Fréttablaðið - 02.01.2010, Blaðsíða 6

6 2. janúar 2010 LAUGARDAGUR
lyf?
Kynntu þér þinn rétt á lfi.is
Þarft þú að nota lyf að staðaldri?
Frumtök • Hjartaheill • Beinvernd • Lyfjafræðingafélag Íslands
v
STJÓRNSÝSLA „Nú er svo komið að
ég hef misst alla tiltrú á orðum
sagnaritarans og get því ekki
greitt atkvæði með nýjum samn-
ingi,“ segir í bókun Karenar
Jónsdóttir þegar hún ein níu bæj-
arfulltrúa á Akranesi neitaði
að samþykkja viðbótagreiðslur
vegna ritunar á Sögu Akraness.
„Í rúm tíu ár hefur núverandi
sagnaritari þegið greiðslur frá
Akraneskaupstað. Samtals að
upphæð 73.337.692, miðað við
uppreiknaða vísitölu, fyrir það
eitt að rita sögu Akraneskaup-
staðar,“ segir í bókun Karenar
þegar bæjarstjórnin samþykkti
fyrir jól að bæta við 4,3 miljónum
króna til að ljúka fyrstu tveimur
bindum verksins.
Gunnlaugur Haraldsson þjóð-
háttafræðingur kveðst hafa feng-
ist við ritun sögu Akraness með
hléum frá árinu 1997. Fyrir hafi
verið til eitt bindi sem Jón Böðv-
arsson hafi skrifað. Ákveðið
hafi verið að Gunnlaugur tæki
við og skrifaði söguna frá árinu
1700. Seinna hafi verið ákveð-
ið að Gunnlaugur myndi skrifa
alla sögu bæjarins frá landnámi.
Ýmsar aðrar breytingar hafi
verið gerðar og hlé verið gert á
verkinu oftar en einu sinni.
Gunnlaugur segir að fyrstu tvö
bindin, sem nái frá landnámi til
ársins 1700 og yfir átjándu öldina
verði tilbúin til prentunar næsta
sumar, með fjölbreyttum myndun
og kortum. Þessi tvö bindi verði
samtals á milli 900 og 1.000 blað-
síður.
Þá segist Gunnlaugur búinn að
skrifa þriðja bindið. Fjórða bindið,
sem nái frá aldamótunum 1900,
sé hálfskrifað fram til 1941. „En
það hefur enn ekki verið ákveðið
hvort ritið verður látið ná fram á
sjöunda áratug þessar aldar eða
allt til ársins 2000 eins og lagt
var upp með,“ útskýrir hann.
Að sögn Gunnlaugs áttar hann
sig ekki á hvort sú framreiknaða
tala sem Karen nefnir í bókun
sinni sé öll vegna greiðslna til
hans eða vegna alls kostnaðar
sem hlotist hafi af verkinu. Gísli
S. Einarsson bæjarstjóri segir að
um sé að ræða heildargreiðslur.
„Ég tel að það sé komið svo langt
með þetta verk að það væri glap-
ræði að klára það ekki. Þetta er
framúrskarandi fagmannlega
unnið,“ segir bæjarstjórinn.
Undir þetta tekur formaður
ritnefndar Sögu Akraness. „Við
erum mjög ánægð með það sem
komið er og það hefði verið fárán-
legt að bæta ekki lokapunktinum
við,“ segir Jón Gunnlaugsson.
Karen Jónsdóttir er hins vegar
ósátt. „Þau tæp fjögur ár sem
ég hef setið hér sem bæjarfull-
trúi þá hafa verið gerðir í það
minnsta þrír samningar um verk-
lok. Í gegnum tíðina hafa bæjar-
fulltrúar og nefndarmenn í góðri
trú samþykkt/keypt þau rök sem
sagnaritari hefur lagt á borð
fyrir þá í þeirri trú að senn líði
að verklokum.“
gar@frettabladid.is
Nærri 80 milljónir í
ritun sögu Akraness
Bæjarfulltrúi á Akranesi samþykkti ekki 4,3 milljóna króna viðbótarframlag
við 73 milljónir sem á tólf árum hafa farið til ritunar sögu Akraness. Glapræði
að klára ekki verkið segir bæjarstjórinn sem kveður það vera framúrskarandi.
KAREN
JÓNSDÓTTIR
GÍSLI S.
EINARSSON
SÉÐ TIL AKRANESS Íbúar hafa beðið lengi eftir að saga bæjarins kæmi út. Þegar hefur
verið varið áttatíu milljónum króna til verksins en ekkert er komið á prent.
