Ægir - 01.04.1999, Side 12

Sjónarmið fólks um fiskveiðistjórnunina:
Konurnar ákafari
stuðningsmenn
byggðakvóta en karlarnir
hefur byggðakvóti oft verið nefndur en
ennfremur hefur verið vakin athygli á
að þessi leið hafi ekki verið útfærð og í
raun viti enginn hvernig byggðakvóti
eigi að vera í framkvæmd eða hvort
hann sé framkvæmanlegur. Túlka má
því niðurstöður könnunarinnar sem
vilja fólks í landinu til þess að fundnar
verði leiðir til að taka upp byggðakvóta
eða tengja úthlutaðar veiðiheimildir á
einhvern hátt við byggðir.
Kallað eftir breytingum
Könnunin er ennfremur skýr hvað það
varðar að rösklega 90% þeirra sem
spurðir voru vilja sjá breytingar gerðar
á fiskveiðistjórnunarkerfinu, á einn
eða annan hátt. Hér er átt við saman-
lagðan fjölda þeirra sem styðja byggða-
kvóta, nýtt fiskveiðistjórnunarkerfi,
styðja veiðileyfagjald, styðja uppboð
veiðiheimilda á markaði og að lagður
verði sérstakur skattur á þá sem selja
kvóta.
frýnt er nánar í könnun Gallup
kemur í Ijós að 32,7% karla velja
byggðakvóta frekast seni kost til
breytinga á fiskveiðistjórnunarkerf-
inu en síðan kemur sá hópur karla
sem frekast vill sjá veiðileyfagjald-
töku. Konurnar eru aftur á móti
meiri stuðningsmenn við byggða-
kvóta en þœr vilja síður sjá veiði-
leyfagjaldið.
Alls völdu 38% kvennanna
byggðakvóta sem sinn helsta valkost
til breytinga en aðeins 11,6% þeirra
settu veiðileyfagjald í fyrsta sæti.
Hins vegar vildu rösklega 22% þeirra
frekast að annað fiskveiðistjórnunar-
kerfi verði tekið upp.
Byggðakvóti virðist eiga mestan
hljómgrunn í aldursflokknum 55-75
ár. ívið meiri stuðningur er við
byggðakvóta meðal landsbyggðar-
fólks en höfuðborgarbúa en einna
mestur munur er á afstöðu fólks í
höfuðborg og landsbyggð til spurn-
ingarinnar um veiðileyfagjald. Það
hefur augsjáanlega meiri stuðning á
höfuðborgarsvæðinu en út um land-
ið, þ.e. 17,6% höfuðborgarbúa vildu
veiðileyfagjaldtöku umfram aðrar
breytingar en 12,1% Iandsbyggðar-
búa.
Verkafólkið styður
frekast byggðakvótann
Ef litið er á svörin út frá starfssviðum
kemur í ljós að minnstan hljóm-
grunn hefur byggðakvóti meðal
nema en mestan í hópi verkafólks. í
þeim hópi reyndust 37,5% telja full-
yrðinguna um byggðakvóta sam-
rýmast þeirra skoðunum.
Spurningin um allan kvóta á
markað hefur jafnan stuðning kynj-
anna. Hún hefur frekast stuðning
meðal yngstu svarendanna og á höf-
uðborgarsvæðinu er mun meiri
stuðningur við uppboð en á lands-
byggðinni. Það eru sömuleiðis þeir
tækjulægstu sem frekast velja þenn-
an kost til breytinga á fiskveiði-
stjórnunarkerfinu.
Greinilega eru misjafnar skoðanir á sjávarútvegsmálunum eftir því hvort fólk býr í
höfuðborgiimi eða á landsbyggðinni.
12