Fréttablaðið - 08.02.2010, Blaðsíða 41

MÁNUDAGUR 8. febrúar 2010 21
NÝTT! MARGFALDUR ÁVINNINGUR FYRIR KYLFINGA
KORTHAFAR PREMIUM ICELANDAIR AMERICAN
EXPRESS GREIÐA EKKERT ÁRGJALD Í ICELANDAIR
GOLFERS
ICELANDAIR GOLFERS
Félagar í klúbbnum njóta ýmissa hlunninda og fríðinda:
• Ekkert gjald er tekið fyrir golfsett í áætlunarflugi Icelandair
• 2.500 Vildarpunktar
• 2.000 króna gjafabréf í Saga Shop
• 100 æfingaboltar í Básum
PREMIUM ICELANDAIR AMERICAN EXPRESS
Greiðslukort sem veitir margföld hlunnindi á við venjuleg
greiðslukort og margborgar sig að nota bæði hér heima
og í golfferðum erlendis.
Meðal fríðinda Premiumkortsins má nefna:
• Ókeypis aðild að Icelandair Golfers
• 15 Vildarpunktar af hverjum 1.000 kr. af öllum færslum
kortsins heima og erlendis
• 20 Vildarpunktar af hverjum 1.000 kr. af öllum keyptum
miðum og um borð hjá Icelandair
• Frítt bílastæði við Leifsstöð þegar flogið er með Icelandair
• Aðgangur að flýtiinnritun í Leifsstöð
• Viðbótarfarangursheimild
• Aðgangur að betri stofu Icelandair í Leifsstöð
• 10.000 Vildarpunktar við fyrstu notkun kortsins
SLÁÐU HOLU Í HÖGGI OG FÁÐU ÞÉR PREMIUM
Þú getur sótt um Premium Icelandair American
Express á Icelandairgolfers.is
FRJÁLSÍÞRÓTTIR Meistaramót Íslands
í frjálsíþróttum tókst ágætlega
upp þrátt fyrir að engin Íslands-
met hefðu verið sett en þónokkur
aldursflokkamet voru slegin. ÍR
gjörsigraði í sameiginlegri stiga-
keppni á MÍ.
Það var strax ljóst eftir fyrsta
keppnisdag að ÍR myndi fara með
sigur af hólmi í sameiginlegri
stigakeppni á MÍ um helgina, sér-
staklega var ÍR með mikla yfir-
burði í kvennaflokki en baráttan
var jafnari í karlaflokki. Svo fór að
FH náði með góðum keppnisdegi
í gær að vinna í karlaflokki með
12.023 stig en ÍR vann í kvenna-
flokki með 18.608 stig. ÍR vann
svo í sameiginlegri stigakeppni
með 30.327 stig, Fjölnir varð í öðru
með 18.459 stig og FH í þriðja með
15.818 stig.
Óðinn Björn Þorsteinsson úr FH
fékk svo sérstök heiðursverðlaun
fyrir afrek sitt í kúluvarpi þar sem
hann kastaði kúlunni 18,21 metra
en Helga Margrét Þorsteinsdótt-
ir úr Ármanni var heiðruð fyrir
afrek sitt í 400 metra hlaupi þar
sem hún hljóp á 88,52 sekúndum.
Meðal annarra afreka um helg-
ina má nefna að Þorsteinn Ingvars-
son úr HSÞ vann langstökkkeppni
karla þegar hann stökk 7,35 metra
en Kristinn Torfason úr FH varð
annar en hann stökk 7,13 metra.
Óli Tómas Freysson úr FH gerði
sér lítið fyrir og vann bæði í 60
metra hlaupi og 200 metra hlaupi
og Ásdís Hjálmsdóttir úr Ármanni
vann í kúluvarpi og langstökki án
atrennu sem var aukagrein á mót-
inu að þessu sinni. Ásdís gerði sér
einnig lítið fyrir og komst í úrslitin
í 60 metra hlaupi sem verður að
teljast fínn árangur hjá þessum
fjölhæfa spjótkastara.
Þá sýndi gamli refurinn Sigur-
björn Árni Arngrímsson úr HSÞ
einnig góða takta en hann vann
sigur í bæði 1.500 metra og 3.000
metra hlaupi.
ÍR kórónaði svo góða helgi hjá
sér með því að vinna 4x400 metra
hlaup í bæði karla og kvenna-
flokki. - óþ
Meistaramót Íslands í frjálsíþróttum fór fram um helgina í Laugardalnum:
Engin Íslandsmet voru sett
Á FLUGI Þorsteinn Ingvarsson úr HSÞ stóð sig vel um helgina og vann í langstökki
þegar hann stökk 7,35 metra. FRÉTTABLAÐIÐ/ANTON
FRJÁLSÍÞRÓTTIR Helga Margrét
Þorsteinsdóttir úr Ármanni
fór mikinn um helgina
en hún vann bæði í 400
metra hlaupi og 800
metra hlaupi en varð
að sætta sig við silfrið í
kúluvarpi.
„Það gekk mjög vel hjá
mér í 400 metra hlaupinu
þar sem ég náði að bæta
mig og ég var að sama
skapi mjög ánægð með
800 metra hlaupið en ég
var ógeðslega óánægð
með kúluna. Það gekk
hreinlega ekkert upp hjá
mér þar. En miðað við
það sem á undan er gengið
þá er ég mjög sátt,“ sagði
Helga Margrét við Frétta-
blaðið í gær en hún hefur
átt við meiðsli að stríða.
„Ég er ekkert búin að vera að
æfa eins og ég vildi vegna meiðsla
og hef bara verið að hlaupa í
sundlaug og gera styrktaræf-
ingar. Það hefur samt greini-
lega skilað sér. Ég fer reynd-
ar í sprautu á morgun og verð
í kjölfarið að hvíla í einhverjar
tvær vikur. Vonandi næ ég þá
að losna við þessi meiðsli sem
hafa verið að plaga mig því
ég þarf að geta farið að
æfa eitthvað af viti ef ég
ætla að geta eitthvað
næsta sumar,“ segir
Helga Margrét á
léttum nótum. - óþ
Helga Margrét kemur sterk til baka eftir meiðsli:
Ánægð með bætingu
HELGA MARGRÉT Var
öflug á MÍ um helg-
ina. FRÉTTABLAÐIÐ/ANTON