FRÉTTABLAÐIÐ/GVA
UPPLÝSINGATÆKNI Finnski fjar-
skiptarisinn Nokia segir að
tæknifyrirtækið Apple brjóti á
einkaleyfarétti Nokia í nær öllum
farsímum, tónlistarspilurum og
tölvum sem Apple framleiðir.
Í tilkynningu finnska fyrir-
tækisins kemur fram að það hafi
í gær sent kvörtun til Verslunar-
ráðs Bandaríkjanna (ITC).
Umkvörtunin snýr að sjö einka-
leyfum sem varða uppfinningar
Nokia sem fyrirtækið segir Apple
nota í lykilþáttum notendavið-
móts, sem og í myndavél, loftneti
og orkustýringartækni.
Nokia hefur áður höfðað mál á
hendur Apple sem rekið er í Dela-
ware í Bandaríkjunum vegna
notkunar Apple á stöðlum í þráð-
lausum samskiptum sem Nokia
hefur þróað. - óká
Tekist á um einkaleyfi:
Nokia kvartar
undan Apple
MENNTUN Um 43,4 milljónum
króna hefur verið úthlutað úr
sprotasjóði fyrir skólaárið 2009
til 2010. Sjóðurinn var stofnað-
ur í fyrra og hefur það hlutverk
að styðja við þróun og nýjung-
ar í starfi leik-, grunn- og fram-
haldsskóla. Katrín Jakobsdóttir
menntamálaráðherra hefur sam-
þykkt tillögu stjórnar um úthlut-
un til 44 verkefna. Umsóknir
voru samtals 143.
Áherslusviðin að þessu sinni
voru annars vegar sveigjanleiki
og fjölbreytni í námi og kennslu-
háttum og hins vegar lestrar-
kennsla og læsi í víðum skilningi.
Skólaskrifstofa Mosfellsbæjar
fékk hæstu úthlutunina að þessu
sinni, 3 milljónir króna, vegna
verkefnisins PALS – læsi í leik-
og grunnskólum í Mosfellsbæ.
- kóp
Rúmlega 43 milljjónir:
Úthlutað úr
sprotasjóði
DÓMSMÁL Hjón sem fengu ekki
byggingarlóð í úthlutun seint á
árinu 2005 hafa stefnt Kópavogs-
bæ og krefjast 33 milljóna króna
í bætur.
Hjónin sóttu um nokkrar lóðir
á Kópavogstúni, þar á meðal
sjávarlóð við götu sem nú heitir
Kópavogsbakki. Þau fengu enga
lóð. Félagsmálaráðuneytið, sem
þá fór með sveitarstjórnarmál,
komst að þeirri niðurstöðu að
úthlutunin á sjávarlóðinni hafi
verið ólögmæt. Krafa hjónanna
um 33 milljóna króna bætur er
meðal annars byggð á mismun á
söluverði lóðarinnar frá bæjun-
um og niðurstöðu matsmanna um
markaðsverðmæti hennar. - gar
Hjón fengu ekki sjávarlóð:
Telja sig eiga að
fá 33 milljónir
UPPBYGGING Á KÓPAVOGSTÚNI Lóðaút-
hlutanir vöktu deilur sem enn standa.
FJÖLMIÐLAR Evrópusamtökin
skora á Ríkisútvarpið að endur-
skoða ákvörðun sína um að
hætta við að hafa fréttaritara
staðsettan í Brussel.
„Evrópusamtökin telja það
algerlega nauðsynlegt að íslensk-
um almenningi verði gert kleift
að fylgjast með framvindu aðild-
arviðræðna Íslands og ESB,“
segir í ályktun samtakanna.
„Upplýsingar sem skipta máli
fyrir þjóðina, mega og eiga ekki
að vera „útvalin vara“ fyrir fáa
aðila.“ - pg
Áskorun Evrópusamtakanna:
RÚV hafi
mann í Brussel
FJÖLMIÐLAR Íslenska þjóðin geldur
fyrir athafnir siðlítilla viðskipta-
jöfra og athafnaleysi getulítilla
stjórnvalda. Þetta sagði Páll Magn-
ússon útvarpsstjóri í harðorðri
áramótakveðju Ríkisútvarpsins á
gamlárskvöld.
Sagði hann að einn alvarleg-
asti fylgifiskur kreppunnar væri
sá að traustið á ýmsum stofnun-
um og fyrirbærum í samfélaginu
hefði að miklu leyti farið forgörð-
um. Það væri það sem erfiðast yrði
að endurheimta.
