Ægir - 01.09.2000, Blaðsíða 29
ÆGISVIÐTALIÐ
mest út úr aflanum í stað þess að hugsa um að fá ein-
ungis sem mestan afla. Vöruvöndunin er sá grunnur
sem skapar sjómönnum tekjur og er því besta gæða-
stjórnunin. Mér finnst oft skorta á að sjómenn, og
ekki hvað síst frystitogarasjómenn, verjist sífelldum
árásum í fjölmiðlum á þeirra störf því umræðan er
uppfull af rangindum."
Stærðin opnar leiðir erlendis
Samherji hf. er gott dæmi um þróunina í sjávarútveg-
inum á undanförnum árum þar sem fyrirtæki hafa
sameinast, stækkað og mörg hver hafa í kjölfarið stát-
að af fjölþættari rekstri. „Ég tel að alveg eins og við
þurfum að hafa fjölbreytni í vinnslu og veiðum þá
þurfum við fjölbreytni í fyrirtækjaflóruna í greininni.
Samherji hf. sækir vissulega styrk í kvótastöðu sína
en sá styrkur nýtist ekki að fullu nema á kvótanum sé
byggð rétt samsetning skipa og vinnslu. Þegar þetta
fer allt saman skapast jarðvegur fyrir nýsköpun og
frekari uppbyggingu. En það gera ekki nema stór fyr-
irtæki og öflug að ráðast í sókn á nýja markaði eða í
nýja vinnslu. Afþeim sökum höfum við markað okk-
ur þá stefnu að byggja okkar starf ekki einungis á Is-
landi heldur í raun við norðanvert Atlantshafið með
rekstri á Islandi, í Skotlandi, í Færeyjum og í Þýska-
landi. A öllum þessum stöðum höfum við unnið mik-
ið endurskipulagningarstarf í þeim fyrirtækjum sem
við eigum aðild að og að mínu mati eru þau orðin
mun betur í stakk búin til að skila rekstrarárangri en
þau voru áður,“ segir Kristján.
I þessu sambandi bendir Kristján á að starfið í er-
lendu verkefnunum sýni í hnotskurn að rekstur sjáv-
arútvegsfyrirtækja er langtímaverkefni. „Mér finnst
sú umræða, sem er um sjávarútveginn og tengist
hlutabréfamarkaðnum, ótrúlega yfirborðskennd.
Þannig hafa hagspekingarnir, margir hverjir, gert lít-
ið úr starfi okkar erlendis, miðað við þá möguleika
sem ég tel mig sjá fýrir Samherja hf. í framtíðinni."
Tryggjum öðrum innlendum
fyrirtækjum viðskipti
Dótturfyrirtæki Samherja hf. í Þýskalandi, Deutche
Fishfang Union, er umfangsmeira en margir halda og
byggist á öflugri togaraútgerð og starfsemi í Cux-
haven. Til að mynda rekur fyrirtækið stórt vélaverk-
stæði með 70 starfsmönnum og til gamans má geta
þess að fyrirtækið hafði það verkefni á síðasta ári að
yfirfara vélar í stóru og frægu skemmtiferðaskipi,
Queen Elizabeth II. En það er hins vegar sjávarútveg-
urinn sem er meginmarkmið með rekstri DFFU og
Kristján ítrekar að hann vænti mikils af áframhald-
andi starfi fýrirtækisins.
„Starfið í Þýskalandi hefur verið okkur mikill skóli
og ég tel okkur hafa náð þar góðum árangri. Ég er
sannfærður um að fýrir ísland er tengingin við DFFU
mikils virði, í þeim skilningi að við fáum auðveldari
aðgang að markaði og því til viðbótar verður sjón-
deildarhringurinn líka gleiðari."
- Hverju öðru hefur þetta framtak ykkar skilað til
Islands?
„Ég tel mér óhætt að segja að það njóti fjöldamörg
íslensk fýrirtæki góðs af starfsemi DFFU og öðrum
þeim fyrirtækjum sem við komum að á erlendri
grund. Mér sýnist fljótt á litið að frá því við hófum
þetta erlenda starf okkar þá hafi um 350 íslensk fýr-
irtæki komist í viðskipti við þau og óhætt að fullyrða
að andvirði þeirra viðskipta nemi hundruðum millj-
óna. Þetta er einmitt það sem undirstrikar mikilvægi
þess fýrir Island að stór innlend sjávarútvegsfýrirtæki
nýti burði sína til að sækja út fýrir landsteinana og
opni ný tækifæri.
Fyrstu árin voru sannarlega erfið fýrir okkur hjá
DFFU, enda þurfti að taka til í rekstrinum og fækka
fólki verulega. Við höfum engu að síður fundið fyrir
velvilja og skilningi þýskra stjórnvalda og vitum að
þau fýlgjast vel með okkur. Enda var núverandi
kanslari, Gerhard Schröder, forsætisráðherra Neðra
Saxlands á þeim tíma sem við keyptum fyrirtækið og
hann átti mikinn hlut að máli í samningum við okk-
ur. Ahugi hans á Islandi hefur líka komið glögglega
í ljós með heimsóknum hans hingað til lands á und-
anförnum árum og við teljum því augljóst að upp-
bygging Samherja hf. í Þýskalandi hefur orðið til að
auka traust og tengsl landanna tveggja. Þetta er
lýsandi dæmi um hverju alþjóðlegur sjávarútvegur
getur skilað," segir Kristján Vilhelmsson, fram-
kvæmdastjóri útgerðarsviðs Samherja hf.
Senduin Samherja lií* árnaðaróskir
vegna Vilhclins Þorsieinssonar EA-11.
í skipinu eru eftirtalin tæki frá Brimrún: H | ■
Siglingatæki: Fjarskiptatæki:
Furuno FAR-2835S, S-band ratsjá Furuno FS-1562-25, MF/HF talstöð
Furuno RP-25 radarplotter Furuno DSC-6, DSC fyrir MF/HF
Furuno FR-21 l5,X-band ratsjá Furuno FM-8500.VHF talstöðvar með DSC, 2 stk
Furuno ARP-26, mini ARPA Furuno DP-6 radíótelex
Furuno GP-1650, GPS staðsetningartæki og plotter, 2 stk Furuno Felcom 12, standard-C
Furuno GP-3I.GPS staðsetningartæki
Furuno GR-80, GPS leiðréttingarbúnaður
FurunoT-2000, sjávarhitamælir
Furuno CI-60G, fjölgcisla straummælir
Fiskileitartæki:
Furuno FSV-24, lágtíðni hringsónar (24 kHz)
Furuno FCV-10, dýptarmælir (24 kHz)
Furuno FCV-1500, dýptarmælir (28 og 88 kHz)
Furuno FCV-1200, dýptarmælir (20-400 kHz)
Furuno IB-581, GMDSS tölvur, 2 stk
Furuno PP-510, GMDSS tölvuprentarar, 2 stk
Furuno AA-50, vaktmóttakari
Furuno NX-500, veðurskeytamóttakari
Furuno FAX-210, veðurkortamóttakari
Furuno A3 GMDSS console
'i
rj H rn ríi n giii
Hólmaslóð 4 101 Reykjavík Sími. 561 0160 Fax. 561 0163