Fréttablaðið - 24.12.2009, Page 28

24. DESEMBER 2009 FIMMTUDAGUR2 ● fréttablaðið ● kirkjan
Góður hópur árrisula kirkjugesta
mætir til messu hvern miðviku-
dagsmorgun í Hallgrímskirkju
klukkan átta. Í þau tæpu sjö ár
sem boðið hefur verið til morgun-
messu hefur varla fallið úr dagur.
Í ár var messað á Þorláksmessu og
verður einnig messað miðvikudag-
inn 30. desember. Það verður síð-
asta messan í bili uppi við altari
Hallgrímskirkju en vegna fram-
kvæmda í kirkjuskipinu færast
messurnar niður í kórkjallarann
á nýju ári.
Séra Kristján Valur Ingólfsson
er maðurinn á bak við árdegis-
messurnar, en átta prestar skipt-
ast að staðaldri á um að þjóna fyrir
altari. Þjónusta leikmanna er mik-
ilvæg í árdegismessunum við for-
söng, aðstoð við útdeilingu, bæn
og hugleiðingu, að ógleymdum
morgunmatnum sem fólk skiptist
á að undirbúa. Þá eru ávallt tekin
samskot sem renna til Hjálpar-
starfs kirkjunnar og kristniboðs-
ins.
Að sögn Sigrúnar V. Ásgeirs-
dóttur, sem hefur verið með í
messunum frá byrjun, tók hún
því strax fagnandi að vera þátt-
takandi í helgihaldi svo árla dags.
Hún var með í fyrstu messunni á
öskudaginn árið 2003 og minnist
þess með gleði. „Samfélagið við
morgunmatinn er mikilvæg við-
bót við þann hálftíma sem mess-
an í kirkjunni tekur með tilheyr-
andi spjalli um landsins gagn og
nauðsynjar,“ segir Sigrún.
Þátttakan í messunum hefur
aukist jafnt og þétt. Í upphafi
mættu frá átta til tíu manns en
núna eru iðulega yfir tuttugu
messugestir. Sigrún segir
samfélagið hlýtt og gleðina mikla
við að allir hjálpast að.
Margir úr miðvikudags-
söfnuðinum eru einnig þátt-
takendur í messuhópum í Hall-
grímskirkju og síðastliðið vor var
stofnaður hópur um þjónustu við
messur á Þingvöllum á sumrin en
hann hefur fengið nafnið Vinir
Þingvallakirkju. Allir eru vel-
komnir í miðvikudagssamfélagið
í Hallgrímskirkju. - ve
Í messu snemma morguns
Tómasarmessa hefur verið haldin í Breiðholtskirkju í Mjódd síð-
asta sunnudag í mánuði, frá hausti til vors síðastliðin ellefu ár.
Dóra Diego og eiginmaður hennar, Kristján Þorgeirsson, hafa
verið þátttakendur í messunum um margra ára skeið. „Þessar
messur eru talsvert frábrugðnar öðrum og gefst fólki meira
tækifæri á að taka þátt en í hefðbundnum messum,“ segir Dóra,
sem er í fyrirbænaþjónustu Breiðholtskirkju.
Tómasarmessa dregur nafn sitt af Tómasi hinum vantrúaða
sem var einn af lærisveinum Krists. Hann sagðist ekki trúa því
að Kristur væri upprisinn nema að fá fyrir því áþreifanlegri
sannanir og vildi sjálfur fá að leggja hendur á sárin. „Hann er
tákngervingur fyrir marga nútímamenn en við erum öll svolítið
vantrúuð og þurfum alltaf á staðfestingu að halda.“
Dóra segir Tómasarmessurnar léttar og skemmtilegar og
að lagt sé upp með að messugestir taki virkan þátt. „Þorvaldur
Halldórsson er yfir-músíkant og er mikið lagt upp úr léttri tón-
list og söng. Stór hópur messuþjóna, presta, djákna og leikmanna
taka þátt og þótt messuliðirnir séu þeir sömu og í hefðbundnum
messum er ýmislegt frábrugðið. „Til að mynda taka nær allir
þátt í altarisgöngunni, auk þess sem bænaþátturinn er talsvert
frábrugðinn því sem gengur og gerist en boðið er upp á ýmiss
konar bænaform og fyrirbænir. „Það eru þó nokkuð margir sem
koma fram til fyrirbæna í hverri messu og auk þess margir sem
kveikja ljós í bænakertastjakanum og biðja fyrir sínum. Þá er
líka hægt að setjast niður og skrifa bænaefni á blöð og setja í
körfu en beðið er samkvæmt þeim í messunni og síðan áfram í
kirkjum Reykjavíkurprófastdæmis austur,“ segir Dóra.
