Fréttablaðið - 10.04.2010, Side 100

60 10. apríl 2010 LAUGARDAGUR
sport@frettabladid.is
> Viljum finna þjálfara sem fyrst
Magnús Andri Hjaltason, formaður körfuknattleiksdeildar
Grindavíkur, segir að það hafi komið sér nokkuð
á óvart að Friðrik Ragnarsson skuli hafa
afþakkað tilboð deildarinnar um að
halda áfram þjálfun Grindavíkurliðsins.
Hann segir Grindvíkinga vera á byrj-
unarreit og þeir séu enn að velta fyrir
sér nöfnum á hugsanlegum arftökum
Friðriks. „Við munum gefa okkur smá
tíma til þess að fara yfir málin en við
viljum helst finna þjálfara sem fyrst. Það
er engin ástæða til að hanga yfir þessu. Við
munum samt vanda valið,“ sagði Magnús Andri.
HANDBOLTI Tvö bestu landslið
heims að margra mati, Ísland og
Frakkland, mætast í tveimur vin-
áttulandsleikjum í Laugardalshöll
næsta föstudag og laugardag.
Guðmundur Guðmundsson
landsliðsþjálfari tilkynnti í gær
leikmannahópinn fyrir leikina en
hópurinn er firnasterkur. Fyrir
utan Guðjón Val Sigurðsson, sem
er meiddur, eru allir okkar bestu
menn klárir í slaginn.
„Ég mun nota Loga Geirsson í
horninu að þessu sinni með Sturlu.
Hann er fyrst og fremst hugsaður
sem hornamaður að þessu sinni.
Hann hefur verið að glíma við rist-
armeiðsli en er allur að koma til,“
sagði Guðmundur en Logi hefur
lítið leikið í vetur. Er hann tilbú-
inn í slaginn? „Hann treystir sér
í verkefnið og ég hef trú á því að
þetta verði í lagi.“
Hinn ungi og efnilegi markvörð-
ur Hauka, Aron Rafn Eðvarðsson,
er eini nýliðinn í hópnum. „Við
verðum að fara að finna unga
og efnilega markverði og Aron
er klárlega einn af þeim mönn-
um sem er þess virði að skoða.
Það hefur líka verið vöntun á
hávöxnum markvörðum og ég bíð
spenntur eftir því að sjá hvern-
ig hann mun standa sig,“ sagði
Guðmundur.
Frakkar hafa staðið í vegi fyrir
því á síðustu tveim stórmótum að
Ísland færi alla leið. Guðmundur
tekur verkefnið alvarlega.
„Ég tek það mjög alvarlega.
Frakkar hafa í tvígang komið í veg
fyrir eitthvað meira hjá okkur. Það
er einstaklega gaman að glíma við
Frakkana og við ætlum að standa
okkur í þessum leikjum og ná hag-
stæðum úrslitum. Auðvitað mun ég
prófa eitt og annað en við viljum
ná góðum úrslitum líka,“ sagði
Guðmundur en eru þetta tvö bestu
landslið heims?
„Ég myndi segja að þetta væru
tvö af bestu landsliðum heims. Við
höfum unnið okkur rétt til þess að
halda slíku fram með frammistöðu
okkar í síðustu tveim stórmótum.
Við teljum okkur vera á meðal
þeirra bestu.“ - hbg
Guðmundur Guðmundsson velur landsliðið fyrir leikina gegn Frakklandi:
Tek þetta verkefni mjög alvarlega
NÝLIÐI Aron Rafn Eðvarðsson, mark-
vörður Hauka, kemur nýr inn í íslenska
landsliðið. FRÉTTABLAÐIÐ/VILHELM
LANDSLIÐSHÓPURINN
Markverðir:
Björgvin Páll Gústavsson Kadetten
Hreiðar Guðmundsson Emsdetten
Aron Rafn Eðvarðsson Haukar
Aðrir leikmenn:
Alexander Petersson Flensburg
Arnór Atlason FCK
Aron Pálmarsson Kiel
Ásgeir Örn Hallgrímsson Faaborg HK
Ingimundur Ingimundarson Minden
Logi Geirsson Lemgo
Ólafur Stefánsson RN Löwen
Róbert Gunnarsson Gummersbach
Snorri Steinn Guðjónsson RN Löwen
Sturla Ásgeirsson Dusseldorf
Sigurbergur Sveinsson Haukar
Sverre Jakobsson Grosswallstadt
Vignir Svavarsson Lemgo
Þórir Ólafsson TuS N Lubbecke
N1-deild kvenna:
Valur-Haukar 28-23 (11-12)
Mörk Vals (Skot): Anna Úrsúla Guðmundsdóttir
7/4 (9/4), Kristín Guðmundsdóttir 6 (12), Ágústa
Edda Björnsdóttir 4 (9), Rebekka Rut Skúladóttir
4 (7), Karólína Bæhrenz Gunnarsdóttir 3 (4),
Katrín Andrésdóttir 1 (4), Hrafnhildur Ósk Skúla-
dóttir 1 (7/2), Hildigunnur Einarsdóttir 1 (2), Íris
Ásta Pétursdóttir 1 (1).
