukinn sveigjanleik í dómsstörfum og greiðari leiðir fyrir menn til að
skipta um störf innan dómkerfisins eða í tengslum við það.
4. Um nýjar reglur um veitingu dómaraembætta.
5. Um nauðsynina á því, að taka hið allra fyrsta afstöðu til þess, hversu
249