Fréttablaðið - 10.02.2010, Blaðsíða 15

MIÐVIKUDAGUR 10. febrúar 2010 15
GROUP
HANNYRÐIR Á Siglufirði er í gangi óvenju-
legt prjónaverkefni en listakonan Fríða Björk
Gylfadóttir stendur fyrir því að prjónaður sé
17 kílómetra langur trefill, sem ná á frá miðbæ
Siglufjarðar yfir í miðbæ Ólafsfjarðar, og er
þá jafnlangur jarðgöngum þeim sem þar munu
koma á milli.
„Ég fékk þessa hugmynd í tengslum við
vígslu ganganna nú í haust en trefillinn á að
vera táknræn tenging á bæjarfélögunum, þar
sem þau eru tengd saman á einkar hlýlegan
hátt,“ segir Fríða Björk en um áttatíu manns,
frá tuttugu stöðum, hafa hjálpað til við prjóna-
skapinn undanfarið.
Lagt er upp með að göngin milli Ólafsfjarð-
ar og Siglufjarðar verði vígð í september og
Fríða Björk segist vera orðin bjartsýn á að
hægt verði að ljúka við trefilinn fyrir þann
tíma. „Nú á þremur vikum erum við komin með
178,59 metra og það er prjónað úti um allt. Við
höfum komið garni og prjónum fyrir á biðstof-
um lækna, hárgreiðslustofum, kaffistofum fyr-
irtækja og fleiri stöðum hér í bænum og allir
eru hvattir til að prjóna. Svo fáum við bútana
til okkar og þeir eru saumaðir saman.“
Hvernig treflinum sjálfum verður svo komið
fyrir er enn í þróun en Fríða Björk segir að
sú hugmynd hafi meðal annars komið upp að
leggja trefilinn hreinlega eftir veginum, en það
eigi allt eftir að koma betur í ljós. Hægt er að
fylgjast með framgangi verkefnisins á vefsíð-
unni www.frida.is. - jma
Siglfirðingar taka sér óvenjulegt verk fyrir hendur og prjóna sautján kílómetra langan trefil:
Trefillinn jafnlangur jarðgöngunum
ALLUR BÆRINN AÐ PRJÓNA Fríða Björk Gylfadóttir með
það sem búið er að prjóna af treflinum sem stefnt er á
að verði jafnlangur og jarðgöngin milli Ólafsfjarðar og
Siglufjarðar. MYND/ÚR EINKASAFNI
LANDBÚNAÐUR Evrópusambandið
(ESB) hefur tekið gilda rafræna
hestapassa sem Bændasamtök
Íslands hafa komið á fót í sam-
starfi við Alþjóðasamtök íslenska
hestsins. Skráning gagnabank-
ans er á www.worldfengur.com,
eða WF.
„Tekið skal fram að engin for-
dæmi eru fyrir rafrænum hesta-
passa innan ESB og því má segja
að WF ryðji brautina,“ segir á vef
Matvælastofnunar. Þar kemur
fram að mikið hagræði fylgi raf-
rænu skráningunni, en krafist sé
nákvæmra gagna við útflutning
hrossa og hrossakjöts til Evrópu-
landa. Bent er á að útflutnings-
verðmæti hrossakjöts hafi verið
um 200 milljónir árið 2008, auk
þeirra umsvifa sem slátrun og
vinnsla skapi hér á landi. - óká
Hestar og hrossakjöt:
Rafræn skrán-
ing brýtur blað
HROSS Lyfjanotkun sex mánuði aftur í
tímann er á meðal upplýsinga í rafræn-
um hestapössum. FRÉTTABLAÐIÐ/GVA
IÐNAÐUR Eitt stærsta rútufyrir-
tæki Norðurlanda, Tide Buss, er
sagt spara sér háar fjárhæðir í
eldsneytiskaupum með því að nýta
sér íslenskt hugvit.
Í tilkynningu SAGAsystem
kemur fram að flotastýringar-
kerfi fyrirtækisins hafi verið
komið fyrir í tæplega 100 nýjum
rútum Tide Buss sem teknar séu í
notkun í byrjun þessa árs. „Samn-
ingar eru í undirbúningi um að
selja SAGA-kerfið í alla þrettán
hundruð farþegabíla fyrirtækis-
ins í Noregi og Danmörku, en slíkt
myndi nærri tvöfalda veltu þessa
íslenska hátæknifyrirtækis,“
segir í tilkynningunni. - óká
Tide Buss í Noregi:
Spara olíu með
íslensku hugviti
DÓMSMÁL Karlmaður á sjötugs-
aldri hefur verið dæmdur í átta
mánaða skilorðsbundið fangelsi og
til að greiða 35 milljónir króna í
sekt til ríkissjóðs vegna stórfellds
skattalagabrots.
Hann taldi fram of lágar tekjur
í rekstri sínum árin 2003-2005 og
skilaði því ekki virðisaukaskatti
eins og honum bar. Auk þess var
hann sakfelldur fyrir að skila virð-
isaukaskattsskýrslum of seint.
Maðurinn rak veitingahúsið
Lundann í Vestmannaeyjum þegar
formleg rannsókn skattrannsókn-
arstjóra hófst í maí 2006. Náði
rannsóknin til rekstraráranna
2003-2005. - jss
Stórfellt skattalagabrot:
Dæmdur í 35
milljóna sekt
UTANRÍKISMÁL Ólafur Ragnar
Grímsson, forseti Íslands, fund-
aði í gær með nýjum sendiherra
Austurríkis, dr. Daniel Krumholz.
Við það tækifæri afhenti sendi-
herrann nýi trúnaðarbréf sitt á
Bessastöðum. „Rætt var um Evr-
ópumótið í handbolta sem hald-
ið var í Austurríki, möguleika á
samvinnu á sviði hreinnar orku í
Mið- og Austur-Evrópu, samstarf
Íslands og Austurríkis á alþjóða-
vettvangi sem og viðhorf Aust-
urríkis til umsóknar Íslands um
aðild að Evrópusambandinu,“
segir í tilkynningu forsetaemb-
ættisins. - óká
Forsetinn og sendiherrann:
Ræddu hand-
bolta og ESB