Fréttablaðið - 10.04.2010, Síða 16

16 10. apríl 2010 LAUGARDAGUR
FRÉTTASKÝRING: Skoðanakönnun Fréttablaðsins og Stöðvar 2
Engar breytingar verða
á fjölda bæjarfulltrúa
frá hverju framboði í
Kópavogi í komandi sveit-
arstjórnarkosningum,
samkvæmt skoðanakönnun
Fréttablaðsins og Stöðvar
2. Mjög hátt hlutfall kjós-
enda hefur ekki gert upp
hug sinn.
Litlar breytingar hafa orðið á
fylgi flokkanna í Kópavogi frá
sveitarstjórnarkosningunum
2006, samkvæmt skoðanakönn-
un Fréttablaðsins og Stöðvar 2
sem gerð var á fimmtudagskvöld.
Yrðu niðurstöður kosninga þann
29. maí í samræmi við niðurstöð-
ur könnunarinnar fengju flokk-
arnir óbreyttan fjölda bæjarfull-
trúa frá því sem nú er.
Athygli vekur að afar lágt hlut-
fall þeirra 800 Kópavogsbúa sem
hringt var í vildi taka afstöðu til
spurningarinnar. Aðeins 54,9 pró-
sent gáfu upp afstöðu sína. Svo
lágt svarhlutfall hefur áhrif á
nákvæmni mælingarinnar.
Ríflega fjórðungur þeirra sem
ekki tóku afstöðu sagðist ekki
búinn að ákveða hvaða flokk hann
ætluðu að kjósa.
Sjálfstæðisflokkurinn stærstur
Sjálfstæðisflokkurinn mælist með
stuðning 41,2 prósenta þeirra sem
afstöðu taka í könnuninni, en fékk
stuðning 44,3 prósenta í kosning-
unum 2006. Yrðu þetta niður-
stöður kosninga fengi flokkurinn
fimm bæjarfulltrúa, sama fjölda
og hann er með í dag.
Samfylkingin er sem fyrr
næststærsti flokkurinn, með
stuðning 33 prósenta samkvæmt
könnun Fréttablaðsins og Stöðv-
ar 2. Flokkurinn fékk 31,3 pró-
sent atkvæða í kosningunum
og fjóra bæjarfulltrúa, og mun
halda óbreyttum fjölda bæjar-
fulltrúa miðað við niðurstöður
könnunarinnar.
Vinstri græn njóta stuðnings
14,6 prósenta þeirra sem afstöðu
taka, en fékk 10,4 prósent atkvæða
í kosningum. Flokkurinn myndi
halda sínum eina bæjarfulltrúa
yrðu niðurstöður kosninga í takt
við könnunina.
Alls sögðust 10 prósent þeirra
sem afstöðu tóku í könnun Frétta-
blaðsins og Stöðvar 2 styðja Fram-
sóknarflokkinn. Flokkurinn naut
stuðnings 12 prósenta í kosning-
unum vorið 2006.
Samkvæmt upplýsingum frá
Frjálslynda flokknum stefn-
ir flokkurinn á að bjóða fram
lista í Kópavogi. Stuðningur við
framboðið mælist 1,1 prósent,
en flokkurinn bauð ekki fram í
kosningunum í maí 2006.
Oddvitaskipti gætu breytt miklu
Mikill fjöldi óákveðinna kemur
í sjálfu sér ekki á óvart, segir
Grétar Þór Eyþórsson, prófessor
í stjórnmálafræði við Háskólann
á Akureyri. Kosningabaráttan sé
varla byrjuð, og almenningur sé
frekar með hugann við væntan-
lega skýrslu rannsóknarnefndar
Alþingis en sveitarstjórnarkosn-
ingar seint í maí.
Grétar segir erfitt að segja
fyrir um hvernig fylgi óákveð-
inna muni deilast niður á flokk-
ana. Hefðbundið sé að reikna
með því að stuðningsmenn Sjálf-
stæðisflokksins séu frekar til í
að gefa upp skoðun sína en stuðn-
ingsmenn annarra flokka. Það
gæti þýtt að fylgi óákveðinna
fari frekar til annarra flokka. Þó
sé erfitt að meta hvort ástandið
í þjóðmálunum undanfarið hafi
haft áhrif á hversu viljugir þátt-
takendur í skoðanakönnunum séu
til að gefa upp afstöðu sína.
