Fréttablaðið - 02.01.2010, Blaðsíða 13

LAUGARDAGUR 2. janúar 2010 13
hamborgarastað. Enda á ekki að
vera neitt sveitt við staðinn. Hrá-
efnið verður allt með ferskasta
móti, hamborgararnir búnir til úr
hreinu kjöti og fitu og án íblönd-
unarefna. Og hvorki brauðið né
hamborgararnir verður nokkurn
tímann fryst.
„Þetta verður hágæðamatur á
eðlilegu verði,“ segir Simmi og Jói
tekur við. „Þú átt að geta komið inn
til okkar í hádeginu og fengið þér
að borða og drekka fyrir 1.500 kall.
Og máltíð með bjór á 2.000 kall.
Þetta eru viðmiðin. Við gefum eftir
af framlegðarkröfunni til að byrja
með. Við getum gert þetta því við
erum ekki hugsa þetta til skamms
tíma.“
Á matseðlinum verður allt mögu-
legt, ýmsar tegundir af forréttum,
aðalréttum og ekki síst eftirrétt-
um. Fyrsti kvenkokkur Íslands,
Erla Ívarsdóttir á Geirlandi, á heið-
urinn að eftirréttamatseðlinum.
„Hjá Erlu smökkuðum við bestu
skyrtertu sem við höfum nokkurn
tímann fengið og hún var svo góð
að gefa okkur uppskriftina,“ segir
Simmi og virðist fá vatn í munninn
við að rifja upp bragðið.
Hamborgararnir verða þó allt-
af í aðalhlutverki, en útfærslur
þeirra verða þrettán talsins. Und-
anfarna fjóra mánuði hefur stíf
smökkun farið fram og þeir félagar
segjast líklega hafa borðað meira
en hundrað borgara hver. Nú séu
þeir hins vegar farnir að smakka
og spýta, eins og sannir atvinnu-
smakkarar.
Sjónvarpsþáttur í bígerð
Allt ferlið frá hugmynd til fram-
kvæmdar, hefur verið skrásett að
Þór Freyssyni hjá Saga Film. Það
á nefnilega að búa til sjónvarps-
þætti um tilurð Fabrikkunnar sem
verða sýndir á Stöð 2 í kringum
páskana. „Allt sem við höfum gert
í sjónvarpi frá því vorum á Popp
Tíví hefur verið gert í samstarfi
við Þór. Honum fannst við ruglað-
ir að hafa sagt upp vinnunni til að
opna veitingastað, ekki síst af því
konurnar okkar voru báðar óléttar.
Það var hans hugmynd að gera úr
þessu sjónvarpsþætti,“ segir Jói.
Þættirnir verða sex og hefur hver
sitt þema, nokkuð í anda Klovn-
þáttanna dönsku sem hafa vakið
svo miklar vinsældir hér á landi.
„Við ákváðum að hleypa kamer-
unum alveg inn að okkur, heim til
okkar og upp í heila,“ segir Jói og
Simmi tekur af honum orðið. „Við
höfum aldrei gert það áður. Við
höfum aldrei verið í fjölmiðlum
með okkar einkalíf, nema það hafi
átt sérstakt erindi þangað. Fólk veit
þess vegna ósköp lítið um okkur.“
Allt sem gerist í þáttunum er
raunverulegt og þeir voru tekn-
ir upp á svo viðburðaríkum tíma
í lífi drengjanna að það verður
alltaf nóg að gera. Myndavélarn-
ar fylgdi þeim gegnum súrt og
sætt, til útlanda í smökkunarferð
og meira að segja alla leið upp á
fæðingardeild. „Tökuliðið mátti
nú reyndar ekki koma inn, út af
svínaflensunni. En ég kom beint
út og sagði frá því að dóttir mín
væri fædd. Þetta er bara ekta og
fólk sér það alveg. Ég eignast barn
í þætti þrjú og Simmi í þætti fjög-
ur. Þetta er náttúrlega ógeðslega
gott sjónvarp.“
Vel giftir menn
Eruð þið svona vel giftir eða verða
konurnar ykkar aldrei neitt þreytt-
ar á uppátækjum ykkar?
Simmi: Jú, jú, það kemur nú
alveg fyrir að þær pirrist á okkur.
