Tímarit lögfræðinga - 01.12.1980, Qupperneq 59

áratugum. Var þetta snjall og áhugaverður lestur, en fyrirlesari var prófessor
og rektor sasnska verslunarháskólans í Helsinki um árabil.
Að loknum eiginlegum aðalfundarstörfum seinni daginn var tekið til með-
ferðar efnið: Dómstólar, rannsóknar- og ákæruvald og fjölmiðlarnir. Fram-
sögu höfðu í málinu þeir Þórður Björnsson ríkissaksóknari, Hallvarður Ein-
varðsson rannsóknarlögreglustjóri ríkisins og Hrafn Bragason borgardómari.1)
Gerðu þeir þessu efni mjög góð og ítarleg skil. Urðu nokkrar umræður að
loknu máli frummælenda. Tóku báðir norrænu dómararnir þátt í þeim svo
og Kári Jónasson fréttamaður, formaður Blaðamannafélags íslands, en hon-
um var boðið á fundinn af þessu tilefni.
Á fundinum var samþykkt tillaga, þar sem skorað var á ráðherra dómsmála
og fjármála að tryggja nauðsynlegt fjármagn á árinu 1981, svo að unnt verði
að hefjast handa um undirbúning byggingar dómhúss í Reykjavík. Þá segir
ennfremur, að bent sé á nauðsyn þess, að gerð verði samfelld áætlun um
úrbætur í húsnæðismálum dómstóla hvarvetna á landinu og að tekið verði
tillit til þarfarinnar að búa dómstóla viðunandi tækjakosti. Þá var einnig
samþykkt að heimila stjórninni að leita eftir aðild að alþjóðasambandi dómara.
Fundinn sóttu dómarar hvaðanæva að af landinu og fjölluðu þeir um hin
ýmsu sameiginlegu hagsmuna- og sérmál dómarastéttarinnar. Var þetta fjöl-
mennasta dómaraþing sem haldið hefur verið. Sérstakan svip á samkomuna
setti fundarseta hinna tveggja norrænu dómara, en þeir tóku virkan þátt í
fundarstörfum. Er þetta í fyrsta sinn sem fulltrúar frá norrænum dómarasam-
tökum sitja dómaraþing á íslandi.
Dr. Ármann Snævarr hæstaréttardómari var endurkjörinn formaður. Aðrir
í stjórn eru Hrafn Bragason borgardómari, varaformaður, Ólafur Stefán Sig-
urðsson héraðsdómari, ritari, Jón Eysteinsson bæjarfógeti, gjaldkeri, og
Böðvar Bragason sýslumaður meðstjórnandi.
Ólafur St. Sigurðsson.
DÓMARAFÉLAG REYKJAVÍKUR.
Aðalfundur félagsins var haldinn 12. nóvember 1980. Á fundinum voru
samþykktar 3 ályktanir, um að kjaradómur ákvæði dómurum laun, um stuðn-
ing við frumvarp til lögréttulaga og nauðsyn byggingar dómhúss í Reykjavík.
Stjórn félagsins er nú þannig skipuð: Már Pétursson héraðsdómari (formaður),
Jón A. Ólafsson sakadómari (varaformaður), Friðgeir Björnsson borgardómari
(gjaldkeri), Sigurður Sveinsson borgarfógeti (ritari) og Auður Þorbergsdóttir
borgardómari (meðstjórnandi). í varastjórn eru Bragi Steinarsson vara-ríkis-
saksóknari og Steingrímur Gautur Kristjánsson borgardómari.
SÝSLUMANNAFÉLAGIÐ.
Aðalfundur félagsins var haldinn 12. nóvember 1980. Stjórn þess er nú
þannig skipuð: Friðjón Guðröðarson sýslumaður (formaður), Böðvar Bragason
sýslumaður, Jón Eysteinsson bæjarfógeti og sýslumaður, Kristján Torfason
bæjarfógeti og Pétur Þorsteinsson sýslumaður.
1) Erindi Hrafns er birt hér í heftinu, en hinir framsögumennirnir studdust við minnisblöð og
hafa ekki séð sér fært að ganga frá erindum sínum til birtingar að svo stöddu.
253