Fréttablaðið - 08.02.2010, Blaðsíða 26
8. FEBRÚAR 2010 MÁNUDAGUR6 ● fréttablaðið ● framadagar
Kristín Halldórsdóttir, verk-
efnastjóri hjá Evrópumiðstöð
Impru, telur að samstaða verði
að ríkja meðal manna eigi
þjóðin að geta unnið sig úr
þeirri lægð sem hún er í.
„Það þarf að vera samstaða í því
að endurreisa þjóðina og við þurf-
um að reyna að nýta þá krafta
sem við eigum bæði í okkur sjálf-
um og í jörðinni. Einnig er mikil-
vægt að endurskoða þau gildi sem
hér ríkja. Ég tel að ef við hefð-
um haft heiðarleikann meira í
frammi þá hefðu sumir hlutir ef
til vill ekki gerst. Heiðarleiki ætti
að vera númer eitt í framtíðinni,
bæði í viðskiptum og almennum
samskiptum,“ segir Kristín, sem
starfar sem verkefnastjóri hjá
Impru. Impra er deild innan Ný-
sköpunarmiðstöðvar Íslands sem
veitir litlum og meðalstórum fyrir-
tækjum leiðsögn auk þess að vera
vettvangur samstarfs íslenskra og
erlendra frumkvöðla.
Aðspurð segir Kristín það vera
samfélagslega ábyrgð fyrirtækja í
landinu að styðja við ungt mennta-
fólk sem komi út á vinnumarkað-
inn, en bætir við að það geti reynst
mörgum erfitt í þessu árferði. „Ís-
lensk fyrirtæki ættu að gera það
sem þau geta til að styðja við
bakið á ungu menntafólki. Fólk og
fyrirtæki hafa þó verið að draga
saman seglin undanfarið sem
gerir mörgum erfiðara um vik að
styðja við þetta unga fólk. Ég tel
þó mikilvægt að hlúa að mann-
auð og menntun í landinu því við
megum alls ekki við því að missa
ungt, menntað fólk úr landi og um
leið alla þá þekkingu sem það býr
yfir.“
Hlutverk Nýsköpunarmiðstöðvar
Íslands er meðal annars að hvetja
til nýsköpunar og efla framgang
nýrra hugmynda innan atvinnulífs-
ins. Kristín segir Nýsköpunarmið-
stöð gera mikið til að aðstoða frum-
kvöðla í landinu og segir mikilvægt
að konur láti meira til sín taka á því
sviði, en þær eru aðeins 25 prósent
frumkvöðla. Í Noregi er þessi tala
töluvert hærri eða um 40 prósent.
Kristín er bjartsýn á framtíðina
og telur að með góðri samstöðu ætti
þjóðin að ná að vinna sig upp úr
þeim erfiðleikum sem hún býr við
á næstu fjórum árum. „Við erum
pínulítil miðað við önnur lönd en
þrátt fyrir það höfum við alla burði
til að vera þjóð meðal þjóða. Nú
þurfum við bara að spýta í lófana
og fá fólk til að treysta okkur aftur.
Menn hafa spáð því að botninum sé
náð og ég reikna með að við verð-
um komin á gott ról á ný eftir þrjú
til fjögur ár.“ - sm
Samstaða er nauðsynleg
Kristín Halldórsdóttir, verkefnastjóri hjá Evrópumiðstöð Impru, segir að hér verði að ríkja samstaða eigi Ísland að geta rétt úr kútnum.
JCI hreyfingin hefur lengi verið
þekkt fyrir að byggja upp einstakl-
inga en Tryggvi Freyr Elínarson
er meðlimur í JCI og jafnframt
ráðgjafi hjá Góðu vali. Tryggvi
heldur fyrirlestur á Framadög-
um um hvernig hægt er að fá sem
mest út úr starfsviðtali.
Tryggvi segir að fæstir átti
sig á að atvinnuviðtalið skipti oft
meira máli en atvinnuumsókn-
in sjálf og þar skiptir allt máli,
alveg frá því hvernig við klæð-
um okkur og upp í það hvað við
segjum.
