Ægir - 01.04.1995, Síða 9

hægt að lækna krabbamein með því að
setja plástur á það. Það verður að skera
það í burtu."
Ekkert af markmiðum
kvótakerfisins hefur náðst
„Við hjá Farmanna- og fiskimanna-
sambandinu höfum alltaf sagt að þetta
kerfi sé algjörlega ónothæft. Það hefur
ekkert af markmiðum þess náðst. Þegar
kvótakerfið var sett á var markmiðið
að vernda fiskistofnana. Samkvæmt
áliti fiskifræðinga í dag, sem er reyndar
rangt hvað varðar þorskinn, þá er
staða fiskistofna aldrei verri. Skulda-
staða sjávarútvegsins og afkoma hans í
heild hefur aldrei verið verri. Það er
löngu tímabært að taka upp aðrar að-
ferðir.
Segjum nú svo að úr rættist og
þorskafli yrði aukinn og eftir tvö ár
mætti t.d. veiða 300 þúsund tonn.
Hvað myndi gerast? Þá kæmu frysti-
skipin aftur inn í landhelgina til þess
að taka kvótann sinn og þá hverfa
tekjur af utankvótategundum og kak-
an stækkar í heildina ekki neitt."
Er sóknarmarkiö þá það kerfi sem við
eigum að taka upp í staðinn?
„Já, það er besti kosturinn. Það eru
til margar útfærsluleiðir á því hvernig
fiskveiðum er stýrt. Við erum að senda
Davíð Oddssyni skjal með tillögum
okkar. Það hljóðar svona:
„Við undirritaðir skipstjórar skorum
á stjórnvöld að auka þorskkvóta þessa
árs um 50 þúsund tonn vegna mikillar
þorskgengdar á flestum miðum. Skip
sem hafa leigt meira en 25% af eigin
þorskkvóta á yfirstandandi fiskveiðiári
fái ekki kvóta úr þessari aukaúthlutun.
Auk þess leggjum við til að Hafrann-
sóknastofnun fái sem svarar 5 krónum
af hverju kílói þessa kvóta til þess að
standa straum af auknum rannsóknum
á þorskstofninum."
Undir þetta hafa þegar skrifað á
annað hundrað skipstjórar á svæðinu
frá Hornafirði vestur á Breiðafjörð."
Þetta myndi skila Hafrannsókna-
stofnun 250 milljónum. Hvemig fmnst
Grétari að stofnunin œtti að nýta sér
aukin fjárframlög?
„Mér finnst Hafrannsóknastofnun
ekki hafa sinnt því nógu mikið að
merkja fisk sem mér finnst vera grund-
vallaratriði og það ætti að vinna meira
að því hringinn um landið. Við þurf-
um að vita meira um göngur fisksins.
Þetta hefur ekki verið gert neitt að ráði
síðan 1970 og vitneskja okkar á þessu
sviði byggir á rannsóknum Jóns Jóns-
sonar frá 1950-1960. "
Þorsteinn Pálsson og Kristján eins
og Baldur og Konni
En hvers vegna afhendið þið Davíð
Oddssyni þessa ályktun en ekki Þor-
steini Pálssyni. Er Þorsteinn ekki sjávar-
útvegsráðherra og ykkar maður?
„Við sjómenn getum ekkert rætt við
Þorstein um þessi mál. Hann situr ekki
í þessu embætti fyrir okkur og hefur
ekki tekiö mark á okkur á einn eða
neinn hátt. Hann aðhyllist aflamarks-
S© n n nm 5 z n i n vskfa 11 viTifi \ t
ÆGIR APRÍL 1995 9