Melkorka - 01.03.1958, Blaðsíða 12

en nú er nauðsyn. Því fyrr sem íslenzkir
valdhafar skilja þessa nauðsyn því meiri
líkur eru á, að þjóðinni verði bjargað frá
fjörtjóni. Og því meiri líkur eru á, að ekki
komi til stórstyrjaldar. Ef svo heldur áfram
sem til þessa, að þjóðir jarðarinnar skipi sér
í fylkingar, liver í sínu herfélagi, þá hlýtur
að því að draga, fyrr eða síðar, að þessar
fylkingar sigi saman til orustu. Gegn slík-
um örlögum verður engu öðru teflt en hlut-
lausum þjóðurn svo mörgum, að þeim stór-
veldum, er þykjast ekki geta leyst vandamál
sín nema með styrjöld, fallist hendur og læri
að sætta sig við friðinn. Hlutlaust ísland á
ekki aðeins kost á að bjarga sjálfu sér frá
tortímingu. Það á einnig kost á að leggja
heiminum öllum liðsinni sitt.
Soffía Lilliendahl sjötug
Hinn 13. janúar síðastliðinn átti merkis-
konan Soffía Lilliendalil frá Akureyri sjö-
tugsafmæli. í tilefni þess vill Melkorka, um
leið og hún færir afmælisbarninu sínar
beztu heilla- og árnaðaróskir, þakka henni
fyrir langt og ósérplægt starf sem útsölu-
maður blaðsins. Frá því að Melkorka hóf
göngu sína fyrir þrettán árum hefur frú
Soffía verið velunnari hennar í orðsins víð-
ustu merkingu og það er ekki sízt henni og
hennar líkum að þakka að þetta fyrsta
tímarit íslenzkra kvenna hefur eignazt vini
og áskrifendur út um land.
Soffía er fædd á Skálanesi á Vopnafirði
15. janúar 1888. Foreldrar hennar voru
Karl LiIIiendald útvegsbóndi og hafnsögu-
maður og Þóra Beck. Tíu ára gömul missti
hún móður sína og fluttist til móðurfólks
síns á Reyðarfirði og ólst þar upp. Nítján
ára fer hún til Reykjavíkur „til að læra
eitthvað þarflegt fyrir lífið“, og sýnir það
táp hennar og kjark; vann hún þar við mat-
reiðslustörf, lærði kjólasaum og hannyrðir
og sótti tungumálanámskeið. Svo lá leiðin
til Akureyrar. Þar giftist hún Birni Gríms-
syni, einum af forustumönnum verkalýðs-
hreyfingarinnar á Akureyri og forstjóra
Pöntunarfélagsins um langt skeið, en fyrir
nokkrum árum fluttu þau til Húsavíkur.
Þau eignuðust átta börn og varð heimilið
því fljótt stórt og umsvifamikið. Soffía varð
því strax að helga heimilinu krafta sína og
sýnir það ekki Iivað sízt ráðdeild húsmóður-
innar og dugnað að þeim hjónum tókst við
12
M liLKORKA