Fréttablaðið - 02.02.2010, Blaðsíða 2

2 2. febrúar 2010 ÞRIÐJUDAGUR
Fiskikóngurinn • Sogavegi 3 • sími 587 7755
Fiskikóngurinn • Sogavegi 3 • sími 587 7755
ANDLÁT Steingrímur Hermannsson,
fyrrverandi forsætisráðherra, lést
á heimili sínu í gærmorgun, 81 árs
að aldri. Hann fæddist í Reykja-
vík 22. júní 1928, sonur Hermanns
Jónassonar, fyrrverandi forsætis-
ráðherra og formanns Framsókn-
arflokksins, og Vigdísar Oddnýj-
ar Steingrímsdóttur, eiginkonu
hans.
Steingrímur stundaði nám í raf-
magnsverkfræði við bandaríska
háskóla og lauk M.Sc.-prófi frá
Caltech í Pasadena í Kaliforníu
árið 1952.
Steingrímur sat á Alþingi fyrir
Framsóknarflokkinn frá 1971-
1994. Hann varð dóms- og kirkju-
málaráðherra frá 1978-1979, sjáv-
arútvegs- og samgönguráðherra
frá 1980-1983, forsætisráðherra
frá 1983-1987 og aftur frá 1988-
1991 en utanríkisráðherra frá
1987-1988. Hann var formaður
Framsóknarflokksins frá 1979-
1994.
Eftirlifandi eiginkona Stein-
gríms er Edda Guðmundsdóttir.
Meðal sex barna hans er Guðmund-
ur Steingrímsson, alþingismaður
Framsóknarflokksins.
Ólafur Ragnar Grímsson for-
seti sendi frá sér samúðarkveðj-
ur í gær og minntist kynna þeirra
Steingríms þegar þeir voru sam-
herjar í ríkisstjórn. Hann sagði
það hafa verið forréttindi að hafa
fylgst með Steingrími í forsætis-
ráðherrastól og að hans verði lengi
minnst sem hugsjónamanns sem
helgaði Íslandi krafta sína. - pg
Fyrrverandi forsætisráðherra fellur frá, 81 árs að aldri:
Steingrímur Hermannsson látinn
STEINGRÍMUR HERMANNSSON Fæddist í
Reykjavík 22. júní 1928.
BANDARÍKIN Barack Obama Banda-
ríkjaforseti kynnti í gær fjárlög
sem miða við að minnka fjárlaga-
halla Bandaríkj-
anna um helm-
ing á næstu
fimm árum, að
því er Financi-
al Times greinir
frá. Í ár stefnir
í methalla upp á
1.556 milljarða
dala. Upphæðin
nemur yfir 199
þúsund millj-
örðum króna. Á næstu árum á svo
að hefja samdrátt.
„Við erum að reyna við mjúka
lendingu í fjárlagaferlinum,“ er
haft eftir Peter Orszag, fram-
kvæmdastjóra fjárlagaskrifstofu
forsetaembættisins. Samkvæmt
fjárlögunum nemur halli á þessu
ári 10,6 prósentum af landsfram-
leiðslu, en verður 3,9 prósent 2014
og 2015. - óká
Obama Bandaríkjaforseti:
Kynnir fjárlög
með methalla
BARACK OBAMA
STJÓRNMÁL Sigmundur Davíð Gunnlaugsson, for-
maður Framsóknarflokksins, er bjartsýnn á að
sest verði að samningaborðinu að nýju með Bret-
um og Hollendingum vegna Icesave. Hann telur þó
nauðsynlegt fyrsta skref að Íslendingar fái sér til
ráðslags utanaðkomandi sérfræðinga. Hann seg-
ist bjartsýnn á samstöðu innanlands, þótt fortíðin
gæti þvælst fyrir.
„Já, ég er það nú, vegna þess að þegar öllu er á
botninn hvolft hlýtur þetta að snúast um að ná sem
hagstæðustum samningum fyrir Ísland. Menn
hljóta að geta verið sammála um það. Auðvitað
getur pólitíkin hér heima flækst fyrir og fortíð
málsins gæti truflað.“
Sigmundur Davíð segist gera ráð fyrir þjóðarat-
kvæðagreiðslunni, enda sé allsendis óvíst að heim-
ild sé fyrir því að hætta við hana. Hann segir mik-
ilvægt að fá sérfræðinga í málið, það megi ekki
vera eingöngu á borði stjórnmálamanna.
