Heilbrigðismál - 01.12.1984, Blaðsíða 32
HEILBRIGÐISMÁL / J6
Af vettvangi
eiturefnanefndar:
Tússpennar,
förgun efna,
meindýr o.fl.
Eiturefnanefnd er ein af þeim
nefndum ríkisins sem lítið fer fyrir í
fjölmiðlum. Nefndin fjallar m.a. um
umsóknir varðandi leyfisskírteini
o.fl., en einnig koma til hennar
kasta ýmis málefni sem almenningur
þyrfti að vita um. Hér eru glefsur úr
síðustu ársskýrslum nefndarinnar.
1979
Þeim tilmælum var beint til Heil-
brigðiseftirlits ríkisins að varað yrði
við notkun plastíláta undir svokall-
aðan þorramat.
Bent var á að herða þyrfti eftirlit
með notkun tríklóretýlens og tetra-
klóretýlens í fatahreinsunum og
nokkrum öðrum fyrirtækjum.
Nefndin mæltist til þess að haft
verði eftirlit með starfi þeirra manna
er taka að sér að úða garða í þétt-
býli.
Komið var á framfæri tillögum til
eflingar vörnum gegn meindýrum,
ekki síst í vöruskemmum og fyrir-
tækjum sem starfa að matvælafram-
leiðslu eða framleiðslu á fóðurvöru.
1980
Fjallað var um freon-sambönd og
hættu á eyðingu ósonlags í háloftum.
Nefndin tók ekki afstöðu til banns
við notkun þessara efna í úðabrúsum
að sinni.
Rætt var við yfirskólatannlækni
um dreifingu á flúortöflum til skóla-
barna og nauðsyn þess að skrá flúor-
tannkrem.
1981
Nefndin fékk til meðferðar frá
Hollustuvernd ríkisins íblöndun
natríumpólýfosfats í hitaveituvatn á
Suðureyri og í Hrísey. Var mælt með
fblöndun þessari, þó þannig að hita-
veituvatnið væri ekki notað til
drykkjar eða matargerðar.
Vinnueftirliti ríkisins var sent bréf
og það beðið að herða eftirlit með
gullsmíðaverkstæðum, sérstaklega
með tilliti til notkunar háeitraðra
efna við gyllingu.
Fjallað var um förgun á PCB-efni
sem er í nokkrum spennubreytum í
grennd við Sigölduvirkjun. Varð
niðurstaða umræðna um málið sú að
efni þetta væri best geymt þar sem
það væri á spennubreytunum.
1982
Upplýst var að í flestum tegund-
um tússpenna er umtalsvert magn
ísóbútýlketóns. Taldi nefndin hugs-
anlegt að svo mikið gufaði upp af
efni þessu úr tússpennum að í illa
loftræstum skólastofum kynni það
að slæva viðstadda í þeim mæli að
þeir fyndu til syfju.
Nefndin tók til meðferðar förgun
á völsum úr ljósritunarvélum sem
hafa að geyma selen-málm og tellúr-
málm í nokkru magni. Alyktað var
að farga mætti völsum þessum á
öskuhaugum að því tilskildu að þeir
væru vendilega dysjaðir.
1983
Vakið máls á því að nauðsynlegt
væri að setja reglur um innflutning
og notkun á örverum og örveruefn-
um gegn plöntusjúkdómum.
Nefndin hafði til athugunar notk-
un aukefnisins aspartams. Varað við
að Ieyfa, á grundvelli núverandi
þekkingar, stóraukna notkun þessa
sætuefnis.
Lagt til við heilbrigðis- og trygg-
ingamálaráðuneytið að framleiðend-
ur verði skyldaðir til þess að greina
saltinnihald á umbúðum allra mat-
væla sem beinlínis eru ætluð neyt-
endum.
Talið æskilegt að takmarka magn
hexans og benzens í bensíni og setja
í reglugerð ákvæði um hámark blýs í
bensíni.
Leitað álits nefndarinnar á því
hvort banna ætti sölu á sælgæti hér á
landi ef það innihéldi etra (etyletra)
eða klóróform. Nefndin taldi ekki
ástæðu til þess að banna sölu sælgæt-
is ef magn klóróforms væri innan
leyfilegra marka. Hins vegar var tek-
ið fram að ekki væri leyft að nota
etra í matvæli eða sælgæti hér á
landi.
32 HEILBRIGÐISMÁL 4/1984