Lengi vel var einungis boðið upp á Tómasarmessu í Breiðholts-
kirkju en hin síðustu ár hefur hún einnig farið fram í Grensás-
kirkju annan sunnudag í mánuði. Næsta Tómasarmessa fer
fram í Breiðholtskirkju sunnudaginn 27. desember og hefst hún
klukkan 20. - ve
Messugestir fá að
taka virkan þátt
Tómasarmessa dregur nafn sitt af Tómasi hinum vantrúaða sem var einn af
lærisveinum Krists. Messurnar eru léttar og skemmtilegar og eru Dóra og
Kristján virkir þátttakendur. FRÉTTABLAÐIÐ/VILHELM
Sigrún hefur tekið þátt í árdegismessum frá upphafi en fyrsta messan var haldin árið
2003. FRÉTTABLAÐIÐ/VALLI
Útgefandi: Biskupsstofa, Kjalarnesprófastsdæmi, Reykjavíkurprófastsdæmi eystra og vestra
l Vefsíða: www.kirkjan.is, www.kjalarpr.is, www.kirkjan.is/eystra og www.kirkjan.is/vestra Sími:
528 4000 l Ritstjóri: Roald Eyvindsson l Ábyrgðarmaður: Steinunn A. Björnsdóttir l Forsíða:
Valgarður Gíslason l Auglýsingar: Fréttablaðið/Bjarni Þór Sigurðsson Sími: 512 5471.
Karl Sigurbjörnsson biskup
segir jólaguðspjallið ómissandi
þar sem í því birtist kjarni krist-
innar trúar og siðar, guðsmynd
og mannskilningur.
Börnin á leikskólanum buðu
aðstandendum til friðarstundar
sem þau höfðu undirbúið af alúð
og áhuga og barnslegri einlægni.
Þau höfðu útbúið falleg ljósker og
sungu yndislegan söng um ljósið.
Svo sungu þau nokkrar jólavísur
og fóru með brot úr jólasveina-
kvæði Jóhannesar úr Kötlum. Hið
frábæra starfsfólk leikskólans
hafði sannarlega lagt sig fram
um að gera allt úr garði sem
best mætti verða fyrir börnin og
boðsgesti þeirra. Þetta var afar
skemmtilegt, falleg og gott og
sannarlega heilnæmt fyrir sálina.
En eftir á leitaði á mig að þarna
var ekkert minnst á Betlehem,
Maríu eða Jesú. Ætli stefni í það
að eini staður inn utan heimilanna
sem leyft verði að rifja upp sögu
jólaguðspjallsins og nefna höfuð-
persónur hennar á nafn sé í kirkj-
unum? Ef svo er þá gerir það meiri
kröfur til heimilanna og til kirkj-
unnar og kristinna trúar safnaða
en nokkru sinni að sinna því og
gæta þess. Það er ekki aðeins trú-
arleg skylda heldur þjóðleg og
menningar leg og mikið í húfi fyrir
framtíð menningar, trúar og siðar
í landi hér. Jólaguðspjallið er saga
sem ekki má gleymast.
Mikilvægustu gildin til far-
sældar landi og þjóð mótast og
nærast í uppeldi í trú og vonar og
kærleika. Þeim er ekki síst miðlað
með sögum og táknum og hátíðum
þar sem við finnum að við erum
hluti samhengis sem ber okkur
uppi, þrátt fyrir allt. Þess vegna
er jólaguðspjallið ómissandi, og
að það sé rifjað upp í orðum, söng
og leik. Sem betur fer gerist það
víða, líka í skólum, að ekki sé
talað um í hinum mikla söngva-
sjóði sem tónlistarfólkið okkar
eys af um aðventu og jól okkur
öllum til gleði og uppbyggingar.
Jólaguðspjallið má ekki gleym-
ast. Þar birtist kjarni kristinnar
trúar og siðar, guðsmynd og mann-
skilningur. Hvort tveggja geymir
til dæmis ómetanlegt mótefni
gegn ásókn sjálfselsku, græðgi og
hroka. Í barninu í Betlehem er Guð
að vitja okkar og minna okkur á
að sérhvert mannsbarn er elskað
af Guði, í hverju barni sjáum við
hans mynd, sérhvert barn er tákn
vonar og framtíðar, og kallar á við-
brögð umhyggju og kærleika.
Jólaguðspjallið er saga sem ekki
má gleymast, þá sögu þurfum við
að rifja upp og kenna börnunum
okkar. Svo að þau og við öll getum
lært að reiða okkur á það sem hún
miðlar, lært að treysta því og trúa,
að elska lífið og náungann og gleðj-
ast yfir voninni sem frá jötunni
varpar mildum og hlýjum bjarma
sínum yfir heiminn.
Gleðileg jól!
Karl Sigurbjörnsson
Sagan sem ekki má gleymast
„Jólaguðspjallið er saga sem ekki má gleymast, þá sögu þurfum við að rifja upp og kenna börnunum okkar,“ segir Karl Sigur-
björnsson biskup. FRÉTTABLAÐIÐ/VALLI
www.forlagid.is