„Reiðin stafar af því að réttlæt-
iskennd fólks hefur verið gróf-
lega misboðið. Það geldur nú fyrir
athafnir siðlítilla viðskiptajöfra
og athafnaleysi getulítilla stjórn-
valda.
Til að bæta gráu ofan á svart
eru margir helstu leikendurn-
ir í þessari hörmungaruppfærslu
enn að, þiggjandi háar stöður eða
heimtandi sérstaka fyrirgreiðslu
úr bönkum sem þeir sjálfir settu á
hausinn til að geta hangið eins og
hundar á roði á fyrirtækjum sem
þeir sjálfir fóru ránshendi um og
skildu eftir í blæðandi sárum,“
sagði Páll.
Þessu verði að linna til að græða
særða réttlætiskennd þjóðarinnar
og endurheimta glatað traust.
Þá sagði Páll að Ríkisútvarpið
væri ein örfárra stofnana samfé-
lagsins sem hefði tekist að varð-
veita traust sitt og trúverðugleika
að svo miklu leyti sem það mætti
mæla í könnunum. Reynt yrði að
gæta þess að svo yrði áfram. - sh
Páll Magnússon útvarpsstjóri var harðorður í áramótakveðju sinni:
Gjöldum fyrir siðlitla viðskiptajöfra
HARÐORÐUR Páll skóf ekkert utan af því
á gamlárskvöld. FRÉTTABLAÐIÐ / GVA
DANMÖRK Botninum er náð, en
kreppan er þó fjarri því að vera
búin. Þetta er álit 45 fremstu hag-
fræðinga Danmerkur sem þátt
tóku í efnahagspallborði Ritzau-
fréttastofunnar og viðskiptablaðs-
ins Børsen.
Kreppunni lýkur á næstu 6 til
24 mánuðum segja þeir. 16 af hag-
fræðingunum 45 skjóta á áfram-
haldandi kreppu í 6 til 12 mánuði,
og aðrir 16 að hún vari í 12 til 24
mánuði.Kreppa á fjármálamark-
aði er sögð afstaðin og vöxtur á
þriðja fjórðungi slái á krepputal.
Vandræði á vinnumarkaði muni
hins vegar vera mest áberandi á
komandi mánuðum. - óká
Danskir hagfræðingar:
Kreppan er
ekki að baki
STJÓRNSÝSLA Forseti Íslands veitti
í gær tíu manns riddarakross
fálkaorðunnar við athöfn á Bessa-
stöðum.
Orðuna fengu Áshildur Haralds-
dóttir tónlistarmaður fyrir störf
á vettvangi íslenskrar tónlistar,
Einar Kárason rithöfundur fyrir
ritstörf og framlag til íslenskra
bókmennta, Geir Jón Þórisson yfir-
lögregluþjónn fyrir störf í þágu
löggæslu og félagsmála, Helgi
Seljan, fyrrverandi alþingismað-
ur, fyrir störf á opinberum vett-
vangi og í þágu bindindis- og vel-
ferðarmála, Hjálmar Vilhjálmsson
fiskifræðingur fyrir rannsóknir í
fiskifræði og hafvísindum.
Þá fékk Högna Sigurðardóttir
arkitekt riddarakross fyrir fram-
lag til íslenskrar og alþjóðlegrar
húsagerðarlistar, Pétur Ágústsson,
framkvæmdastjóri og skipstjóri,
fyrir frumkvæði í ferðaþjónustu,
Ragnhildur Guðrún Guðmunds-
dóttir, formaður Mæðrastyrks-
nefndar Reykjavíkur, fyrir störf
í þágu samfélagshjálpar, Sigríður
Jóna Kristjánsdóttir útskurðar-
meistari fyrir framlag til þjóðlegr-
ar listar og Sólveig Guðlaugsdóttir,
geðhjúkrunarfræðingur á Barna-
og unglingageðdeild Landspítala,
fyrir framlag til heilbrigðismála
og umönnunar ungmenna.
- gar
Hátíðleg athöfn og móttaka á nýársdag á Bessastöðum:
Forsetinn veitti tíu fálkaorðu
Á BESSASTÖÐUM Í GÆR Tíu Íslendingar tóku í gær við fálkaorðu úr hendi forsetans í
viðurkenningarskyni fyrir störf sín í þágu þjóðarinnar. FRÉTTABLAÐIÐ/DANÍEL
Verður næsta ár betra?
Já 49%
Nei 51%
SPURNING DAGSINS Í DAG:
Varstu ánægð(ur) með Ára-
mótaskaupið?
Segðu skoðun þína á visir.is.
KJÖRKASSINN