Ægir - 01.04.1997, Blaðsíða 9

Tœkjabúnaðurinn í verksmiðju Haraldar Böðvarssonar hf..
Öllu fullkom/iari verða ekki fiskimjölsverksmiðjur í dag.
Myndir: fÓH
ar annars staðar, t.d. í togurum, frysti-
húsum og víðar með aukinni sjálfvirkni
en fiskimjölsverksmiðjurnar sátu lengi
vel eftir. Þær voru með sinn gamla
handstýrða búnað sem var mannfrekur
og skilaði verðminni afurðum. Tækni-
væðing verksmiðjanna er það sem
menn eru að verja peningum sínum í í
dag og vonandi verður þetta okkur öll-
um til gæfu," segir Gunnlaugur.
„Eigum að hafa burði
til að vera bestir"
Ekki má gleyma því í hvaða umhverfi
fiskimjölsverksmiðjurnar starfa því þær
framleiða mjöl sem er í mjög harðri
samkeppni úti á mörkuðunum. „Ef við
endurnýjum ekki þessar verksmiðjur
okkar þá töpum við þessari alþjóðlegu
samkeppni á mörkuðunum. Við erum
að keppa við mjög öflugar þjóðir á borð
við Norðmenn, Dani, Chilemenn og
Perúmenn og þessar þjóðir eru allar á
fleygiferð með sínar verksmiðjur," segir
Gunnlaugur og svarar því strax játandi
þegar hann er spurður hvort íslending-
ar hafi nú færst upp að hlið þessara
þjóða með nýjum og nýendurbættum
verksmiðjum.
„Já, þessar nýju verksmiðjur eru allar
eins góðar og þær geta orðið. Það er
ekki til neitt betra annars staðar sem er
að skila meiri gæðum nema, síður sé.
Við höfum mjög gott hráefni hér í
köldum sjó og eigum að hafa alla burði
til að vera bestir í þessari grein. Fram-
leiðsla okkar er vel liðin á markaðnum
og við íslendingar erum blessunarlega
lausir við mörg vandamál sem aðrir
glíma við, eins og t.d. Suður-Ameríku-
menn með salmonellu og slíkt, þannig
að framtíðin er björt. Núna er næsta
skref aö bíða eftir síldinni og vona að
hún gefi sig í vor," sagði Gunnlaugur.
Verksmiðjan framar
björtustu vonum.
Björn Jónsson, verksmiðjustjóri fiski-
mjölsverksmiðju Haraldar Böðvarsson-
ar hf. á Akranesi segir að nýja verk-
smiöjan hafi staðið fyllilega undir öll-
um kröfum.
Skrifað var undir samninga um bygg-
ingu verksmiðjunnar í apríl í fyrra og
hún tekin í notkun 25.
janúar sl. Nýi búnaðurinn
er frá Stord og segir Björn
hann skila mjög góðum af-
köstum og hagkvæmari
rekstri en reiknað var með,
þ.e. betri orkunýtingu.
„Við förum undir 40
kíló af olíu á hráefnistonn
en á gömlu verksmiðjunni
vorum við að keyra 47-50
kíló af olíu á hráefnistonn.
Þetta skiptir töluverðu
máli í framleiðslunni," seg-
ir Björn.
Hann segir að niður-
stöður á prófunum á mjöli
úr verksmiðjunni hafi ver-
ið mjög góðar og óhætt sé
út frá þeim að telja verk-
smiðjuna standast ströng-
ustu gæðakröfur.
„Þessir þurrkarar sem
eru í verksmiðjunni eru
þeir einu sönnu hágæða-
þurrkarar því dvalartími
mjölsins inni í þurrkurun-
um er ekki nema 10 mín-
útur í heildina og það at-
riði skiptir miklu máli fyr-
ir gæði mjölsins. Það sem skemmir
meltanleika mjölsins er langur tími í
hita þannig að mest er um vert að stytta
tímann í þurrkurunum eins mikið og
hægt er."
Frá Stord voru einnig keypt eyming-
artæki, sjóðari og pressur. Útreikningar
gáfu upp að verksmiðjan ætti að skila
1.000 tonna framleiðslugetu á sólar-
hring en reynslan sýndi á loðnuvertíð-
inni að í fullum afköstum komst hún í
tæp 1.200 tonn á sólarhring. Fram-
leiðsla nýju verksmiðjunnar var 45.000
tonn á vetrarvertíðinni en það var um
5.000 tonnum meira en áætlanir fyrir-
tækisins gerðu ráð fyrir að hægt yrði að
ná á vertíðinni.
Fiskimjölsverksmiðja Haraldar Böðv-
arssonar bræðir fiskbein fyrir fyrirtækið
og nær öll bein sem til falla á Snæfells-
nesi. Hráefninu er safnað saman og
minna framleiðslukerfið í verksmiðj-
unni keyrt upp með nokkru millibili til
að vinna úr beinunum. Björn segir að
nú sé í athugun að leggja í fjárfestingu í
tönkum til að geyma beinin þannig að
ekki þurfi að keyra verksmiðjuna upp
nema á þriggja vikna fresti.
Björn segir að framleidd hafi verið
um 700 tonn af hágæðamjöli og sam-
tals á þriðja þúsund tonn í verðmæt-
ustu flokkana tvo á vetrarvertíðinni.
„Möguleikarnir á að framleiða í há-
gæðamjöl eru minnstir þegar skipin
liggja stöðugt á til að fá löndun. Skýr-
ingin er sú að hágæðamjölið er fram-
leitt úr algerlega fersku efni þannig að
loðnan þarf að vera í dauðastirðnun
þegar hún kemur inn í bræðslu. En þeg-
ar við höfum undan veiðunum og skip-
in eiga ekki um mjög langan veg að fara
þá gengur nær allt í hágæðamjölsfram-
leiðslu. Hágæðamjölframleiðslan skilar
okkur töluvert meira afurðaverði á heilli
vertíð, fyrir utan að annað mjöl sem
framleitt er í verksmiðjum eins og
þessari er betra en áður og mun auð-
veldara í sölu," segir Björn Jónsson.