Fréttablaðið - 02.02.2010, Blaðsíða 41
ÞRIÐJUDAGUR 2. febrúar 2010 25
Söngkonan Beyoncé Knowles var sigurvegari
Grammy-hátíðarinnar sem var haldin hátíð-
leg í Los Angeles í 52. sinn. Hún hlaut sex
verðlaun, þar á meðal fyrir lag ársins.
Beyoncé hafði verið tilnefnd til tíu
Grammy-verðlauna og var því talin líkleg til
afreka. Hún fékk tvenn verðlaun fyrir lagið
Single Ladies (Put A Ring On It) og ein fyrir
lagið Halo. „Þetta hefur verið ótrúlegt kvöld
og mig langar að þakka Grammy-nefndinni.
Ég vil líka þakka fjölskyldu minni, þar á
meðal eiginmanni mínum. Ég elska þig,“ sagði
hún og átti þar við rapparann Jay-Z. Með
verðlaununum sex setti Beyoncé met sem sú
söngkona sem hefur hlotið flest Grammy-
verðlaun á einu kvöldi. Alls hefur hún hlotið
sextán slík verðlaun á ferlinum.
Hin tvítuga sveitasöngkona Taylor Swift
varð næsthlutskörpust með fern Grammy-
verðlaun, þar á meðal fyrir plötu ársins,
Fearless. Bar hún þar sigurorð af Beyoncé,
Black Eyed Peas, Lady GaGa og Dave Matt-
hews Band.
Þrír flytjendur fengu þrenn Grammy-verð-
laun, eða Black Eyed Peas, Jay-Z og rokkar-
arnir í Kings of Leon, sem fengu tvenn verð-
laun fyrir lagið Use Somebody. Lady GaGa
og rapparinn Eminem fengu síðan tvenn
Grammy-verðlaun, sá síðarnefndi fyrir bestu
rappplötuna, Relapse. Lady GaGa steig síðan
á svið með Elton John eins og margir höfðu
reiknað með.
Paris og Prince, börn hins sáluga Michaels
Jackson, tóku á móti verðlaunum sem faðir
þeirra fékk fyrir æviframlag sitt til tónlistar-
heimsins. „Pabbi ætlaði að koma fram á þess-
ari hátíð því hann komst ekki í fyrra,“ sagði
hin ellefu ára Paris.
Beyoncé Knowles hlaut sex Grammy
SIGURSÆL Beyoncé Knowles hlaut sex verðlaun
á Grammy-hátíðinni sem var haldin hátíðleg í Los
Angeles.
NORDICPHOTOS/GETTY
Línur eru nú farnar að skýrast
varðandi fyrstu sólóplötu Jónsa í
Sigur Rós, Go. Umslagið hefur litið
dagsins ljós. Það er eftir systur
Jónsa, þær Ingu og Lilju Birgis-
dætur. Platan átti upphaflega að
koma út í lok mars, en nú er stað-
festur útgáfudagur 5. apríl. Níu
lög eru á plötunni en aðeins eitt
hefur heyrst til þessa, „Boy Lilik-
oi“. Það gefur fyrirheit um að plat-
an sé léttari og poppaðri en tónlist
Sigur Rósar. Sjálfur segir Jónsi að
innihaldið sé „svaka popp“. Fyrsta
myndbandið við lag af plötunni
fer í umferð nú í vikunni. Mynd-
bandið er við lagið „Go do“ og Árni
og Kinski leikstýrðu því. Upp-
tökur á myndbandinu fóru fram
á Íslandi á milli jóla og nýárs. Þá
ætlar Jónsi að leggjast í yfirgrips-
mikla tónleikaferð. Hún hefst í
Bandaríkjunum í apríl. Fyrirtæk-
ið 59 productions mun hanna og
útfæra sviðsmyndina í samvinnu
við Jónsa. Stefnt er að miklu sjón-
arspili og er hugmyndin sú að leik-
hús og tónleikar mætist á nýjan og
spennandi hátt. Þeir sem bjuggust
við að sjá Jónsa einan með kassa-
gítarinn verða því fyrir vonbrigð-
um. - drg
Jónsi í start-
holunum
UMSLAG GO Allt að gerast hjá Jónsa.
Jóhannes Steinn Jóhannesson,
matreiðslumeistari á veitinga-
staðnum VOX, tók þátt í hinni
árlegu kokkakeppni Nordic Chef
of the Year sem fram fór í Hern-
ing í Danmörku á miðvikudag.
Tíu kokkar tóku þátt í keppninni
og lenti Jóhannes Steinn í fjórða
sæti. „Þetta er ein erfiðasta
kokkakeppni í heimi og eru það
kokkar ársins frá hverju landi
sem taka þátt. Mér gekk ekki
nógu vel því ég lenti í tímahraki
með aðalréttinn,“ segir Jóhannes,
sem var valinn matreiðslumeist-
ari ársins 2009, annað árið í röð.
Þátttakendur fengu að sjá hrá-
efnið sem nota átti kvöldið fyrir
keppnina sjálfa og fengu svo
þrjár klukkustundir til að bera
fyrsta réttinn fram fyrir dómara
og eina klukkustund fyrir hvorn
rétt eftir það.
„Þetta var mjög erfitt og mikið
stress. Mér gekk mjög vel með
forréttinn og desertinn en lenti
aftur á móti í tímahraki með
aðalréttinn og það dró mig niður
sem var svolítið sárt. Þetta er
mjög hörð samkeppni enda eru
Norðurlöndin þau sterkustu á
sviði matreiðslu í dag og ég tel
að við séum löngu komin fram úr
Frökkunum. Þróunin á Norður-
löndunum er mjög hröð og mikið
af spennandi hlutum að gerast
hér á meðan Frakkar hafa staðið
svolítið í stað,“ segir Jóhannes að
lokum. - sm
Norðurlönd-
in í sérflokki
EFNILEGUR KOKKUR Jóhannes Steinn
Jóhannesson keppti fyrir hönd Íslands í
hinni árlegu kokkakeppni Nordic Chef of
the Year. FRÉTTABLAÐIÐ/GVA