Árbók Háskóla Íslands - 01.02.1959, Side 69

67
VIII. LÁTNIR HÁSKÓLAKENNAflAR
Hannes Guðmundsson. |
Hannes Guðmundsson læknir andaðist í Landápítalanum hinn
27. maí s. 1. eftir aðeins fjögurra sólarhringa Íegu. Banamein
hans var kransæðastífla. Kenndi hann sjúkdóms|ns fyrir alvöru
fáum dögum áður en hann lagðist í sjúkrahúsið, en þá fyrst
varð ljóst, að aðdragandi mundi hafa verið nokkru lengri.
Hannes var fæddur á Akureyri hinn 25. febrúar árið 1900.
Foreldrar hans voru Guðmundur Hannesson þá héraðslæknir í
11. læknishéraði með setu á Akureyri, en síðar prófessor við
Háskóla Islands, og Karolína Isleifsdóttir prests Einarssonar.
Sjö ára gamall fluttist Hannes með foreldrum sínum hingað
til Reykjavíkur. Hafði Guðmundur þá verið skipaður héraðs-
læknir í Reykjavíkurhéraði og jafnframt kennari við Lækna-
skólann. Lauk Hannes stúdentsprófi vorið 1919 og kandídats-
prófi við Háskóla Islands vorið 1925. Sigldi hann þegar í stað
og lauk námi sínu á fæðingardeild Ríkisspítalans í Kaupmanna-
höfn. Var síðan rúmlega eins árs skeið staðgöngumaður héraðs-
læknis í Blönduóshéraði, en sigldi til Þýzkalands seint á árinu
1926 og lagði stund á húð- og kynsjúkdómalækningar bæði þar
og í Danmörku. Árið 1928 var hann af Læknafélagi Islands við-
urkenndur sérfræðingur í húð- og kynsjúkdómum og settist þá
að sem starfandi læknir í Reykjavík. Sama ár var hann ráðinn
kynsjúkdómalæknir ríkisins samkvæmt kynsjúkdómalögum og
árið 1934 deildarlæknir við húð- og kynsjúkdómadeild Land-
spítalans. Ennfremur var hann yfirlæknir við holdsveikraspít-
alann í Kópavogi um skeið. Frá árinu 1945 starfaði hann sem
dósent í húð- og kynsjúkdómum við læknadeild Háskólans. Þá
veitti hann forstöðu húð- og kynsjúkdómadeild heilsuverndar-
stöðvar Reykjavíkur frá því að þessi deild hóf starf sitt árið
1954. 1 Reykjavík var Hannes starfandi læknir í meir en 30 ár.
Félagsmál lét hann allmjög til sín taka. I stjórn L.R. var hann
1932—1936 og hin síðustu ár gjaldkeri í stjórn L.l.
I starfi var Hannes mjög áhugasamur. Hann fylgdist vel með