„Síðast þegar ég vissi var það frágengið hver
ætti að vera milligöngumaður.“
Spurður hvort samstaða geti náðst um að Íslend-
ingar greiði lágmarkstryggingu, nokkuð sem Bret-
ar og Hollendingar hafa lagt ríka áherslu á, segist
hann telja að þrotabú bankans geti staðið undir
því. „Við höfum hins vegar ekki verið tilbúnir til
að viðurkenna lagalega skyldu til greiðslu.“ - kóp
Framsóknarflokkurinn viðurkennir ekki lagalega skyldu til greiðslu vegna Icesave:
Er bjartsýnn á nýjar viðræður
SIGMUNDUR DAVÍÐ GUNNLAUGSSON Vill erlenda sérfræðinga
til ráðslags við Íslendinga svo málið verði ekki í fangi stjórn-
málamanna. FRÉTTABLAÐIÐ/GVA
UMHVERFISMÁL Nú hafa 55 ríki
staðfest að þau muni draga
saman í losun gróðurhúsaloftteg-
unda fyrir árið 2020. Ríkin bera
ábyrgð á 78 prósent af allri losun
lofttegundanna.
Þetta er liður í eftirmálum
loftslagsráðstefnunnar í Kaup-
mannahöfn, sem haldin var í
desember. „Skuldbinding leið-
toga heims til að takast á við
loftslagsvandann er nú staðfest,“
sagði Yvo de Boer, framkvæmda-
stjóri loftslagsmála hjá Samein-
uðu þjóðunum, í gær. Hann segir
frekari aðgerða þörf til að takast
á við vandann. „En ég sé þetta
sem skýr merki um viljann til að
leiða samningaviðræður til far-
sælla lykta.“ Næstu viðræður eru
fyrirhugaðar í Bonn í maí. - kóp
Loftslagsráðstefnan:
Ríki heita sam-
drætti í losun
FJÁRMÁL Arnold Schilder, sem var
yfirmaður innra eftirlits hjá hol-
lenska seðlabankanum, segir að
Íslendingar hafi logið blákalt að
Hollendingum til að fegra stöðu
íslensku bankanna.
Þeir hefðu haldið þessu fram
jafnvel eftir fall bandaríska
bankans Lehman Brothers.
Yfirmenn íslenska seðlabank-
ans hefðu fullvissað hann og
bankastjóra hollenska seðla-
bankans um að Landsbankinn
stæði traustum fótum, þegar
þeir viðruðu áhyggjur vegna
Icesave. Ekki væri nokkur
ástæða til að hafa áhyggjur af
bankanum. - kóp
Hollenskur bankamaður:
Íslendingar
lugu að okkur
STJÓRNMÁL Ríkisstjórnin nýtur
stuðnings helmings kjósenda,
samkvæmt nýjum þjóðarpúlsi
Gallup. Það er meira en í síðasta
þjóðarpúlsi, þegar um 46 prósent
studdu ríkisstjórnina. Sjálfstæð-
isflokkurinn nýtur mests fylg-
is, 32,3 prósent hyggjast styðja
hann. Þetta kom fram í fréttum
RÚV í gærkvöldi.
Stjórnarflokkarnir njóta sama
fylgis, 25,1 prósent hyggst kjósa
Vinstri græn en 25 prósent Sam-
fylkingu. Þá mælist Framsókn-
arflokkurinn með 13,2 prósenta
fylgi. Athygli vekur að 10 prósent
aðspurðra hyggjast skila auðu í
næstu kosningum og álíka marg-
ir tóku ekki afstöðu. - kóp
Ný könnun Gallup:
Helmingur
styður stjórnina
Ferja föst í ís í sex tíma
Finnsk ferja með 850 farþega inn-
anborðs á leið yfir Kirjálabotn sat
föst í ís í sex klukkustundir áður en
hægt var að halda áfram ferðinni frá
Helsinki til Tallin í Eistlandi. Ekki urðu
skemmdir eða meiðsli á fólki.
FINNLAND
SPURNING DAGSINS
Sigurgeir, er ástandið ekki
nógu dapurt þótt við förum
ekki að leggjast í blús líka?
„Blúsinn gefur öllum lífsfyllingu og
bjartsýni sem á hlýða.“
Sigurgeir Guðmundsson, formaður
Slysavarnafélagsins Landsbjargar og
meðlimur Blúsþrjóta, tók í gærkvöld þátt
í tónleikum Blúsfélags Reykjavíkur til að
safna fé til hjálparstarfsins á Haítí.
EFNAHAGSMÁL Ef tekið er tillit til
mismunandi verðlags eru laun á
Íslandi í mörgum tilvikum nær
meðaltali Evrópusambandsríkj-
anna 27 og eru í sumum tilvikum
jafnvel lægri. Þetta kemur fram
í frétt frá Hagstofu Íslands sem
greinir frá launakönnun Hagstofu
Evrópusambandsins.
