Fréttablaðið - 23.02.2010, Blaðsíða 34

23. FEBRÚAR 2010 ÞRIÐJUDAGUR14 ● fréttablaðið ● fermingar
Fermingin er ein af stærri tíma-
mótunum í lífi okkar. Það hefur
þótt tilheyra að gefa ferm-
ingarbarninu gjafir þennan
dag og hafa foreldrar gjarnan
notað tilefnið og gefið barninu
eitthvað sem muni nýtast því.
Fermingargjöfin er oft því í
veglegri kantinum frá pabba
og mömmu.
Gegnum áratugina hafa tískusveifl-
ur sett mark sitt á fermingargjaf-
irnar eins og gengur. Þó eru gjafir
sem hafa staðist allar tískusveiflur
eins og Biblían, orðabækur og rit-
söfn eins og Íslendingasögur, skart-
gripir handa stúlkunni og eins hafa
piltarnir oft fengið sína fyrstu rak-
vél í fermingargjöf.
Á fyrstu áratugum tuttugustu
aldar voru jafnvel gervitennur al-
gengar fermingargjafir, einfald-
lega vegna þess að tennur barna
voru oft orðnar svo skemmdar á
unglingsárum að skipta þurfti um.
Armbandsúr voru vinsæl ferm-
ingargjöf um miðja 20. öldina og
voru þá vönduð úr sem enst hafa
jafnvel til dagsins í dag.
Húsgögn hafa einnig verið vin-
sæl fermingargjöf og voru tekk-
kommóður gjarnan gefnar á sjö-
unda og áttunda áratugnum. Svefn-
sófar með rúmfatahirslu undir voru
allsráðandi á níunda áratugunum
og þá voru líka hljómflutnings-
tæki sérstaklega vinsæl.
Á níunda áratugnum var
einnig vinsælt að gefa nám-
skeið eins og tungumálaskóla í
útlöndum og fór þá fermingar-
barnið utan í eina til tvær vikur,
oft í fyrstu utanlandsferðina.
Tölvur urðu vinsælar ferm-
ingargjafir seint á tíunda ára-
tugnum og um aldamótin.
Farsímar, DVD-spilarar, flat-
skjáir og gjafabréf í verslanamið-
stöðvar hafa verið algengar ferm-
ingargjafir síðustu ár. Upphæð
gjafabréfsins hefur verið frá tug
þúsunda króna og upp í jafnvel
hundruð þúsunda króna. - rat
Gjafirnar í gegnum árin
Orðabækur hafa
verið vinsælar
fermingargjafir og
þótt fermingarbarninu
finnist þær kannski
ekki spennandi er þetta
samt gjöf sem mun
örugglega gagnast því
um ókomin ár.
Útivistarbúnaður eins og svefnpoki,
bakpoki eða tjald hafa leynst í ferm-
ingarpökkuum lengi en meðal annars
má finna auglýsingar frá fimmta áratug
tuttugustu aldar þar sem svefnpokar
eru auglýstir sem góð fermingargjöf.
Á níunda áratugnum voru námskeið
ýmiss konar vinsæl eins og ljósmynda-
námskeið og tungumálanámskeið. Þá
var vinsælt að gefa fermingarbarn-
inu stutta ferð til dæmis til
Englands þar sem það sat
enskunámskeið.
Tekkkommóður voru vinsæl ferm-
ingargjöf á sjöunda og áttunda
áratugnum. Svefnsófar tóku svo
við, gjarnan með skúffu undir fyrir
rúmföt.
Skartgripir
hafa verið
gefnir í ferm-
ingargjafir
áratugum
saman.
Tölvur urður algeng
fermingargjöf seint
á tíunda áratugnum.
Hljómflutningstækin voru ómissandi í ferm-
ingarpakkann á níunda áratugnum.
Piltarnir fá oft
sína fyrstu rakvél í
fermingargjöf.
Armbandsúr voru vinsæl fermingargjöf
um miðja 20. öldina. Það var þá gjarnan
fyrsta armbandsúrið sem viðkomandi
eignaðist og entist árum saman.
HVAÐ ER Í MATINN? Á
kynnir skemmtilegan sérvef um matargerð og
hagkvæm matarinnkaup.
Með því að nota einfalt og skemmtilegt kerfi útbúum við
handa þér matseðil eftir þínu höfði.
Kynntu þér ótrúlegan fjölda gómsætra uppskrifta á
Hvað er í matinn? á
...ég sá það á visir.is