Fréttablaðið - 08.02.2010, Blaðsíða 27
MÁNUDAGUR 8. FEBRÚAR 2010 7framadagar ● fréttablaðið ●
„Nánast allt okkar starfsfólk er háskólamenntað og við vilj-
um vera í góðum tengslum við háskólaumhverfið,“ útskýrir
Bergþóra Hrund Ólafsdóttir, mannauðsstjóri hjá Betware,
en fyrirtækið hefur tekið þátt í Framadögum í nokkur ár.
Betware sem er íslenskt hugbúnaðarfyrirtæki í leikja-
iðnaðinum var stofnað út frá Margmiðlun árið 1997. Hjá því
vinna um 100 manns, flestir hér á landi en fyrirtækið er
með útibú í Póllandi, Danmörku, Kanada og á Spáni.
„Við sjáum um hugbúnað fyrir lottó og þjónustum ríkis-
lottóin eins og Danske spil og lottóið á Spáni. Flestir okkar
starfsmanna koma úr tölvunarfræði en við höfum líka ráðið
inn iðntæknifræðinga, verkfræðinga og viðskiptafræðinga
og einnig fólk með mastersgráðu í verkefnastjórnun. Eins
hafa háskólanemar unnið verkefni hjá okkur, bæði stutt
verkefni og lokaverkefnin sín og oft verið þá ráðnir í vinnu
í framhaldinu.“
Spurð hvort fyrirtækið muni halda áfram þátttöku á
Framadögum segir hún það öruggt. „Já, alveg tvímæla-
laust því þarna er væntanlegt starfsfólk. Við höfum góða
reynslu af þátttökunni og viljum að nemendurnir kynnist
fyrirtækinu og við nemendum.“
- rat
Tengsl við háskólana
Bergþóra Hrund Ólafsdóttir, mannauðsstjóri hjá Betware, segir fyrir-
tækið vilja góð tengsl við háskólaumhverfið. FRÉTTABLAÐIÐ/GVA
„Actavis hefur tekið þátt í Framadögum frá árinu 2001 enda
teljum við mikilvægt að vera í góðum tengslum við háskóla-
samfélagið,“ úrskýrir Erla Hrönn Diðriksdóttir, starfsmanna-
stjóri hjá Actavis, en um fimmtíu prósent starfsfólks Actavis
eru háskólamenntuð. „Þarna gefst okkur gott tækifæri til þess
að kynna fyrirtækið fyrir háskólanemum og við finnum alltaf
fyrir fjölgun á starfsumsóknum í kjölfarið á Framadögum.“
Erla segir fyrirtækið hafa ráðið töluvert af fólki undan-
farið og þá aðallega einstaklinga með raunvísinda-, lyfja-
fræði-, viðskiptafræði- og verkfræðimenntun. „Fólk leggur
inn umsóknir hjá okkur í gegnum heimasíðuna okkar, bæði
sumarstörf og framtíðarstörf og við förum alltaf í gegn-
um gagnagrunninn þegar við hefjum ráðningarferilinn.
Við fáum einnig óskir um að koma að samstarfsverkefnum
og höfum við reynt að verða við þeim. Í fyrra fundum við
reyndar fyrir mjög auknum áhuga á slíkri verkefnavinnu og
því einblínum við nú á meistaranema. Það er alltaf gaman
að sjá hvað kemur út úr þessum verkefnum.“
Erla segir ávinning fyrirtækisins mikinn af þátttöku í
Framadögum og telur víst að Actavis taki áfram þátt. „Við
munum að sjálfsögðu halda áfram eins og undanfarin níu
ár.“ - rat
Tækifæri til kynninga
Erla Hrönn Diðriksdóttir, starfsmannastjóri hjá Actavis, segir starfum-
sóknum alltaf fjölga eftir Framadaga. FRÉTTABLAÐIÐ/GVA
„Við höfum tekið þátt í Frama-
dögum í nokkur ár aðallega til
að vera sýnileg á markaðnum
og fá inn besta fólkið,“ segir
Rögnvaldur Rögnvaldsson,
markaðsstjóri hjá Deloiette.
Deloiette er eitt af stærstu
endurskoðunarskrifstofum
landsins en það starfar undir
alþjóðlegu merki Deloiette og
í heildina vinna 168.000 sér-
fræðingar hjá fyrirtækinu í
yfir 140 löndum. „Á Íslandi
erum við um 210 manns. Höf-
uðstöðvarnar eru í Turninum
og svo erum við með útibú
um allt land. Við viljum nota
Framadaga til að kynna okkur
sem gott fyrirtæki og að hér
sé gott að vinna.“
Rögnvaldur segir Frama-
daga gott tækifæri fyrir há-
skólanema að kynna sér
möguleikana á atvinnumark-
aði og eins fyrir fyrirtæki að
kynna sína starfsemi. „Þarna koma mörg fyrirtæki fram og
krakkarnir geta labbað á milli og leitað sér upplýsinga. Við
hjá Deloiette höfum alltaf fengið mikið af fyrirspurnum en
getum því miður ekki ráðið alla. Við geymum þó ferilskrárn-
ar og ég veit mýmörg dæmi þess að við höfum ráðið einhvern
inn sem hefur haft samband eftir Framadaga. Það eru mikið
til viðskiptafræðingar á reikningsskilasviði sem við ráðum
inn en svo erum við einnig í fjármálaráðgjöf og ráðum inn
hagfræðinga, tölvunarfræðinga og lögfræðinga.“
Rögnvaldur segir fyrirtækinu berast margar fyrirspurn-
ir í sambandi við verkefnavinnu innan þess og vel sé tekið í
þær fyrirspurnir. „Við höfum unnið fjölmörg slík verkefni.
Ég hef meðal annars verið að aðstoða krakka bæði í HÍ og
HR og það er skemmtileg vinna. Við höfum einnig ráðið fólk
inn í vinnu í framhaldi af slíkri verkefnavinnu.“ - rat
Viljum vera sýnileg
Rögnvaldur Rögnvaldsson, mark-
aðsstjóri Deloiette, segir fyrirtæk-
ið vilja vera sýnilegt á markaðn-
um með þáttöku í Framadögum.
MYND/BÁRA KRISTINSDÓTTIR
Kynning um Færeyjar í Kringlunni 19. til 20. febrúar.
atlantic.foVIÐ FLJÚGUM MEÐ ÞIG Á ÁFANGASTAÐ
Færeyjar eru 18 stórkostlegar eyjar sem bjóða upp á fjölbreytileika
og óvænt ævintýri. Færeyingar eru þekktir fyrir gestrisni sína og þar
er þægilegt og afslappandi andrúmsloft.
REYKJAVÍK – FÆREYJAR
Flogið er tvisvar í viku milli
Reykjavíkurflugvallar og
Færeyja.