Fréttablaðið - 10.02.2010, Blaðsíða 27
MIÐVIKUDAGUR 10. FEBRÚAR 2010 7farið á fjöll ● fréttablaðið ●
Helga Björnsdottir, laganemi á
þriðja ári við Háskóla Íslands,
stundar áhugaverða vinnu með-
fram skóla. Hún sér um heilt fyrir-
tæki með svokölluð minicards, en
það eru auglýsingar í nafnspjalda-
formi sem liggja frammi í þar til
gerðum stöndum á hótelum og
gistiheimilum um allt land.
„Mamma og pabbi vinna bæði
í ferðaþjónustu, mamma er flug-
freyja og pabbi er með flugrekst-
ur í Danmörku. Árið 2003 vorum
við stödd í Hollandi og sáum stand
með minicards í anddyrinu á einu
hótelanna. Okkur þótti þetta snið-
ugt og pabbi náði sambandi við
mennina sem stofnuðu þetta og
komst að því að fyrirtækið var
rétt í burðarliðnum,“ segir Helga
um upphaf minicards-ævintýris
fjölskyldunnar. Foreldrar henn-
ar fengu leyfi fyrir rekstri mini-
cards hér á landi og sáu um rekst-
urinn til að byrja með. „Síðan þá
hefur þessi hugmynd breiðst út
um allan heim, allt til Abu Dabi
og New York. Þetta er eitthvað
sem allir ferðamenn þekkja,“
segir Helga og bætir við að þessi
kort henti sérlega vel á Íslandi
þar sem ferðamenn vilji nýta sér
allt sem er í boði.
Helga hefur hjálpað móður
sinni við reksturinn frá upphafi
en tók nýlega alveg við honum.
Hún segir meira en nóg að gera
hjá sér við að selja auglýsingar og
dreifa kortunum á rétta staði. „Að
selja auglýsingar er líka mjög góð
æfing fyrir mig sem verðandi lög-
fræðing. Þannig get ég æft mig í
að sannfæra fólk,“ segir hún og
hlær. - sg
Rekur minicards og
stundar laganám
Helga við einn af stöndunum sem hún sér um. Þessi er á Plaza-hótelinu en í standin-
um eru auglýsingar frá fjölbreyttum fyrirtækjum. FRÉTTABLAÐIÐ/PJETUR
Hópur hreyfimyndagerðarmanna
vinnur nú hörðum höndum að því
að koma íslenskum þjóðsögum í
hreyfimyndaform. „Þetta verð-
ur samansafn fimm til sex stutt-
mynda sem allar byggjast á gömlu
íslensku þjóðsögunum, flestar tví-
víðar en aldrei að vita nema ein-
hverjar brúðumyndir fljóti með,“
segir Þórey Mjallhvít Heiðar- og
Ómarsdóttir, ein af hreyfimynda-
gerðarmönnunum sem standa að
verkefninu.
Að sögn Þóreyjar er hugmynd-
in sú að hver hreyfimyndagerðar-
maður leikstýri minnst einni stutt-
mynd. „Þannig höfum við frjálsar
hendur með túlkun á verkunum
og því má búast við mjög ólíkum
myndum, sem er alveg eins og í
gamla daga þegar hver sögumaður
setti sinn svip á sögurnar,“ segir
Þórey, sem ætlar sjálf að gera sög-
unni Mín hefur augu og mitt hefur
nef skil. „Þetta er mjög skemmti-
leg saga eins og þeir vita sem til
þekkja og hentar vel til mynd-
rænnar útfærslu.“
Þórey segir stefnt að því að
klára verkið á næstu tveimur árum
ef allt gangi eftir. „Þessa daga
erum við á kafi í hugmyndavinnu
en svo veltur framvindan auðvitað
á allri fjármögnun,“ segir hún.
Þjóðsögur í nýju ljósi
Viðbúið er að myndirnar verði ólíkar
en þær verða þó allar á bilinu 4-6
mínútna langar að sögn Þóreyjar,
sem sést hér til vinstri ásamt
samstarfskonu sinni, Ingu
Maríu Brynjarsdóttur. Aðrir í
hópnum eru Hermann Karls-
son, Gísli Darri Halldórsson
og Hlín Davíðsdóttir.
Álafossvegi 23, Mosfellsbæ
Sími: 566 6303
Opið:
Mánudaga til föstudaga: 9:00 - 18:00
og laugardaga 9:00 - 16:00 www.alafoss.is
Síðan 1896Álafossvegi 23, Mosfellsbæ Sími: 566 6303
Opið:
Mánudaga til föstudaga: 9:00 - 18:00
og laugardaga 9:00 - 16:00 www.alafoss.is
www.boddabiti.is
Pöntunarsími
616 1299