Til dæmis þegar við fórum í heim-
sókn til hennar Erlu á Geirlandi
um daginn og fórum aðeins í lax
í leiðinni …“
Jói: „…í tvo daga.“
Simmi: „En ég veiddi maríu-
laxinn minn í þessari ferð!“
Jói: „Þær eru löngu orðnar þaul-
vanar þessu stússi í okkur. Það var
mesta lukka í heiminum að þær
yrðu óléttar á sama tíma. Þær hafa
aldrei verið með okkur í sjónvarpi,
þannig hefði ekki verið eftirsókn-
arvert fyrir aðra að vera kasólétt
með hina vel til hafða og fína.“
Simmi: „En þær þola okkur nú
betur þessa dagana en oft áður
þar sem þær spila stórt hlutverk í
tilurð fabrikkunnar.“
Allt undir
Það sem þeim Simma og Jóa þykir
áhugaverðast við sjónvarpsþáttinn
er hvað hann er raunverulegur
raunveruleikaþáttur. Þeir leggi allt
sitt að veði til þess að draumurinn
um eigin veitingastað geti orðið að
veruleika. „Við erum raunverulega
að leggja aleigu okkar í að stofna
veitingastað á krepputímum. Ef
þetta klikkar förum við á hausinn.
Auðvitað erum við með hjartað í
buxunum yfir því,“ segir Simmi.
Þeir halda að þetta hafi einmitt
ráðið því að þeir fengu besta mann-
inn á markaðnum – svo kalla þeir
hann – Skúla Gunnar Sigfússon,
eiganda Subway, með sér í lið. Hann
stóð í sömu sporum og þeir fyrir
fimmtán árum, sagði upp vinn-
unni hjá Landsbréfum og opnaði
Subway-stað. „Hann er „old school
bisnissmaður“ og á sitt fyrirtæki
skuldlaust. Þegar hann frétti að við
ætluðum að vera þarna sjálfir með
tuskuna á lofti, og að við værum
að leggja allt að veði, ákvað hann
að vera með okkur í þessu,“ segir
Simmi.
Auglýsa eftir starfsfólki
Það má leiða að því líkur að það
verði nóg að gera í Íslensku ham-
borgarafabrikkunni í hádeginu,
enda vinna um átta þúsund manns í
um fimm kílómetra radíus kringum
staðinn. Og vandamálið með mið-
bæjarkúnnana sem ætla strax út að
skemmta sér á eftir hafa þeir leyst
með amerískum fótboltamömm-
ukagga sem þeir fjárfestu í gagngert
til að ferja matargesti niður í miðbæ
á fimmtudögum og um helgar.
Þegar talið berst að því hvað
styttist í opnun segir Simmi í
hálfum hljóðum: „Já, þetta minn-
ir mig á að við þurfum að fara að
huga að starfsmannamálum!“
Svo þeir auglýsa hér með
eftir starfsfólki og biðja áhuga-
sama um að senda sér línu á joi@
fabrikkan.is eða simmi@fabrikk-
an.is. Hverjir eiga séns?
„Háskólafólk á fyrsta ári ætti
að sækja um, það yrði mjög lík-
lega ráðið,“ segir Simmi og Jói
bætir við: „Ég myndi segja að
þetta væri svipuð krítería og
að gerast flugfreyja eða flug-
þjónn.“
Þurfa umsækjendur þá að
kunna nokkur tungumál? „Já,
helst,“ heldur hann áfram með
bros á vör. „Nei, nei, en við vilj-
um fólk sem finnst gaman að vera
í kringum aðra og er umfram allt
heiðarlegt.“
Við erum raunverulega að leggja aleigu okkar í að stofna
veitingastað á krepputímum. Ef þetta klikkar förum við
á hausinn. Auðvitað erum við með hjartað í buxunum
yfir því
Á ÞÍN
REKSTRAR-
HUGMYND
HEIMA Í
HÖRPU?
EFNT ER TIL FORVALS Á VERSLUNAR- OG VEITINGAÞJÓNUSTU
Í HÖRPU, TÓNLISTAR- OG RÁÐSTEFNUHÚSINU Í REYKJAVÍK
Ago, dótturfélag Portusar, leitar að áhugasömum rekstraraðilum í húsið sem verður opnað vorið 2011. Við
val á þeim verður styrkleiki vöru og þjónustu, þekking, reynsla, geta og nýbreytni lögð til grundvallar.
Forvalsgögn munu liggja frammi á skrifstofu Portusar, Austurstræti 17, 5. hæð, 101 Reykjavík frá og með
föstudeginum 8. janúar.
Umsóknum ásamt fylgiskjölum skal skila á sama stað, eigi síðar en kl. 16:00, föstudaginn
29. janúar, merktum: Ago – viðskiptatækifæri: FORVAL.
Sérstök athygli er vakin á kynningarfundi sem verður haldinn á Grand Hóteli, fimmtudaginn
7. janúar kl. 15. Þar verða veittar nánari upplýsingar um forvalið og forvalsgögnum dreift.
Almennar upplýsingar á: www.portusgroup.is
ÍS
L
E
N
S
K
A
/S
IA
.I
S
/P
O
R
4
86
07
1
2/
09