Heilbrigðismál - 01.10.1976, Page 28

Vilhjálmur Hjálmarsson menntamálaráðherra ávarpaði fulltrúa á fundi sjöttubekkinga i aprfl. Á myndinni eru einnig Tómas
Einarsson kennari f Hlfðaskóla og Guðmundur Magnússon skólastjóri Breiðholtsskóla. LjAsm.: StúdiA Cuúmundar.
allar félagskonur innan sambandsins að styðja
börnin í viðleitni þeirra.
Fulltrúaþing Sambands íslenskra barna-
kennara sem haldið var í júnímánuði lýsti yfir
stuðningi við „það framtak krabbameinsvarnar-
samtakanna á íslandi að kynna fyrir skólanem-
endum þær hættur sem heilsu manna stafar af
völdum reykinga". Hét þingið á alla kennara,
foreldra og aðra uppalendur að styðja þessa
starfsemi af heilum hug.
Á unglingaregluþingi í sumar voru krabba-
meinsfélaginu færðar þakkir fyrir herferð þess
gegn tóbaksreykingum og vorþing Umdæmis-
stúkunnar nr. 1 fagnaði „þeirri vakningaröldu
sem risið hefur í skólum" fyrir forgöngu félags-
ins.
Síðast en ekki síst ber að geta þess að borgar-
ráð Reykjavíkur samþykkti á ráðsfundi 12. maí
að lýsa yfir fullum stuðningi við herferðina
meðal skólabarna gegn reykingum.
Mikið hefur verið spurt um hvort framhald
verði á þeirri starfsemi sem hér um ræðir og
hvort ekki megi vænta herferðar gegn tóbaks-
neyslu meðal æskufólks úti á landsbyggðinni.
Hvað Krabbameinsfélagið snertir er svarið
játandi. Félagið hyggst láta í té það frumkvæði
og þá aðstoð sem frekast er kostur til þess að sú
hreyfing sem vaknaði meðal 12 ára barna í
Reykjavík og nágrenni s. 1. vetur og vor fari um
landið allt og verði að óstöðvandi afli sem brjóti
reykingatískuna á bak aftur.
Að fenginni reynslu skal fullyrt að börnin
skortir hvorki áhuga né vilja til að sameinast um
þetta markmið. Hvað sem öðru líður hlýtur
framtak þeirra að hafa heillavænleg áhrif sem
trúlega munu ekki einskorðast við minnkandi
tóbaksneyslu.
Komi að auki til nógu öflugur stuðningur
fólksins í landinu og þeirra opinberra yfirvalda
og stofnana sem er málið skylt — þá er fyrsta
reyklausa kynslóðin senn í sjónmáli. Þ. Ö.
28
Uittabtil -um- ■haillw4gðÍ8móJ-