Búnaðarrit - 01.01.1977, Page 180
174
BÚNAÐARRIT
vcrði nokkuð árviss, en mesta vandkvæði kartöfluræktarinnar
er, hversu oft næturfrost síðla sumars valda stórtjóni, þó að
fleira komi til.
Fyrir þrem árum entust innlendar kartöflur út júnímánuð,
og sýnir það, að ef tíð er hagstæð, hefur sáning verið næg til
að fullnægja að mestu innanlandsneyzlunni, og er því hæpið
að hvetja til mjög ört aukinnar kartöfluræktar, þar sem ekki
er líklegt, að möguleiki sé á útflutningi héðan.
Að öðru leyti vísast til greinargerðar, er fylgdi erindi
stjórnar Búnaðarfélags íslands til Búnaðarþings.
Greinargerð er fylgdi erindi stjórnar Búnaðarfélags Islands:
Kartöfluræktin á sér meira en 200 ára sögu á íslandi, og
hefur hún ótvírætt haft mjög verulega þýðingu í fæðubúskap
þjóðarinnar.
Eigi að síður skortir mikið á, að innlend kartöflufram-
leiðsla fullnægi þörfum þjóðarinnar að staðaldri, en sveiflur
í uppskerumagni eru afar miklar. Algengt er, að flytja þurli
inn allt að lielming árlegs magns neyzlukartaflna, sem cr
rösklega 100.000 tunnur.
Slíkt er mikill þjóðliagslcgur skaði, en einkum þó skaði
fyrir bændur, sem missa þannig af tækifæri til að nota góðan,
innlendan markað.
Reyndar er geymsla kartaflna langt fram á suinar næsta
árs eftir upptöku erfiðleikum háð, og má líklega telja cðli-
legt, að fluttar séu inn frá Evrópu nýjar kartöflur til neyzlu
hér í svo sem mánaðartíina, áður en ný, íslenzk uppskera
kemur á markaðinn.
Mikið má samt til vinna, að það ástand mætti skapast, að
innlend kartöflufrandeiðsla verði þess umkomin að sjá þjóð-
inni fyrir mestum hluta af þörfinni í flestum árum (t. d. 90%
4 ár af hverjum 5).
Þessu marki er vafalaust örðugt að ná vegna áfalla, sem
orsakast af afhrigðilegu veðurfari á sprettutíma. Þó má telja
víst, að með góðu skipulagi og beitingu allrar fyrirhggjandi
þekkingar og tækni inegi komast miklu nær settu marki.
Þær aðgerðir, sem hér koma til greina, eru margvíslegar,
bæði á sviði rannsókna og leiðbcininga, svo og í sambandi
við fjárfestingarlán, sölutryggingu og uppskerutryggingu.