Varin skot: Berglind Íris Hansdóttir 17 (40/2)
43%
Hraðaupphlaupsmörk: 11 (Rebekka Rut 3, Kristín
2, Karólína 2, Ágústa Edda, Anna Úrsúla, Hildi-
gunnur, Íris Ásta)
Fiskuð víti: 6 (Anna Úrsúla 3, Karólína, Hildigunn-
ur, Íris Ásta)
Brottrekstrar: 4 mínútur.
Mörk Hauka (Skot): Hanna Guðrún Stefánsdóttir
8/2 (14/2), Erna Þráinsdóttir 5 (8), Þórunn
Friðriksdóttir 3 (5), Ester Óskarsdóttir 3 (6), Nína
Björk Arnfinnsdóttir 2 (3), Ramune Pekarskyte 2
(8), Karen Helga Sigurjónsdóttir (1)
Varin skot: Guðrún Bryndís Jónsdóttir 17/1
(39/4) 44%, Heiða Ingólfsdóttir 5 (11/1) 45%
Hraðaupphlaupsmörk: 7 (Hanna Guðrún 4, Erna,
Þórunn, Ramune)
Fiskuð víti: 2 (Erna, Ester)
Brottrekstrar: 2 mínútur.
Fram-Stjarnan 30-28 (16-12)
Mörk Fram: Stella Sigurðardóttir 7, Pavla Nevar-
ilova 5, Ásta Birna Gunnarsdóttir 4, Guðrún Þóra
Hálfdánardóttir 4, Karen Knútsdóttir 3, Hildur
Þorgeirsdóttir 3, Marthe Sördal 2, Anna María
Guðmundsdóttir 1, Sigurbjörg Jóhannsdóttir 1.
Mörk Stjörnunnar: Þorgerður Anna Atladóttir 9,
Elísabet Gunnarsdóttir 6, Aðalheiður Hreinsdóttir
4, Harpa Sif Eyjólfsdóttir 2, Anna Bryndís Blöndal
2, Jóna Margrét Ragnarsdóttir 2, Esther Viktoría
Ragnarsdóttir 1, Jóna Sigríður Halldórsdóttir 1,
Þórhildur Gunnarsdóttir 1.
Friðrik Ragnarsson hefur ákveðið að hætta með Grindavíkurliðið eftir
fjögurra ára starf. Grindvíkingar hafa verið í hópi allra bestu liða
landsins undir hans stjórn en það hefur alltaf vantað örlítið
upp á að stóru titlarnir kæmu í hús.
Grindvíkingar vildu halda Friðriki og buðu honum nýjan
samning. „Ég fundaði með þeim og við vorum byrjaðir í við-
ræðum. Svo bara tók ég þessa ákvörðun þar sem að ég held
að þetta sé rétti tímapunkturinn til að segja þetta gott,“ segir
Friðrik.
„Það eina sorglega í þessu er að maður hefði viljað
koma með stóran titil til Grindavíkur. Það verður bara
að bíða betri tíma,“ segir Friðrik en liðið vann 62 af
88 deildarleikjum undir hans stjórn.
„Það vantaði herslumun hvort sem það var
hugarfarslegt eða hvað. Á móti KR í fyrra erum við
einu skoti frá því að verða Íslandsmeistarar og við
spiluðum úrslitaleik í bikar á móti Snæfelli í vetur
þar sem þeir voru bara grimmari. Það vantaði bara pínu grimmd upp
á hjá okkur. Körfuboltahæfileikarnir voru til staðar og við vorum
að spila flottan körfubolta. Það vantaði bara smá drápseðli
í menn,“ segir Friðrik. Þetta var erfiður vetur fyrir þjálfara
Grindavíkur enda mikið um meiðsli í leikmannahópnum.
„Við vorum hræðilega óheppnir með meiðsli í vetur og
þetta var versti vetur sem ég hef gengið í gegnum á mínum
ferli. Þetta var alveg lygilegt og maður var hættur að
kippa sér upp við það þegar menn í liðinu voru að
tilkynna mér að þeir væru meiddir,“ sagði Friðrik og
það kom fyrir einu sinni eða tvisvar að hann þurfti
að vera með á æfingum.
„Ég er ekki hættur að þjálfa. Nú er þessum kafla
bara lokið í bili og nú ætla ég bara að sjá til. Ef
eitthvað gott býðst þá skoða ég það en í versta
falli þá tek ég mér bara smá frí og nýt lífsins,“
sagði Friðrik að lokum.