Mikla athygli vekur að Sjálf-
stæðisflokkurinn skuli því sem
næst halda sínu kjörfylgi, þrátt
fyrir átakamál sem upp hafa
komið í bænum á kjörtímabilinu.
Sjálfstæðismenn skiptu um odd-
vita í prófkjöri sínu, og gæti það
haft veruleg áhrif á þá staðreynd
að flokkurinn svo gott sem heldur
sínum hlut, segir Grétar. Niður-
staðan hljóti að vera Ármanni Kr.
Ólafssyni, nýjum oddvita flokks-
ins, ákveðinn léttir.
Nákvæmni skoðanakannana er
mæld með svokölluðum vikmörk-
um. Því hærri sem vikmörkin
eru, því ónákvæmari eru nið-
urstöðurnar. Vikmörkin eru því
hærri sem svarhlutfallið í könn-
uninni er lægra.
Aðeins tæplega 55 prósent
þeirra sem haft var samband
við á fimmtudagskvöldið vildu
gefa upp hvaða flokk þeir hygð-
ust kjósa í kosningunum.
Þegar fylgi flokkanna er
reiknað saman við vikmörk-
in sést að munurinn á fylgi
allra flokka annarra en Vinstri
grænna í könnuninni og kosn-
ingunum 2006 er innan skekkju-
marka könnunarinnar. Það er
með öðrum orðum ekki hægt
að fullyrða um hvort flokkarnir
hafi bætt við sig fylgi eða tapað
fylgi þar sem munurinn er ekki
marktækur.
Lítill munur var á afstöðu þátt-
takenda í könnun Fréttablaðsins
og Stöðvar 2 eftir kynjum. Mun-
urinn á afstöðu kynjanna var í
öllum tilvikum innan vikmarka,
og því ekki marktækur.
Þráspurt til að auka áreiðanleika
Hringt var í 800 manns í Kópa-
vogi fimmtudaginn 8. apríl. Þátt-
takendur voru valdir með slembi-
úrtaki úr þjóðskrá. Svarendur
skiptust jafnt eftir kyni, og hlut-
fallslega eftir aldri.
Spurt var: Hvaða lista myndir
þú kjósa ef gengið yrði til sveit-
arstjórnarkosninga í dag? Ef ekki
fékkst svar var spurt: Hvaða flokk
er líklegast að þú myndir kjósa?
Ef ekki fékkst svar var að lokum
spurt: Er líklegra að þú myndir
kjósa Sjálfstæðisflokkinn eða ein-
hvern annan flokk? Alls tóku 54,9
prósent afstöðu.
Fréttablaðið hefur lengi við-
haft þá aðferðafræði að nota þrjár
spurningar til að fá sem flesta til
að taka afstöðu. Þessi aðferða-
fræði, sem þróuð var af sérfræð-
ingum á sviði skoðanakannana,
hefur skilað hvað nákvæmust-
um niðurstöðum samanborið við
úrslit kosninga. Hún vinnur gegn
því að fylgi ákveðinna flokka
mælist hærra eða lægra en það
er í raun.
Könnun sýnir lítið breytt
fylgi flokka í Kópavogi
Þótt bæjarfulltrúar deilist eins niður á flokkana samkvæmt könnun
Fréttablaðsins og Stöðvar 2 og eftir kosningarnar 2006 þarf fremur litlar
breytingar á fylgi flokkanna til að sú staða breytist.
Sjálfstæðisflokkur og Framsóknarflokkur eru nú í meirihlutasamstarfi,
Sjálfstæðisflokkurinn með fimm bæjarfulltrúa af ellefu, og Framsóknar-
flokkurinn með einn. Samfylkingin er í dag með fjóra bæjarfulltrúa og
Vinstri græn einn.
