Fréttablaðið - 19.04.2010, Blaðsíða 11

MÁNUDAGUR 19. apríl 2010 11
Heelen fyrir
fæturna
Henta vel fyrir hin ýmsu
fótavandamál og auka
vellíðan
stoðhlífar
Fyrirbyggja og meðhöndla
óþægindi og eymsli við
íþróttaiðkun
sport
Kröftug rakameðferð
fyrir hendur og fætur
mýkjandi
Í samvinnu við
Félag íslenskra
fótaaðgerðafræðinga
Lágmúla - Laugavegi - Garðatorgi - Smáralind - Smáratorgi - Setbergi - Borgarnesi - Grundarfirði - Stykkishólmi - Búðardal - Patreksfirði - Ísafirði - Bolungarvík - Blönduósi - Hvammstanga
Skagaströnd - Sauðárkróki - Húsavík - Kópaskeri - Raufarhöfn - Þórshöfn - Egilsstöðum - Seyðisfirði - Neskaupstað - Eskifirði - Reyðarfirði - Fáskrúðsfirði - Höfn - Laugarási - Selfossi - Grindavík - Keflavík
- Lifið heil
www.lyfja.is
- Laugavegi - Garðatorgi - Smáralind - Smáratorgi - Setbergi - Spönginni - Borgarnesi - Grundarfirði - Stykkishólmi - Búðardal - Patreksfirði - Ísaf rði - Bolungarvík - Blönduósi -
TÁSUDAGAR 19.–21. apríl
Lyfja Laugavegi mánudaginn 19. apríl kl. 13–16
Lyfja Lágmúla mánudaginn 19. apríl kl. 17–20
fótaaðgerðafræðingur
veitir ókeypis ráðgjöf
EFNAHAGSMÁL Íbúðalánasjóður tapaði 3,2 millj-
örðum króna í fyrra og stendur eiginfjárhlut-
fall hans í þremur prósentum. Þetta er verri
niðurstaða en búist var við, að sögn Guðmund-
ar Bjarnasonar, forstjóra sjóðsins. Heildarútlán
sjóðsins námu 757 milljörðum í lok árs.
Guðmundur segir að í skugga aðstæðna hafi
verið ákveðið að færa fleiri eignir inn á varúðar-
reikning. Guðmundur hefur fundað með Árna
Páli Árnasyni félagsmálaráðherra um stöðuna.
Hann segir eiginfjárhlutfallið pólitíska ákvörð-
un sem taka þurfi í samráði við eftirlitsaðila.
Eigi það að vera fjögur prósent þurfi ríkissjóður
að leggja Íbúðalánasjóði til þrjá milljarða króna,
væntanlega í formi skuldabréfaútgáfu. Rúma
sex milljarða þarf til að hækka hlutfallið í fimm
prósent. „Telji menn þrjú prósent ásættanleg þá
halda menn áfram að reka sjóðinn við þessar
aðstæður,“ segir hann.
Íbúðalánasjóður á rúmar fimm hundruð íbúð-
ir víða um land. Rúmlega hundrað þeirra eru á
Reyðarfirði og Egilsstöðum, sem sjóðurinn lagði
fé til í tengslum við álversframkvæmdir á Aust-
urlandi. „Það voru miklar kröfur til sjóðsins þar
enda lánuðu bankarnir ekki svo glatt út á land.
Hefðum við ekki gert það hefði eitthvað verið
sagt,“ segir Guðmundur. - jab
GUÐMUNDUR BJARNASON Forstjórinn segir Íbúða-
lánasjóð hafa verið nær þann eina sem lánaði til
byggingaframkvæmda í kringum álversframkvæmdir á
Austurlandi. FRÉTTABLAÐIÐ/GVA
Ríkissjóður gæti þurft að setja sex milljarða króna í Íbúðalánasjóð:
Staða Íbúðalánasjóðs verri en búist var við
MALTA, AP Kaþólska kirkjan mun
grípa til aðgerða til að vernda
börn og unglinga fyrir misnotkun,
að sögn Benedikts páfa.
Benedikt átti fund með hópi
manna sem höfðu verið fórnar-
lömb kynferðislegar misnotkun-
ar innan kaþólsku kirkjunnar á
Möltu. Hann sagði mönnunum
einnig að kirkjan gerði allt sem í
hennar valdi stæði til að rannsaka
kynferðisafbrotamál. Páfinn var
með tárvot augu og sagðist vera
stoltur af mönnunum fyrir að hafa
greint frá misnotkuninni. - þeb
Páfinn um kaþólsku kirkjuna:
Mun vernda
börnin betur
VIÐSKIPTI Icelandair Group tekur
sæti Bakkavarar Group í Úrvals-
vísitölunni í dag. Ákveðið var á
hluthafafundi Bakkavarar í mars-
lok að taka félagið af markaði og
gera það að einkahlutafélagi. Síð-
asti dagur félagsins sem skráð
hlutafélag var á föstudag.
Hlutabréf Icelandair Group
voru hluti af Úrvalsvísitölunni
þegar fimmtán fyrirtæki mynd-
uðu hana en þau duttu út þegar ný
vísitala, sem samanstóð af hluta-
bréfum þeirra sex fyrirtækja sem
mest er verslað með, var tekin
upp í byrjun árs 2009. - jab
Nýtt félag í Úrvalsvísitöluna:
Icelandair inn
fyrir Bakkavör
VÉL Í BIÐSTÖÐU Hlutabréf Icelandair
Group verða aftur hluti af Úrvalsvísitöl-
unni eftir rúmt ár úti í kuldanum.
FRÉTTABLAÐIÐ/PJETUR
DÓMSMÁL Karlmaður á fertugs-
aldri hefur verið ákærður af lög-
reglustjóranum á Suðurnesjum
fyrir Héraðsdómi Reykjaness
fyrir að kveikja í bíl, sem eyðilagð-
ist í eldinum. Maðurinn játaði sök
við þingfestingu málsins.
Brennuvargurinn braut rúðu í
bílnum í ágúst 2008, hellti bensíni
inn í hann og bar eld að.
Eigandi bílsins gerir einkarétt-
arkröfu í málinu þess efnis að
maðurinn greiði honum skaða- og
miskabætur að upphæð tæplega
1,4 milljónir króna með vöxtum. - jss
Notaði bensín við íkveikju:
Játaði að hafa
kveikt í bíl
DÓMSMÁL Hæstiréttur hefur
úrskurðað karlmann, sem reyndi
að smygla tæpum fjórum kílóum
af amfetamíni inn með flutninga-
skipi í janúar, í áframhaldandi
gæsluvarðhald til 23. apríl.
Maðurinn vann hjá Samskip-
um. Hann flutti efnin sjóleiðis
erlendis frá. Daginn eftir komu
skipsins handtók lögreglan hann
í Sundahöfn. Hann reyndist þá
vera með efnin innanklæða.
Hafði hann verið að sækja þau út
í skipið. - jss
Framlengt á dópsmyglara:
Með 4 kíló af
amfetamíni
Lestrinum lokið
Lestri á rannsóknarskýrslu Alþingis í
Borgarleikhúsinu lauk um hádegi í gær.
Lesturinn tók um 146 klukkustundir og
það var leikarinn Guðjón Davíð Karls-
son sem las síðustu blaðsíðu hennar.
Um 60 þúsund manns fylgdust með
beinni útsendingu á vefnum.
RANNSÓKNARSKÝRSLA