Fréttablaðið - 19.04.2010, Blaðsíða 35
MÁNUDAGUR 19. apríl 2010 15
Stúlknakór Reykjavíkur og Kram-
húsið standa fyrir söng-, dans-, og
leiksýningu í Íslensku óperunni
síðasta vetrardag, miðvikudag-
inn 21. apríl, en sýningin er liður
í fyrstu Barnamenningarhátíð
Reykjavíkurborgar.
Um 110 þátttakendur frá sjö ára
til tæplega tuttugu ára koma fram
en dagskráin samanstendur af sjö
dansatriðum og þrettán söngnúm-
erum ásamt þriggja manna hljóm-
sveit undir stjórn Agnars Más
Magnússonar píanóleikara. „Yfir-
skrift sýningarinnar er Tíminn
flýgur trúðu mér! og minna börn-
in foreldra á hversu dýrmæt sam-
vera fjölskyldunnar er“ að því er
segir í tilkynningu.
Stúlknakórinn kemur fram undir
stjórn Margrétar J. Pálmadótt-
ur og stjórnandi Kramhússins er
Hafdís Árnadóttir. Þær hafa báðar
starfað mikið með börnum og eiga
25 ára samstarfsafmæli um þess-
ar mundir. Hvor um sig hefur sett
upp fjölsóttar árlegar sýningar þar
sem börn koma fram og fagna nú
þessu tækifæri til samstarfs með
stórsýningu. Sýnt verður klukk-
an 18 og 20 en miðasala fer fram í
Íslensku óperunni. - ve
Tíminn flýgur
trúðu mér
DANSAÐ, LEIKIÐ OG SUNGIÐ Stúlknakór
Reykjavíkur og Kramhúsið sameinast í
stórsýningu í Óperunni síðasta vetrardag.
Hvað eru lífsgæði og heilbrigði?
Skiptir þyngd eða holdafar máli?
Geta orsakir sjúkdóma tengst mat-
aræði? Getur mataræði haft áhrif
á framvindu sjúkdóma? Þessum
áleitnum spurningum verður velt
upp á málþingi Náttúrulækningafé-
lagsins sem haldið verður á Grand
hóteli á morgun og hefst klukkan
20.
Frummælendur eru allir sér-
fræðingar á sínu sviði. Þeir eru
Ingibjörg Gunnarsdóttir, prófess-
or í matvæla- og næringarfræði
við HÍ, Kolbrún Björnsdóttir grasa-
læknir, Íris Judith Svavarsdóttir,
sjúkraþjálfari og heilsufræðingur á
Heilsustofnun NLFÍ og Hildur Guð-
mundsdóttir, stofnandi Yggdrasils. Í
pallborð bætist Heiða Björk Sturlu-
dóttir, sagnfræðingur og umhverf-
isfræðingur, en hún hefur hjálpað
syni sínum með Tourette-heilkenni
með breyttu mataræði.
Málþing Náttúrulækningafélags-
ins hafa jafnan verið vel sótt enda
er almenningur sífellt að verða
meðvitaðri um gildi góðrar heilsu
og þá ábyrgð sem hann ber á henni.
- gun
Matur og heilsa
PRÓFESSOR Í NÆRINGARFRÆÐI Erindi
Ingibjargar Gunnarsdóttur nefnist Hvern-
ig verður þekkingin til. FRÉTTABLAÐIÐ/VILHELM
Parketlakk
Ný vara á
góðu verði
Skútuvogi 6 - Sími 568 6755