Fréttablaðið - 02.02.2010, Blaðsíða 28
2. FEBRÚAR 2010 ÞRIÐJUDAGUR8 ● fréttablaðið ● heilsa
Nýleg rannsókn bendir til að börn
sem eru jafnvíg á báðar hendur
séu allt að helmingi líklegri en
önnur börn til að kljást við athygl-
isbrest með ofvirkni.
Vísindamenn við Imperial Coll-
ege í London framkvæmdu rann-
sóknina á átta þúsund börnum til
að kanna hvort tengsl væru á milli
fyrrgreindra þátta, en því hefur
áður verið haldið fram að börn
sem eru jafnvíg á báðar hendur
glími til dæmis frekar við þætti
eins og lesblindu.
Rannsóknin sýndi að stór hluti
þeirra barna sem voru jafnvíg á
báðar hendur átti við námsörðug-
leika að stríða. Meðal annars áttu
þau erfiðara með að læra tungu-
mál og voru helmingi líklegri en
rétthent skólasystkini þeirra til
að kljást við athyglisbrest með of-
virkni.
Orsökina rekja vísindamenn til
starfssemi heilans. Þeim þykir þó
full ástæða til að benda á að ekki
hafi nærri öll barnanna sem eru
jafnvíg á báðar hendur glímt við
vandamál af þessu tagi. - rve
Glíma frekar við
athyglisbrest
Grunnskólabörn sem eru jafnvíg á báðar
hendur eru líklegri en skólasystkini
þeirra til að glíma við námsörðugleika.
AFP/NORDICPHOTOS
Bandaríska vefsíðan healthnews.
com birti nýlega lista yfir þau
krydd sem talið er heilsusamleg-
ast að nota í eldamennskuna. Jafn-
framt var mælt með að fólk reyndi
að bæta jurtakryddi í alla fæðu.
Það hefði þá jafnvel kryddstauk
með sér að heiman og setti krydd-
ið á skyndibitann, vegna þess að
skyndibiti og önnur tilbúin fæða
er yfirleitt án jurtakrydds.
Bæði kæmi kryddið í veg fyrir
bjúgmyndun og þembu og minnk-
uðu naslþörf til muna.
Þær kryddtegundir sem telj-
ast hvað heilsusamlegastar segir
healthnews.com vera rósmarín,
basil, kúmen og salvíu. Af öðru
kryddi sem komst á listann má
nefna oreganó og túrmerík. - jma
Hollustu kryddin
Rósmarín þykir meinhollt krydd.
● STÓRMARKAÐUR FYRIR KANNABISRÆKTENDUR Í
fjórtán hundruð fermetra verslunarhúsnæði í Oakland í Bandaríkjunum
hefur verslunin iGrow verið opnuð. Þar verður hægt að kaupa allt sem
viðkemur framleiðslu á grasi eða kannabis til læknisfræðilegra nota.
Í iGrow er ekki aðeins hægt að kaupa tækin sem þarf til framleiðsl-
unnar, á borð við áburð, vökvunartæki, ljós og viftur, heldur geta
viðskiptavinir einnig fengið leiðbeiningar um notkun, uppsetningu og
viðhald tækjanna. Að auki er læknir á staðnum sem getur útvegað svo-
kallað kannabiskort sem þarf til að fá leyfi til að rækta kannabisplöntur.
Uppátækið virðist ekki mjög umdeilt í Oakland enda mættu nokkrir
fulltrúar úr borgarráði á opnunina auk leiðtoga kannabisiðnaðarins í
Oakland en borgin er orðin þekkt fyrir baráttu fyrir notkun maríjúana í
lækningaskyni.