Dvöl - 01.01.1937, Qupperneq 8

2
D V O L
Kaupendur, sem flestir binda Dvöl inn, óslca mjög margir eftir að fá
færri og stærri hefti. Það sé þá hægara að halda þeim saman. Og af-
greiðslunni sparar það mikla vinnu.
Eins og áður hefir verið getið, eru það einkum æskumennirnir í
landinu, sem hafa tekið Dvöl vel, bæði með því að senda henni efni og
nýja kaupendur. Síðast, alveg nýverið, sendi t. d. ung og gáfuð sveita-
kona í A.-Húnavatnssýslu Dvöl nöfn 5 nýrra kaupenda, piltur í Árnes-"
sýslu fjögurra o. s. frv. Dvöl vill vinsamlegast mælast til þess við les-
endur sína, sem óska henni góðra og langra lífdaga, að þeir reyni að
senda henni nöfn eins eða fleiri skilvísra áslcrifenda, og það helzt nú
framan af árinu. — Gott samstarf milli lesenda og útgefenda eykur
ánægjuna og eflir möguleikana til þess að Dvöl geti verið bezta tíma-
rit landsins, eins og hún á helzt að vera, og að hún hafi vandlátasta og
stærsta lesendahópinn. Útgef endurnir vinna að því, að svo megi verða,
m. a. með því að láta Dvöl vera allra tímarita og bóka ódýrasta, saman-
borið við lesmál. Er góðfús lesari beðinn að athuga með samanburði,
hvort hér sé ekki rétt farið með.
Það virðist svo að mjög margir menn og þar á meðal þeir, sem
framarlega standa í deilumálum dagsins og berast þar á banaspjót,
— fagni því að fá einhvern reit, þar sem þeir geti mætzt og frætt
þaöan og skemmt öðrum á ýmsan hátt.
Sá reitur vill Dvöl vera.
Þegar vel er aðgætt, eiga allir menn talsvert sameiginlegt, og það
meira en flestir gera sér Ijósa grein fyrir. Það fer ekki eftir flokkum,
stjórnmála- eða trúmálastefnum, að menn sækjast eftir ýmsum nautn-
um, sem draga niður á við, svo sem áfengisnautn, tóbalcsnautn o. fl.,
og að þeir horfa þá eklci mikið í sex lcrónur á ári til að fullnægja þeim.
Því fer betur, að margt er einnig göfgandi og fræðandi í listum, skáld-
skap og margskonar fróðleik, sem margir menn úr öllum stéttum og
flokkum hafa nautn af og við nánari kynningu hjálpar þeim til meiri
þroskunar.
Fyrsta boðorð Dvalar er að flytja sem mest af því, sem bókhneigðir,
fróðleiksfúsir og listelslcandi menn hafa almennt ánægju af að njóta,
hvaða sérflokk eða stefnu, sem þeir annars aðhyllast.
Að svo mæltu vill Dvöl færa lesendum sínum beztu óskir um
gæfusamt og starfsríkt ár 1937.