FRIÐRIK RAGNARSSON HÆTTUR MEÐ GRINDAVÍK: ÞJÁLFAÐI LIÐIÐ Í FJÖGUR ÁR EN NÁÐI EKKI AÐ VINNA STÓRAN TITIL
Í versta falli tek ég mér bara smá frí og nýt lífsins
N1 Deildin
KONUR
Sunnudagur
Ásvellir
Mýrin
Haukar - Valur
Stjarnan - Fram
16:00
16:00
2009 - 2010
ÚRSLITAKEPPNI
VELJUM LÍFIÐ
HANDBOLTI Íslandsmeistarar
Stjörnunnar og Haukar eru komn-
ir með bakið upp við vegg eftir
tap fyrir Fram og Val í undanúr-
slitum N1-deildar kvenna í gær.
Bæði lið þurfa að girða sig í brók
fyrir næstu viðureignir.
Það leit þó ekki út fyrir heima-
sigur þegar Ramune Pekarskyte
kom Haukum í 13-18 þegar tæpar
tíu mínútur voru búnar af seinni
hálfleik. Fram að því hafði leik-
ur Valsliðsins oft verið hreinlega
vandræðalegur en þetta snérist
við á þessum tímapunkti, Valslið-
ið vaknaði upp við vondan draum,
skoraði sex mörk í röð og tók völd-
in í leiknum. Haukaliðið sem var
nánast án Ramune Pekarskyte (2
mörk úr 8 skotum) í þessum leik
náði ekki að svara þessu og leikur
liðsins hrundi á augabragði.
„Við klúðruðum þessu. Við
erum með leikinn í höndunum
allan tímann en svo förum við
að klúðra þessu sjálfar. Þær voru
ekki betri en við í dag. Við áttum
þennan leik gjörsamlega þangað
til í seinni hálfleik. Við þurfum
að fara að drulla okkur til þess að
klára leiki,“ sagði Hanna Guðrún
Stefánsdóttir sem var atkvæða-
mest í Haukaliðinu. „Við erum
með sama lið og í fyrra og þurfum
bara að laga hausinn á okkur. Við
þurfum að hreinsa hausinn okkar
og hafa trú á sjálfum okkur því
við getum þetta fyllilega,“ sagði
Hanna.
Valskonan Ágústa Edda Björns-
dóttir spilaði mjög vel á lokakafl-
anum þar sem hún skoraði 4 mörk
og átti 2 stoðsendingar þegar
Valsliðið vann síðustu þrettán
mínúturnar 9-4.
„Þetta er oft svona með okkur
að við erum lengi í gang. Þrátt
fyrir að við tölum um það sér-
staklega fyrir leik þá gerist það
alltof oft. Sem betur fer gefumst
við ekki upp, höldum alltaf áfram
og náum oft að sigla fram úr. Við
vissum að við áttum fullt inni og
við náðum að sýna það á lokakafl-
anum með því að nota breiddina
okkar,“ sagði Ágústa Edda.
„Þegar við lentum fimm mörk-
um undir þá fórum við að gefa
í. Við vissum þá að ef við förum
ekki að gera eitthvað af viti núna
þá erum við bara á leiðinni út úr
keppninni. Þá fundum við kraft-
inn sem við höfum oft búið yfir
í leikjum í vetur og notað til að
vinna góða sigra,“ sagði Ágústa
Edda.
Fram vann síðan öruggan sigur
á Stjörnunni í Safamýri. Fram-
stúlkur voru með frumkvæðið
allan tímann og leiddu með fjór-
um mörkum, 16-12, í leikhléi.
Stjörnustúlkur mættu sprækar
til leiks í síðari hálfleik og minnk-
uðu muninn í tvö mörk, 18-16, en
þá hrundi leikur liðsins á ný. Fram
gekk á lagið og komst 24-16 yfir.
Stjarnan kom aðeins til baka en
það var of lítið og of seint.
„Við spiluðum bara handbolta
í 50 mínútur og lukum leik eftir
það. Það skipti ekki máli því það
dugði í dag. Ef við spilum eðli-
lega á sunnudaginn þá klárum við
þessa rimmu,“ sagði Einar Jóns-
son, þjálfari Fram, við Sporttv
eftir leikinn. - óój, hbg
Haukar og Stjarnan í vondri stöðu
Valur og Fram unnu fyrstu leikina í undanúrslitum N1-deildar kvenna. Báðir sigrar voru frekar sannfær-
andi. Reykjavíkurliðin geta því tryggt sig inn í úrslitin á sunnudag en tvo sigra þarf til að komast í úrslit.
HRESSIR Þessir ungu drengir skemmtu
sér vel í Vodafonehöllinni.
FRÉTTABLAÐIÐ/VILHELM
ÖFLUG Haukastúlkum gekk illa að beisla Önnu Úrsúlu Guðmundsdóttur sem var
markahæst í Valsliðinu. FRÉTTABLAÐIÐ/VILHELM