Valsblaðið - 01.05.2005, Page 82

Ettir Pétur Veigar
Hugum að hreyfingu og
hreysti íarnanna okkar
Pétur Veigar Pét-
ursson, íþrótta-
fulltrúi Vals,
birti þessa grein
í Morgunblaðinu
nýlega og einnig
hefur hún birst
á valur.is. Við hvetjum alla yngri iðk-
endur og foreldra sérstaklega til þess
að kynna sér efni hennar.
AUKIÐ hreyfingarleysi bama í
nútímasamfélagi er orðið umhugs-
unarefni vegna þeirra fylgifiska sem það
hefur í för með sér. I þessu sambandi er
oftast bent á offitu sem helstu afleiðingu
hreyfingarleysis en í umræðunni hafa
gleymst aðrir mikilvægir þættir. Hreyf-
ingarleysið hefur nefnilega ekki aðeins
áhrif á holdafar barna heldur hefur það
einnig neikvæð áhrif á almenna þroska-
þætti þeirra, s.s. hreyfi- og félagsþroska.
Hreyfingarleysinu fylgja keðjuverkandi
áhrif sem geta komið niður á eðlilegri
þróun þessara þroskaþátta. Þau böm
sem ekki taka þátt í íþróttum og leikjum
með öðrum eiga það á hættu að fá ekki
næga hreyfiörvun og staðna því að hluta
til í hreyfiþroska. Ef það gerist veigra
börn sér við því að taka þátt í íþróttum
og leikjum og eiga þá oft erfitt með að
öðlast félagslega viðurkenningu jafn-
ingjahópsins.
Ný íslensk rannsókn sem gerð var á
tengslum hreyfiþroska barna og félags-
legrar stöðu þeirra innan jafningjahóps-
ins (Heiðrún Björk Jónsdóttir og Pétur
Veigar Pétursson 2005) sýnir fram á
sterk tengsl milli þessara tveggja þátta.
Þau börn sem fengu háa einkunn á
hreyfifærniprófi (Movement ABC) komu
yfirleitt einnig vel út á félagstengslaprófi
(sociometry). Þessu var einnig öfugt
farið, þ.e. að þau börn sem fengu lágt á
hreyfifærniprófi komu yfirleitt verr út
á félagstengslaprófi en þeir sem höfðu
yfir góðum hreyfiþroska að ráða. Fylgni
rannsóknarþáttanna tveggja var marktæk
miðað við tölfræðileg öryggismörk 0,01,
sem þýðir að hægt er að segja með 99%
vissu að tengslin eru ekki til komin fyrir
tilviljun.
I ljósi þessa er mikilvægt að þeir sem
standa á bak við barna- og unglinga-
íþróttir, þjálfarar og aðrir stjómendur, til-
einki sér fagleg vinnubrögð því á herðum
þeirra hvílir mikil ábyrgð. Iðkendur eiga
að fá krefjandi verkefni við hæfi og með
því fá þeir tækifæri til að efla líkams- og
félagsþroska ásamt öðrum þroskaþáttum.
Knattspymufélagið Valur mótaði árið
2003 stefnu félagsins í málefnum barna
og unglinga í samstarfi við íþróttabanda-
lag Reykjavíkur. Markmið stefnumót-
unarinnar var að auka almennt faglega
starfsemi félagsins á öllum sviðurn, t.d.
í málefnum þjálfunar, stjórnsýslu, vímu-
varna, eineltis og jafnréttis. Stefnunni
voru gerð góð skil í útgefinni íþróttanám-
skrá Knattspyrnufélagsins Vals.
Til að sinna þeirri samfélagslegu
skyldu sem Valur gegnir býður félag-
ið upp á skipulagða íþróttaiðkun fyrir
börn allt frá þriggja ára aldri. í haust er
ráðgert að Valur bjóði í fyrsta skipti upp
á íþróttaskóla fyrir 3-6 ára böm þar sem
unnið verður markvisst að eflingu hreyfi-
og félagsþroska barnanna. Einnig býður
Valur upp á íþróttaskóla barnanna í sam-
starfi við hverfisskólana, ITR og IBR
fyrir börn í I. bekk grunnskóla. íþrótta-
skólamir verða starfræktir á veturna en
á sumrin býður Valur upp á Sumarbúðir
í borg (sjá upplýsingar á valur.is) sem
er Ieikjanámskeið fyrir 5-10 ára börn
þar sem boðið er upp á fjölbreytta og
skemmtilega dagskrá. Frá sex ára aldri
gefst börnum kostur á að hefja æfingar
innan deilda félagsins m.t.t. iðkendalista
og geta þá byrjað að æfa knattspyrnu,
handknattleik og körfuknattleik. A
öllum sviðum og á öllum aldursskeiðum
býður Valur upp á faglega þjónustu sem
hefur það að markmiði að efla almennan
þroska einstaklingsins í gegnunt leik og
starf.
Mikill uppgangur er innan Knatt-
spymufélagsins Vals og bjóðum við
börn og unglinga velkomna til leiks með
okkur. Segjum hreyfingarleysinu stríð
á hendur og leyfum börnunum okkar
að stunda uppbyggilegar, þroskandi og
skipulagðar íþróttir og hreyfingu.
82
Valsblaðið 2005