„Fólk er mjög oft upptekið af
því hvernig það útbýr ferilskrána
en gleymir því um leið hvað fram-
koman í atvinnuviðtalinu sjálfu
skiptir miklu máli. Klæðaburð-
ur skiptir þar miklu máli og gott
er að muna að auðveldara er að
klæða sig niður þegar mætt er á
staðinn með því að losa um bind-
ið en þurfa að klóra sig úr því
að mæta í joggingbuxum,“ segir
Tryggvi.
„Mikilvægt er að mæta líka
með fulla vasa af sjálfstrausti. Þar
kemur líkamsbeiting líka sterkt
inn en líkaminn segir oft miklu
meira en fólk gerir sér grein fyrir,“
segir Tryggvi en hann kennir fólki
einnig líkamsbeitingu sem getur
kallað fram jákvæð viðbrögð hjá
vinnuveitanda.
Ástæðuna fyrir því að fólk
klúðrar atvinnuviðtali má þó oftar
en ekki rekja til þess að fólk passar
sig ekki að vera heiðarlegt. „Sann-
leikurinn er það sem gildir, því
svo fær vinnuveitandinn kannski
aðrar upplýsingar frá meðmælend-
um.“ Fyrirlestur Tryggva hefst í
Háskólabíó klukkan 12.45. Áhuga-
samir geta skráð sig á www.frama-
dagar.is - jma
Heiðarleiki skiptir miklu máli
Auðvelt er að klúðra starfsviðtölum að sögn Tryggva Freys Elínarsonar leiðbeinanda
hjá JCI. Hann heldur fyrirlestur um starfsviðtöl á Framadögum. FRÉTTABLAÐIÐ/STEFÁN
Kemur út fimmtudaginn
11. febrúar
Fermingarföt
Auglýsendur vinsamlegast
hafið samband:
Hlynur Þór
• hlynurs@365.is
• sími 5125439
Sérblað Fréttablaðsins
Orkurannsóknarsjóður Landsvirkjunar veitir styrki fyrir 55
milljónir í ár. Annars vegar styrkir sjóðurinn verkefni til um-
hverfis og orkurannsókna og hins vegar veitir sjóðurinn náms-
styrki.
„Þetta er í þriðja sinn sem úthlutað er úr sjóðnum og í fyrsta
skipti sem úthlutað verður á Framadögum,“ útskýrir Óli Grétar
Sveinsson, framkvæmda-
stjóri rannsókna hjá
Landsvirkjun. Hann segir
sjóðinn hafa styrkt marg-
vísleg verkefni undanfar-
in ár og nefnir sem dæmi
leiser mælingar á yfir-
borði jökla, verkefni á
sviði jarðhitarannsókna
á Kröflusvæðinu og einn-
ig hefur sjóðurinn styrkt
rannsóknir á urriðastofn-
inum í Þingvallavatni.
Námsstyrkirnir eru
veittir þeim nemendum
sem hafa staðið sig vel og
eru á leið í framhaldsnám
eða eru nú þegar í fram-
haldsnámi. Þeir styrkir
eru ekki háðir neinum framvinduskilum en þeir sem þiggja verk-
efnastyrkina þurfa að sýna fram á framvindu verkefnisins. Sjóð-
urinn hefur úr 55 milljónum að spila í ár og munu 10 milljónir
verða veittar í námsstyrki og 45 milljónir í verkefnastyrki. Æski-
legt er að umsækjendur verkefnisstyrkja leggi til 50 prósent í
sjálfaflað fé en hver umsókn er metin fyrir sig.
Stjórn sjóðsins er skipuð einum aðila frá hverjum háskóla en
stjórnarformaður sjóðsins er Sveinbjörn Björnsson fyrrverandi
rektor Háskóla Íslands. Auk þess sitja tveir aðilar frá Lands-
virkjun í stjórninni.
Fólk sendir inn tillögu að verkefnum á sviði umhverfis og
orkurannsókna og er umsóknarformið að finna á vefsíðu Lands-
virkjunar, www.landsvirkjun.is. - rat
Tugir milljóna í styrki
Námsstyrkirnir eru veittir þeim nemendum
sem hafa staðið sig vel og eru á leið í fram-
haldsnám eða eru nú þegar í framhalds-
námi.
FRÉTTA
BLA
Ð
IÐ
/G
VA