Fréttablaðið - 24.12.2009, Page 24

4 FERÐALÖG
Þýskaland!
Samkvæmt Lonely Planet er Þýska-
land einn heitasti áfangastaður
næsta árs. Berlín hefur verið gíf-
urlega vinsæll áfangastaður meðal
ungs fólks á Íslandi undanfarin ár
enda er þar blómstrandi listalíf,
nokkuð ódýrt að lifa svona miðað
við marga aðra staði og ekki sem
verst að djamma þar heldur. En
Berlín er ekki upphaf og endir
Þýskalands heldur spáir Lonely
Planet að Hamborg komi gríðar-
lega sterk inn, sérstaklega vegna
þess að þar er í uppbyggingu nýtt
og spennandi hafnarhverfi sem er
að fyllast af ungu fólki. Dómkirkj-
an í hinni sundursprengdu Dresden
hefur verið endurreist og þeirri
borg er líka spáð frægð og frama
á næsta áratug. Sumsé, Þýskaland,
ja bitte!
Argentína!
Stöðugur straumur Íslendinga
flykkist til Argentínu á veturna
enda heilmargt spennandi þangað
að sækja. Landið er ótrúlega fal-
legt og býður upp á allt milli stór-
fenglegra fjallgarða, saltsléttna
og eyðistranda. Svo er borgin
Buenos Aires iðandi af litum og
lífi. Menningarlífið er vægast
sagt hresst: tangó, tónleikar og
fjölbreytt næturlíf. Maturinn er
sagður hreinasta lostæti og eins
og flestir vita eru nautasteikurn-
ar hvergi betri. Tískubúðir hafa
sprottið upp í Buenos Aires und-
anfarin ár og því ættu allir að
geta gert góð kaup, sérstaklega á
vönduðum leðurvörum. Það kann
að vera dálítið dýrt að fljúga til
Argentínu ( Reykjavík- New York-
Buenos Aires er sennilega besta
leiðin) en þegar þangað er komið
er virkilega ódýrt að lifa.
Ísland!
Bíðið nú hæg … Ísland? Jú,
nákvæmlega, Ísland skorar gríð-
arlega hátt á listum yfir bestu
áfangastaðina á næsta ári. Þar er
talin upp stórbrotin fegurð lands-
ins, hreint loft og vatn, endalaus-
ir afþreyingarmöguleikar, jökla-
klifur, hestaferðir, hvalaskoðun,
kajakferðir og fossaskoðun. Svo
auðvitað hið gríðarlega spennandi
næturlíf þar sem hægt er að virða
fyrir sér Reykvíkinga gersamlega
missa sig í miðbænum: ovurölvi
og með skrílslæti. Og já, konurn-
ar eru víst alveg gríðarlega falleg-
ar líka. Aðalástæðan fyrir þessum
vinsældum Íslands árið 2010 er
samt hversu drjúgur túristadollar-
arnir eru. Það er jú kreppa á sker-
inu. Það er allavega gott fyrir þá
sem hafa ekki efni á því að ferðast
neitt á næsta ári að landið okkar er
á ný gífurlega trendí.
New York!
New York? Er það ekki alltaf vin-
sæll áfangastaður? Hvað er svona
nýtt við það. Ferðalög spá New
York auknum vinsældum meðal
Íslendinga á næsta ári vegna þess
að flugfélagið Iceland Express
verður byrjað að fljúga þangað og
vonandi verður þessi aukna sam-
keppni til þess að hægt verði að
komast þangað fyrir aðeins minni
pening. Fyrir þá sem hafa aldrei
komið til stóra eplisins þá skal hér
tekið fram að ferð þangað verð-
ur alltaf ógleymanleg. New York
suðar af lífi og andar spenningi,
hvort sem þú fílar artí stemning-
una í Williamsburg eða Greenwich
Village eða „Sex and the City“
smartheitin á Manhattan. Ég vil
verða hluti af henni söng Frank
Sinatra af góðri ástæðu.
Gana!
