Fréttablaðið - 02.01.2010, Blaðsíða 54
42 2. janúar 2010 LAUGARDAGUR
OKKUR
LANGAR Í
…
utlit@frettabladid.is
DAÐRAÐ VIÐ TÍSKUNA
Anna Margrét Björnsson
Hvert ár hefur sitt sérkenni hvað varðar strauma og stefnur í tísku.
Hönnuðirnir Alexander McQueen og Manish Kapoor heilluðu heim-
inn með ævintýralegum litum og sniðum, Sonia Rykiel fór að selja
föt í H&M, þrýstnir barmar eru aftur í tísku og áhrifa Michaels
Jackson gætti víða. Hér er stutt yfirlit yfir hápunkta síðasta árs. -
NÝ JAGGER STJARNA Í SVIÐSLJÓSIÐ
Yngsta dóttir Micks Jagger og Jerry Hall
heitir Georgia May og fetar nú í fótspor
móður sinnar og systur, Jade, sem
fyrirsæta. Þrýstnar varir, langir leggir og
ljósir lokkar en umfram allt skemmtilegt
frekjuskarð hafa skotið henni á toppinn.
SKRAUTLEG ÍSLENSK
HÖNNUN Hjónin Magni og
Hugrún í KronKron gerðu
góða hluti með skólínu
sína Kron by Kron Kron.
Skórnir hafa notið gífur-
lega vinsælda hér heima
og fengið lofsamlega
umfjöllun í tímaritum ytra.
Eldrauðan Mac
varalit sem
er gífurlega
fallegur við
vetrarfölvann.
Nýja ilminn frá
Marc Jacobs sem
nefnist Lola. Seið-
andi, sexí og í
fallegri
flösku.
> TÍSKUFRÉTTIR VIKUNNAR
Madonna í auglýsingaherferð Söngdívan
Madonna er stjarnan í nýrri auglýsingaherferð
Dolce & Gabbana fyrir vor og sumar 2010.
Myndirnar eru teknar af Steven Klein og á þeim
er Madonna að borða spagettí og vaska upp,
líkt og týpísk ítölsk „mamma“.
GEIMVERUR HJÁ MCQUEEN
Ein sú sýning sem mesta athygli
vakti á árinu var hjá hönnuðin-
um Alexander McQueen. Sýning
hans fyrir næsta vor einkenndist
af stórfenglegum klæðum sem
minntu helst á íbúa Atlantis eða
hreinlega frá annarri plánetu. Hér
gefur að líta hælaskó frá línunni.
TÍSKUKÓNGUR DEYR Lát poppar-
ans Michaels Jackson hafði áhrif á
tískuna um stund. Pallíettujakkar,
hermannajakkar, hvítir hanskar og
hattar verða eflaust vinsælir langt
fram á næsta ár.
RYKIEL VINSÆL Aldrei fyrr hafa
föt frönsku tískudrottningarinnar
Soniu Rykiel verið jafn vinsæl. Ekki
spillti fyrir að keðjan H&M fór að
selja ódýra Rykiel-línu í verslunum
sínum. Hér sést pallíettugalli frá
Rykiel fyrir haustið 2009.
HVAÐ BAR HÆST Á LIÐNU ÁRI?
ÁRIÐ 2009 Í TÍSKUNNI
LITADÝRÐ
Indverski
hönnuðurinn
Manish Aurora
sló rækilega
í gegn á vor-
sýningu sinni
sem var haldin
í París síðastlið-
inn október. Föt
hans einkennast
af ævintýralegri
litadýrð.
MJÚKAR LÍNUR KOMA AFTUR Fyrirsæt-
an Lara Stone sló í gegn á síðasta ári
en hún er ekki ofurgrönn og strákaleg
eins og margar fyrirsætur, heldur með
mjaðmir, mitti og stóran barm. Því er
spáð að „alvöru“ konur séu að koma
sterkar inn.
Fegurðarleynd-
armálið Beauty
Flash Balm frá
Clarins. Bjargar
þreyttri húð!
Sjaldan man ég eftir jólum þar sem ég hef farið í svona mörg jólaboð.
Ég er þannig gerð að þegar ég borða mjög saltan eða reyktan mat, í
gervi hangikjöts, síldar, salamipylsu og þar fram eftir götunum vakna
ég næsta dag með augun á mér stokkbólgin og ekki frýnileg og auk
þess gerir þetta mikla kjötát mann þreyttan og orkulausan. Auðvitað
vissi maður þetta fyrir fram enda fárán-
legt að vera með einhverja stæla yfir
jólin og segjast ekki borða hitt eða þetta.
Fólk sem talar stanslaust um mataræði
og aðhald er líka ótrúlega leiðinlegt og
því hálfkvíðir maður næsta mánuði, jan-
úar, þegar öll þjóðin er komin í megrun
og á fullt í ræktinni, og Facebook-status-
ar uppfullir af þessum endalausu „farin
í gymmið“-setningum. Samt getur líka
verið mjög gaman að heyra þegar fólki
tekst vel upp við að skipta algerlega um
lífsstíl. Ég hitti vini frá New York um dag-
inn sem höfðu ákveðið að hætta að reykja
bæði tvö og fóru út að hlaupa í staðinn.
Þetta uppátæki gekk svo vel að þau líta
frábærlega út, reykingarnar algjörlega gleymdar og grafnar og enga
bauga að sjá. Eins hallærislegt og það kann fyrst að virðast þá mæli
ég samt mjög mikið með samstilltu heilsuátaki á heimilum. Það getur
verið frábært að skella sér með betri helmingnum í ræktina, í sund og í
pottinn og eiga virkilega góðan dag saman. Við því má búast að á næstu
vikum verði blöð og tímarit uppfull af ráðum til að koma sér í form
eftir jólin, líkt og fólk hafi bætt á sig tuttugu kílóum á einni viku af
saltáti. Slíkt er væntanlega ómögulegt en ég er hins vegar fullviss um
að þegar þessir myrku og köldu vetrarmánuðir hellast yfir okkur þá er
bráðnauðsynlegt að hreyfa sig til þess að vinna bug á sleni eða mögu-
lega skammdegisdepurð fyrir þá sem þjást af henni. Smávegis heilsuá-
tak þarf heldur ekkert að kosta mikið. Farðu í sund eða út að hlaupa og
vertu duglegur að borða ferskt grænmeti og ávexti, og mundu eftir að
demba í þig D-vítamíni sem okkur Íslendinga skortir í skammdeginu!
Hið árlega heilsuátak