Grétar Þór Eyþórsson, prófessor í stjórnmálafræði við Háskólann á Akur-
eyri, segir Vinstri græn afar nærri því að ná inn öðrum manni, á kostnað
annað hvort Sjálfstæðisflokks eða Samfylkingarinnar, samkvæmt niður-
stöðu könnunarinnar. Fengju Vinstri græn tvo bæjarfulltrúa og Samfylking-
in fjóra væri ekki hægt að mynda meirihluta í bæjarfélaginu án aðkomu
vinstri flokkanna.
Yrðu niðurstöður kosninga í takt við könnun Fréttablaðsins og Stöðvar
2 myndi meirihluti Sjálfstæðisflokks og Framsóknarflokks halda velli með
sex bæjarfulltrúa af ellefu, sama fjölda og í dag. Slík niðurstaða er þó ekki
ávísun á sama meirihlutasamstarf, segir Grétar.
Hann bendir á að þrátt fyrir að stirt hafi verið milli bæjarfulltrúa Sam-
fylkingarinnar og Sjálfstæðisfólks á kjörtímabilinu sé samstarf flokkanna
ekki útilokað. Þar skipti persónur mestu máli, og báðir flokkarnir tefli nú
fram nýjum oddvitum.
Sami maður leiðir hins vegar lista Framsóknarflokksins og fyrir kosning-
arnar 2006. Grétar segir vel mögulegt að Ármann Kr. Ólafsson, nýr oddviti
Sjálfstæðisflokksins, gæti verið hikandi við að fara í samstarf við sama
mann og starfaði svo lengi við hlið Gunnars I. Birgissonar, fyrrverandi
bæjarstjóra Sjálfstæðisflokks.
Ekki ávísun á sama meirihlutasamstarf
SVEITARSTJÓRNARKOSNINGAR
KÓPAVOGUR
50
40
30
20
10
0 K
os
ni
ng
ar

1 5 0 4 11 5 4 1
SAMKVÆMT KÖNNUN FRÉTTABLAÐSINS OG STÖÐVAR 2 8. APRÍL
BRJÁNN JÓNASSON
brjann@frettabladid.is
10%
41,2%
1,1%
33%
14,6%
12%
44,3%
31,3%
10,4%
Á ráðstefnunni verður fjallað um stuðning ESB
við efnahags- og atvinnulíf í aðildar ríkjunum og
aðgerðir til að auka samkeppnis hæfni svæða.
Meðal umfjöllunarefna er hlutverk stuðnings kerfa ESB á sviði
byggða mála og atvinnu uppbyggingar, s.s. innan sjávarútvegs og
land búnaðar, með áherslu á nýsköpun, menntun og markvissa
áætlanagerð. Beint verður sjónum að svæðisbundnum samstarfs-
áætlunum og stefnu ESB um atvinnuþróun, félagslega samstöðu
og uppbygg ingu mannauðs í dreifbýli og þéttbýli.
Framkvæmdastjórn ESB mun fjalla um markmið, uppbyggingu
og verkefni Byggða þróunar sjóðs Evrópu, Félags- og mannauðs-
sjóðs Evrópu, Dreifbýlisþróunarsjóð evrópsks landbúnaðar og
Evrópska fiskveiðisjóðsins, auk þess að greina frá þeirri aðstoð sem
umsóknarríkjum stendur til boða.
Þá munu fyrirlesarar frá aðildarríkjum ESB, þ.e. Möltu, Finnlandi,
Danmörku og Eistlandi, fjalla um reynsluna af þeim stuðningi sem
þessi ríki hafa notið.
Ráðstefnan fer fram á ensku og er aðgangur ókeypis. Ráðstefnan
er öllum opin og er hún jafnframt send út á vefnum (webcast) sjá
upp lýsingar á www.utanrikisraduneytis.is
Góðfúslega tilkynnið þátttöku á netfangið skraning@utn.stjr.is
eða í síma 545 9968 fyrir lok mánudagsins 12. apríl nk.
Ráðstefnan hefst kl. 9.00 fimmtudaginn 15. apríl.