Í evrum reiknað voru laun á
Íslandi með þeim hæstu í Evrópu á
árinu 2006. „Vinnutími er að jafn-
aði langur á Íslandi miðað við ríki
Evrópusambandsins og er hlut-
fall yfirvinnu hærra á Íslandi en
í nokkru öðru landi sem könnunin
nær til. ,“ segir Hagstofan. - gar
Verðlag dregur Ísland niður:
Laun á Íslandi í
meðallagi ESB
DÓMSMÁL Ríkissaksóknari vill að
Héraðsdómur Reykjaness leggi
réttarfarssekt á tvo fréttamenn
Stöðvar 2 vegna upplýsinga sem
birtar voru úr lokuðu þinghaldi
um meint mansal á litháískri
stúlku til Íslands.
„Kolbrún Sævarsdóttir sak-
sóknari bauð mér að sektarkraf-
an yrði felld niður gegn því að við
létum hana hafa nöfn heimildar-
manna okkar. Það kom auðvit-
að ekki til greina,“ segir Óskar
Hrafn Þorvaldsson, fréttastjóri
Stöðvar 2.
Kolbrún staðfestir að hún hafi
boðist til að falla frá því að setja
fram sektarkröfuna ef Óskar upp-
lýsti um heimildarmenn Stöðvar
2. Þetta hafi hún sagt þegar Óskar
hringdi í hana eftir að hún óskaði
eftir upptökum af fréttum um
málið. „Ég sagði að þá myndi ég
ekki gera þessa kröfu. En ég veit
að sjálfsögðu ekki hvað dómarinn
myndi gera því samkvæmt lögum
getur hann lagt á réttarfarssektir
að eigin frumkvæði.“
Óskar hafði kært úrskurð dóm-
ara um að þinghaldið yrði lokað
en Hæstiréttur vísaði kærunni
frá. Ljóst er að upplýsingar frétta-
stofunnar úr þinghaldinu eru frá
einhverjum sem var viðstaddur.
Aðspurð hvort reyna eigi að finna
þann sem upplýsti Stöð 2 um það
sem fram fór í héraðsdómi segir
Kolbrún það vera í vinnslu. „En ég
veit ekki hvort það skili árangri.
Ef fréttamennirnir upplýsa ekki
um sína heimildarmenn er auðvit-
að mjög erfitt að rannsaka það,“
svarar hún.
Óskar Hrafn viðurkennir að
Stöð 2 hafi brotið gegn lögunum.
„En það var óviljandi gert og við
munum að sjálfsögðu greiða þá
sekt sem við kunnum að verða
dæmdir í. Hins vegar velti ég
fyrir mér ástæðunni fyrir þess-
um málarekstri gegn okkur. Við
birtum frétt af framburði stúlk-
unnar á þriðjudagskvöld án þess
að athugasemdir væru gerðar við
það. Á miðvikudagskvöldið birtum
við síðan frétt um að þinghaldinu
hafi verið frestað að kröfu sak-
sóknarans vegna galla í sönnun-
arfærslu hans. Strax morguninn
eftir kom þessi sektarkrafa fram.
Það skyldi þó ekki vera að sært
stolt saksóknarans vegi þyngra í
þessu máli heldur en umhyggja
hennar fyrir 11. grein laga um
meðferð sakamála?“ segir Óskar.
Kolbrún vísar á bug fullyrðing-
um Óskars um sært stolt. „Þetta
finnst mér ómálefnalegt. Ég er
einfaldlega að vinna mína vinnu,“
segir saksóknarinn sem bætir
við að eftirleiðis muni annar sak-
sóknari við embættið
fylgja sektarmál-
inu eftir.
gar@frettabladid.is
Vildi heimildarmann
gegn kröfu um fésekt
Saksóknari hjá ríkissaksóknara bauð fréttastjóra Stöðvar 2 að hætta við kröfu
um réttarfarssekt á fréttamenn sjónvarpsstöðvarinnar gegn því að hann nefndi
heimildarmenn um trúnaðarupplýsingar úr lokuðu þinghaldi í mansalsmáli.
ÓSKAR HRAFN ÞORVALDSSON Fréttastjóri Stöðvar 2 segist velta fyrir sér hvort
saksóknari reki mál gegn fréttastofunni vegna særðs stolts eftir fréttir af mistökum í
sönnunarfærslu. FRÉTTABLAÐIÐ/ANTON
KOLBRÚN SÆVARS-
DÓTTIR Saksóknari
segir vangaveltur um
sært stolt hennar
ómálefnalegar.
FRÉTTABLAÐIÐ/GVA