Ha? Jú, ferðalangar verða að hugsa
hlutina aðeins upp á nýtt og hug-
leiða siðræna ferðamennsku. Þetta
þýðir að þegar þú heimsækir þró-
unarlönd þá verður þú að skoða
hvernig hugað er að ferðamennsku
í hverju landi, hvernig umhverfis-
verndarsjónarmið þeirra eru og
hvort arður af ferðamennsku skili
sér yfirleitt til fólksins. Því miður
er það nefnilega þannig hjá fátæk-
ari þjóðum að ferðamennska getur
haft afleit áhrif á skóga, höf og rót-
gróna menningu. Á lista hjá síð-
unni The Ethical Traveller skorar
Vestur-Afríkuþjóðin Gana mjög
hátt og því vert að hafa hana í huga
þegar hin myrka og stórfenglega
heimsálfa er heimsótt. Gana, eins
og svo fjölmargar afrískar þjóðir,
hefur til að bera dásamlega hlýtt
fólk, ríkan menningararf, heillandi
landslag og ævintýralegt dýralíf.
Nepal!
Samkvæmt Lonely Planet er Him-
alayafjallaríkið Nepal einn heit-
asti áfangastaður ársins 2010.
Þessi smáa þjóð sem er undir kín-
verskri stjórn hefur heillað vest-
urlandabúa í áraraðir og göngu-
ferðalag í Nepal er orðið ómissandi
lífsreynsla fyrir flesta, líkt og að
skoða píramídana, Louvre eða að
kafa á kóralrifi. „Þú munt aldrei
gleyma Himalaya-fjöllunum,“
segir Lonely Planet. Svo er höf-
uðborgin Katmandú svo exótísk,
mannlífið einstakt og litirnir sem
ber fyrir augun eru svo ríkuleg-
ir, hvort sem það eru ævintýraleg
krydd á útimörkuðum, appelsínu-
gulir kuflar á búddamúnkum eða
heiðblár himinninn handan fjalls-
tindanna. Í Nepal geturðu líka
sökkt þér djúpt í búddismann og
farið í ferðalag fyrir andann.
Færeyjar!
Íslendingar gerðu lengi vel grín
að þessari náskyldu þjóð en und-
anfarin ár höfum við byrjað að
uppgötva að Færeyjar eru dálítið
eins og Ísland, bara betri. Veður-
farið er skárra, grasið er grænna,
fólkið er myndarlegra, Færeying-
ar eiga meiri peninga, Færeying-
ar byggja fallegri hús, og þar að
auki reisa þeir við einn sögufræg-
asta skemmtistað Reykjavíkur sem
borgaryfirvöld sáu ekki sóma sinn
í að halda opnum: Sirkus. Nú þegar
Sirkus er kominn til Þórshafnar
og íslensk hönnun seld í verslun-
inni Zo er augljóst að hipsterar
Reykjavíkur fara að flykkjast til
Færeyja. Eina mögulega vanda-
málið við Þórshöfn er hversu lítið
er hægt að gera þar í miðri viku en
við spáum því að lista-, menning-
ar- og kaffihúsalífið taki við sér á
næsta ári.
Suður-Afríka!
Á næsta ári verður FIFA-heims-
meistaramótið haldið í þessu
stórbrotna og söguríka landi og
búist er við miklum ferðamanna-
straumi til Höfðaborgar í tengsl-
um við fótboltann. Suður-Afríka
TOPP TÍU FYRIR 2010
Hverjir verða vinsælustu og jafnframt sniðugustu áfangastaðirnir á nýju ári? Anna Margrét Björnsson fl etti helstu ferðasíðum heims og
komst að því að Ísland er heitt, Færeyjar enn heitari og Þýskaland jafnvel það heitasta af öllu.
Hvað er nú þetta? Jú, Egilsstaðir
á austurhluta Íslands.
Færeyjar Þórshöfn er spáð titlinum Hipsterbær norðursins á næsta ári.
New York Sjarmerandi stemning
í Greenwich Village.