Dagskrá ráðstefnunnar má finna á www.utanríkisráðuneyti.is
Stuðningur ESB við atvinnu- og
byggðaþróun í aðildarríkjunum
Ráðstefna í Salnum í Kópavogi
fimmtudaginn 15. apríl og föstudaginn 16. apríl 2010
iPad er nýjasta græjan frá bandaríska tæknirisanum Apple. Áður en Steve Jobs,
forstjóri fyrirtækisins, kynnti frumgerð hennar á tækniráðstefnu í janúar höfðu
miklar vangaveltur verið uppi um hvers lags hlut væri að ræða. Líkt og flestir gerðu
ráð fyrir var um lestölvu að ræða. En þrátt fyrir að vera skilgreind sem lestölva býr
iPad-inn yfir meiri möguleikum. iPad-tölvurnar sem nú eru komnar á markað geta
tengst staðarneti (Wi-Fi) og því er hægt að tengjast Netinu, lesa netmiðla, horfa á
kvikmyndir, hlusta á tónlist, skoða ljósmyndir sem hlaðið hefur verið inn í tölvuna
og spila tölvuleiki. Ekki er endalaust hægt að hlaða efni inn í tölvuna og kemur
hún því ekki í stað heimilistölvu. Sú minnsta af þeim þremur sem komu á markað
í Bandaríkjunum um síðustu helgi er með sextán gígabæta hörðum disk en sú
stærsta með 64 gígabæta diski.
Hvað greinir iPad frá öðrum lestölvum?
Nokkru áður en iPad-tölvan kom á markað var mikið
úr því gert að um lestölvu væri að ræða. Fjöldi
lestölva er þegar til á markaðnum. Þekktastar þeirra
eru frá Sony og Amazon. Sú síðastnefnda kom á
markað fyrir tæpum þremur árum. Flestar lestölv-
urnar eiga það þó sammerkt að vera bundnar við
formið, það er að segja, fátt annað er hægt að
gera á tölvunum en lesa skjöl, hvort heldur er á
PDF-sniði eða öðrum.
Fyrir hverja er iPad-tölvan?
Það sem vakið hefur eftirtekt þeirra sem prófað
hafa iPad-tölvuna er hvað hún getur framkvæmt
marga hluti. Eins og áður sagði má rápa um
Netið á henni og nýta flesta þá möguleika Nets-
ins sem í boði eru. Tölvan er líkust stórum iPod
Touch. Stærð skjásins gerir það hins vegar að verkum
að möguleikarnir nýtast betur en í smágerðari tækjum frá Apple.
Þá þarf ekki að greiða sérstaklega fyrir áskrift að fjölmiðlum sem sérsniðnir
eru fyrir iPad-tölvuna. Margir fjölmiðlar eru engu síður að vinna að því að sérsníða
miðla sína fyrir tölvuna. Líkt og fram kom í Fréttablaðinu í vikunni er útgáfufélagið
Edda eitt þeirra. Það hefur á teikniborðinu að sníða teiknimyndablöðin um Andrés
Önd og félaga hans fyrir iPad-inn.
Tölvan er smá í sniðum, litlu minni en eitt A4 blað og undir kílói. Lyklaborðið er
innbyggt en mögulegt er að nota þráðlaust lyklaborð. Smæð harða disksins gerir
það hins vegar að verkum að tiltölulega lítið efni er hægt að vista á henni. Það er
ekkert USB tengi á henni sem gerir það að verkum að hvorki er hægt að flytja gögn
úr henni á aðra tölvu eða utanáliggjandi harðan disk né prentara. Við fyrsta mat er
tölvan öðru fremur hugsuð til lítilla og einfaldra verka, til afþreyingar, netráps uppi
í sófa og fyrir fólk á ferð sem þarf ekki á viðamiklum tölvum að halda. Tölvan er því
ekki fyrir skólafólk eða aðra sem þurfa að nýta hana sem vinnutölvu.
Þá kom í Fréttablaðinu í vikunni að þótt tölvan hafi komið á markað ytra fyrir
viku er lengra að bíða þar til hún kemur í verslanir hér, líklega ekki fyrr en um
næstu jól í fyrsta lagi. Málið strandar á íslensku lyklaborði, sem nýtur ekki forgangs
hjá Apple.
FBL GREINING: iPad-lestölvan
Heit græja frá Apple