Árbók Háskóla Íslands - 31.12.2006, Page 214

Helstu áherslur í rannsóknum RÍN á síðustu árum hafa verið á næringu og vöxt
ungbarna. barna og unglinga og áhrif þessara þátta á heilsufar bæði á barnsaldri
og einnig síðar á ævinni. Gagnasöfnun í nýrri rannsókn á næringu ungbarna stóð
yfir á árinu en vænta má fyrstu niðurstaðna í því verkefni á vormánuðum 2007.
Rannsókn á mataræði ungbarna er styrkt af RANNÍS. RlN nýtur fjötda annarra
styrkja, m.a. frá Rannsóknasjóði Háskóla íslands. RÍN er í virku samstarfi við yfir
35 erlendar rannsóknareiningar og háskóla.
Kynningarstarfsemi
Niðurstöður rannsókna RÍN voru kynntar á fjölmörgum ráðstefnum. fundum og
málstofum bæði innanlands og erlendis. Boðsfyrirlestrar voru tíðirá árinu. Inga
Þórsdóttir hélt meðal annars erindi á fundi Nutrition Society í júní.
Starfsfólk RlN birti á árinu 15 vísindagreinar í alþjóðlegum, ritrýndum
fagtímaritum auk tveggja vísindagreina sem birtar voru í netútgáfu. RÍN gaf í
samstarfi við Lýðheilsustöð út skýrslu um mataræði níu og 15 ára barna og
unglinga á íslandi en sú rannsókn var unnin á RÍN.
Inga Þórsdóttir sat í vísindanefnd og tók þátt í undirbúningi fyrir Nordic Obesity
Meeting. sem haldinn var í Reykjavik í júní 2006.
Annað
Starfsmenn RÍN eru í Manneldisráði og í Landsnefnd um lýðheilsu. ritrýna fyrir
norska rannsóknaráðið. fara með formennsku fagráðs um Food Science hjá
FORMAS (The Swedish Research Council for Environment. Agriculture Sciences
and Spatial Planning), eru í vísinda- og tækninefndum Vísinda- og tækniráðs og í
stjórn Rannsóknarnámssjóðs, auk þess að sitja í ritstjórn Acta Pædiatrica.
Endurbætur á húsnæði efstu (3.) hæðar á Eiríksgötu 29 stóðu sem hæst á
haustmánuðum og var það tekið í notkun í byrjun árs 2007. RÍN hefur verið til
húsa á 1. hæð og í kjallara sömu byggingar síðastliðin ár. Að auki hefur RÍN haft
klíníska aðstöðu fyrir verkefnið SEAFOODplus í kjallara kvennadeildar
Landspítala-háskólasjúkrahúss.
Rannsóknastofa í
ónæmisfræði
Auk forstöðumanns og skrifstofustjóra störfuðu á Rannsóknastofu læknadeildar í
ónæmisfræði tveir dósentar. fimm sérfræðingar með doktorspróf. fimm sérfræð-
ingar með meistarapróf. einn sérfræðingur í barnasjúkdómum (ktínískur lektor).
fjórir meinatæknar og einn futltrúi. Rannsóknastofan er hluti af ónæmisfræðideild
Landspítalans og ftest starfsfólk deildarinnar annast auk kennslu og rannsókna
einnig klíníska þjónustu og þjónusturannsóknir fyrir sjúklinga með truflanir í
ónæmiskerfi. I árstok 2006 voru fimm stúdentar innritaðir í doktorsnám og einn í
nám til meistaraprófs. Sigrún L. Sigurðardóttir lauk meistaraprófi á árinu. For-
stöðumaður varð sjötugur í september. tveir sóttu um starfið sem ennþá hafði
ekki verið ráðstafað í byrjun febrúar 2007. Forstöðumaður var á haustdögum
heiðraður af Háskóla íslands fyrir árangur í rannsóknum. Hann mun halda áfram
að vinna að rannsóknum á sóra með einum sérfræðingi og tveimur doktors-
nemum. m.a. í samvinnu við húðsjúkdómadeild Háskólans í Michigan í Banda-
ríkjunum (Jóhann E. Guðjónsson og James T. Etder).
Gerð var ítarleg grein fyrir hetstu rannsóknaviðfangsefnum starfsfótks stofunnar í
Árbók 2005, og er unnið áfram að flestum þessara verkefna.
Þá hófst vinna við nýtt verkefni. Atgengi. kostnaður og ástæður fyrir fæðuofnæmi í
Evrópu: verkþáttur 1.1: Fæðuofnæmi á barnsaldri -einkenni barna sem fá
fæðuofnæmi. Þetta verkefni er styrkt af Evrópusambandinu og því er stjórnað af
Sigurveigu Þ. Sigurðardóttur sem er klínískur lektor og sérfræðingur í barna-
sjúkdómum. Auk margra erlendra aðila er verkefnið unnið í samstarfi við barna-
deitd (Michael Clausen) og kvennasvið LSH og Mæðraeftirlitið í Reykjavík og
nágrenni.
Eins og undanfarin ár kynnti starfsfólk stofunnar rannsóknaniðurstöður með
mörgum greinum í vísindatímaritum og erindum og spjötdum á vísindaráð-
stefnum. Starfsfólk Rannsóknastofunnar aflaði rannsóknastyrkja samtals að
upphæð 52.7 m.kr. fyrir árið 2006.
212