Árbók Háskóla Íslands - 31.12.2006, Qupperneq 122

Stofnunin gaf út bókina Hugvísindaþing 2005. Erindi af ráðstefnu hugvísinda-
deildar og guðfræðideildar 18. nóvember. Ritstjórar voru Haraldur Bernharðsson.
Margrét Guðmundsdóttir, Ragnheiður Kristjánsdóttir og Þórdís Gísladóttir.
Bókmenntafræðistofnun
Starfsemi stofnunarinnar var með hefðbundnu sniði á árinu 2006. Útgáfa bók-
menntatexta og fræðirita hefur löngum verið snar þáttur í starfseminni. í byrjun
árs bættist greinasafnið Litteratur og visuell kultur/Literature and Visual Culture
(ársett 2005) við útgáfurit stofnunarinnar, en ritstjóri þess er Dagný Kristjánsdóttir.
Þar er að finna ritgerðir eftir fjötmarga fræðimenn. íslenska og erlenda. um
bókmenntir og sjónmenningu. Síðla árs komu Strengleikar út í umsjón Aðalheið-
ar Guðmundsdóttur (íslensk rit 14. ritstjóri Sveinn Yngvi Egilsson). Er það fyrsta
útgáfa þessa merkilega bókmenntaverks sem ættuð er almennum lesendum á
íslandi, en Strengleikar eru stuttar frásagnir sem þýddarvoru úrfrönsku á nor-
rænu á 13. öld og fjalla um riddara og meyjar. Útgáfunni fylgir fróðlegur inngang-
ur og skýringar eftir Aðalheiði. Einnig kom út meistaraprófsritgerð Svanfríðar
Larsen. Af erlendri rót (Studia Islandica 59. ritstjóri Gunnþórunn Guðmundsdóttir).
Fjallar hún um þýðingar í blöðum og tímaritum á íslensku 1874-1910. Meginhluti
ritsins er skrá yfir þýðingar og þýðendur. en henni fylgir ítarlegur inngangur eftir
Svanfríði um þýðingastarfsemi tímabilsins. Fjölmörg verkefni voru í vinnslu á
árinu á vegum stofnunarinnar og ber þar hæst Alfræði íslenskra bókmennta sem
er vel á veg komin.
Á miðju ári lét Guðrún Nordal af starfi forstöðumanns eftir að hafa gegnt því í tvö
ár og við tók Sveinn Yngvi Egilsson, en auk hans situr Ástráður Eysteinsson í
stjórn stofnunarinnar. í október var opnuð ný heimasíða þar sem er að finna
upplýsingar um hlutverk og starfsemi stofnunarinnar á íslensku og ensku. auk
lista yfir útgefnar bækur hennar (http://www.hi.is/bms). Komið hefur í tjós að
heimasíðan er mikið notuð af netverjum bæði hér heima og erlendis og þarf ekki
að fara mörgum orðum um það hve mikilvægt það er að stofnanir Háskólans
haldi úti frambærilegum heimasíðum til að kynna starfsemina út á við.
Heimspekistofnun
Almennt yfirlit og stjóm
Forstöðumaður Heimspekistofnunar árið 2006 var Gunnar Harðarson dósent, en
aðrir í stjórn eru Svavar Hrafn Svavarsson dósent og Vilhjálmur Árnason prófess-
or. Heimspekistofnun hefur engan fastan starfsmann en Egill Arnarson ritstýrði
Heimspekivefnum á vegum stofnunarinnar og Viðar Þorsteinsson hefur annast
umbrot útgáfubóka Heimspekistofnunar. Á árinu hafði stofnunin til afnota her-
bergi á annarri hæð í Aðalbyggingu. Herbergið er ætlað fræðimönnum sem vinna
að rannsóknum í heimspeki og MA-nemum í heimspeki. auk þess sem þar er
aðstaða fyrir málstofur og fundi.
Útgáfustarfsemi
Árið 2006 kom út í ritröð stofnunarinnar bókin Hversdagsheimspeki eftir Róbert
Jack (160 bls.) en allmargar bækur eru að verða tilbúnar til útgáfu í ritröðinni.
Auk þess hlaut Hugun tímarit um heimspeki. sem Félag áhugamanna um
heimspeki gefur út. styrk frá Heimspekistofnun eins og undanfarin ár.
Ráðstefnur og fyrirlestrar
1. Fyrirbærafræði og náttúra.
Heimspekistofnun styrkti fjórða ársþing Norræna fyrirbærafræðifélagsins
(Nordic Society for Phenomenology) sem haldið var 21.-23. apríl 2006 í
Öskju. Um 50 fyrirlesarar alls staðar að frá Norðurlöndum tóku þátt í
þinginu en Björn Þorsteinsson hafði veg og vanda af undirbúningi þess.
2. Vorþing um fagurfræði.
Þverfræðitegt málþing um fagurfræði var haldið á vegum Heimspekistofn-
unar 29. apríl í Odda í framhaldi af málstofu um fagurfræði sem haldin var
í tvö skipti á vormisserinu. í málstofunni töluðu Björn Þorsteinsson og
Sigríður Þorgeirsdóttir. en á málþinginu héldu erindi Gottskátk Þór Jens-
son. Sveinn Yngvi Egilsson, Irma Erlingsdóttir, Sigríður Þorgeirsdóttir og
Gunnar Harðarson.
120