Fréttablaðið - 23.02.2010, Blaðsíða 10

10 23. febrúar 2010 ÞRIÐJUDAGUR
IÐNAÐUR Ef áætlanir Sambands sveitarfé-
laga á Norðurlandi vestra (SSNV) ná fram
að ganga mun rísa lyfjaverksmiðja á Norður-
landi. Staðsetning hefur ekki verið ákveðin en
Blönduós er helst nefndur.
Um framleiðslu svokallaðra innrennslis-
lyfja er að ræða. Starfshópur á vegum heil-
brigðisyfirvalda komst að þeirri niðurstöðu
2005 að hefja skyldi framleiðslu slíkra lyfja
hérlendis án tafar ellegar stórauka birgðahald
í öryggisskyni.
Jón Óskar Pétursson, framkvæmdastjóri
SSNV, segir hugmyndirnar byggja á geng-
isþróuninni. Nú sé fyrir hendi rekstrar-
grundvöllur lyfjaverksmiðju ólíkt því sem
var þegar áform voru síðast uppi um þenn-
an iðnað árið 2005. „Innviðirnir eru allir til
staðar hér á Norðurlandi og af hverju skyld-
um við ekki nýta okkur það? Lyfjakostnaður
heilbrigðisstofnana hefur verið til umfjöll-
unar og öll gjaldeyrissparandi framleiðsla
er af hinu góða. Í framhaldinu mætti síðan
skoða útflutning þessara lyfja auk þess sem
möguleikar eru til að víkka út framleiðsluna
í framhaldinu, til dæmis í framleiðslu dýra-
lyfja.“
Jón Óskar segir að undirbúningur lyfja-
framleiðslunnar, hvað varðar stærð verk-
smiðjunnar og framleiðslugetu, byggi á
skýrslu starfshóps heilbrigðisyfirvalda frá
2005. Starfshópurinn mælti þá með að verk-
smiðja yrði byggð og rekin í tengslum við
Landspítalann. Í fundargerð í lok árs 2005
segir að engan tíma megi missa og komst hóp-
urinn að þeirri niðurstöðu að þriggja mánaða
birgðir væru ásættanlegar ef starfrækt væri
lyfjaverksmiðja hérlendis. Annars væri nauð-
synlegt að hafa tólf mánaða birgðir í land-
inu á hverjum tíma en mjög erfitt getur verið
með aðdrætti ef kæmi til heimsfaraldurs, og
er inflúensa nefnd sérstaklega. Einnig gæti
mikil aukning á innrennslislyfjum orðið við
atburði af völdum annarra sýkla, eiturefna,
hópslyss eða náttúruhamfara.
Haraldur Briem sóttvarnarlæknir segir
innlenda framleiðslu innrennslislyfja vera
öryggisatriði. „Það væri til bóta að vera ekki
háð innflutningi þessara lyfja. Það ætti að
meta það alvarlega hvort ekki sé ástæða til að
kosta nokkru til að hafa slíka verksmiðju hér.
Þetta er þó fyrst og síðast pólitísk ákvörðun.“
Haraldur segir að sex mánaða birgðir séu
í landinu nú. Hann telur það vera nægjanlegt
en þörfin var endurmetin nýlega. Hann segir
að framleiðsla innrennslislyfja sé til stað-
ar í Færeyjum og rætt hafi verið um að gera
samning á milli þjóðanna um lyfjakaup.
svavar@frettabladid.is
Sveitarfélög á Norðurlandi
vilja reisa lyfjaverksmiðju
Hugmyndir um framleiðslu innrennslislyfja á Norðurlandi eru komnar á góðan rekspöl. Heilbrigðisyfir-
völd telja framleiðsluna auka öryggi sjúklinga ef neyðarástand skapast vegna heimsfaraldurs eða slysa.
HERMAÐUR Sómalískur stjórnarher-
maður stendur vörð um búðir her-
manna nærri átakasvæði í suðurhluta
landsins. NORDICPHOTOS/AFP
SVEITARSTJÓRNIR Bæjarráð Hvera-
gerðis hyggst selja eina íbúð
sem bærinn á til að geta veitt
fleirum sérstakar húsaleigu-
bætur og minnkað biðlista eftir
þeim.
„Enn fremur er rétt að geta
þess að með sífelldri fjölgun
leiguíbúða á hinum almenna
markaði hefur þörfin fyrir
félagslegar leiguíbúðir í eigu
bæjarfélaga minnkað,“ segir í
bókun meirihluta bæjarráðs.
Fulltrúi minnihlutans sagði
óforsvaranlegt að selja eignir
bæjarins í núverandi ástandi.
„Í ljósi þeirra erfiðleika sem
nú ríkja í þjóðfélaginu eru mikl-
ar líkur á að þörfin fyrir félags-
legt leiguhúsnæði eigi eftir
að aukast enn frekar,“ segir í
bókun Róberts Hlöðverssonar.
- gar
Félagsleg íbúð á sölu:
Andvirðið upp í
húsaleigubætur
LANDSPÍTALINN Á hverju ári eru notaðir á
Landspítalanum ríflega 200 þúsund lítrar
af innrennslislyfjum. Hætt var framleiðslu
þessara lyfja þegar það svaraði ekki lengur
kostnaði vegna gengisþróunar. FRÉTTABLAÐIÐ/GVA
■ Innrennslislyf (dreypilyf) eru til dæmis saltvatn, sykur-
vatn og dauðhreinsað vatn. Innrennslislyf eru aðallega
notuð til að gefa sölt eða næringarlausnir en einnig er
um mikilvirk lyf að ræða.
■ Innlend þörf á innrennslislyfjum, leysivökvum og
skolvökvum er metin um 250 þúsund lítrar. Þörf á
skilunarvökvum er 120 þúsund lítrar til viðbótar.
■ Gert er ráð fyrir verksmiðju með grunnframleiðslu á
um 300 þúsund lítrum en milljón lítra framleiðslu í
neyðarástandi.
■ Húsnæðið þyrfti að vera um þúsund fermetrar.
■ Reiknað er með sextán stöðugildum.
■ Reiknað er með að uppsetning verksmiðjunnar taki um
eitt ár (2005).
■ Líklegt er að kostnaður sé á annan milljarð króna.
Hann var talinn um 700 milljónir árið 2005 utan hönn-
unar og endanlegs vals á tækjum.
■ Á grundvelli samþykktar ríkisstjórnarinnar undirbjó
starfshópur á vegum LSH að reisa lyfjaverksmiðju árið
2005.
■ Gert var mat á neyðarástandi og talið að tólf mánaða
birgðir væru nauðsynlegar. Nú er talið að sex mánaða
birgðir dugi. Notkun innrennslislyfja er talin fjórfaldast í
neyðarástandi eins og við heimsfaraldur inflúensu.
FRAMLEIÐSLA INNRENNSLISLYFJA