Fréttablaðið - 19.04.2010, Blaðsíða 43
MÁNUDAGUR 19. apríl 2010 23
Dalahringur er nýr og bragðmildur
hvítmygluostur. Lögun ostsins gerir það að
verkum að hann þroskast hraðar en aðrir
sambærilegir mygluostar á markaðnum.
Gríptu með þér Dalahring í næstu verslun.
LOKSINS Á ÍSLANDI
GOLF CHANNEL
Á Golf channel er að finna allt fyrir kylfinginn; kennsla frá þeim bestu,
kvennagolfið, nærmyndir af frægum kylfingum, lífstíllinn, golfmótin
og golfvellir um víða veröld.
Golf channel er að finna í Allt og Skemmtun pökkunum á Stöð 2 Fjölvarp
á rás 49 á Vodafone Digital Ísland
Áskrifendur eru minntir á að uppfæra myndlykilinn með sjálfvirkri leit.
FÓTBOLTI „Ef við hefðum ekki náð
sigri væri von okkar um titilinn
nánast farin,“ sagði Paul Scholes
eftir að hafa tryggt Manchester
United dramatískan sigur á
grönnum sínum í City á laugardag.
Þessi reynslubolti framlengdi
samningi sínum við United um eitt
ár fyrir helgi og hélt upp á það með
flottum leik og sigurmarki.
„Sum lið spila upp á jafntefli
en við reynum alltaf að sigra. Það
gerði það að verkum að við náðum
þessu marki,“ sagði Scholes.
Kappið bar fegurðina annars
ofurliði í leiknum en rétt eins og
þegar liðin mættust á Old Trafford
voru það þeir rauðu sem skoruðu
sigurmark þegar komið var fram
í uppbótartíma.
„Við hefðum verið í mjög erfiðri
stöðu ef við hefðum ekki unnið.
Mér fannst við klárlega eiga
skilið að vinna leikinn, það er
engin spurning. En mér fannst
ekki vera mark á leiðinni,“ sagði
Sir Alex Ferguson, stjóri United.
„Ég ákvað að færa Scholes framar
og hann var maður leiksins. Hann
var frábær. Ryan Giggs og Gary
Neville voru líka mikilvægir fyrir
okkur. Reynslan skiptir miklu máli
á þessu stigi.“
Gary Neville fór ekki leynt
með ánægju sína eftir leik og
smellti kossi beint á munninn á
Scholes við mikla gleði enskra
fjölmiðlamanna.
Tottenham heldur áfram að gera
United greiða, liðið gerði titilvonir
Arsenal nánast að engu síðasta
miðvikudag og vann svo Chelsea
í síðdegisleiknum á laugardaginn.
Eftir þessi úrslit er Manchester
United aðeins stigi á eftir Chelsea
sem trónir á toppnum.
„Titillinn er enn í okkar
höndum, við þurfum ekkert að
vera hræddir. Við þurfum bara
að einbeita okkur að næsta leik
sem er gegn Stoke,“ sagði Carlo
Ancelotti, stjóri Chelsea.
Tottenham komst upp í hið
eftirsótta fjórða sæti með
sigrinum.
„Við þjöppuðum okkur saman
eftir tapið í bikarnum og höfum
náð tveimur frábærum leikjum.
Ákveðnin og vinnusemin var
hreint mögnuð í dag,“ sagði
Michael Dawson, varnarmaður
Tottenham. - egm
Paul Scholes tryggði United sigur í grannaslagnum:
Hélt titilvonunum
á lífi og fékk koss
EINN RENNBLAUTUR Hjarta Garys Neville slær með Manchester United og hann var
það ánægður með framlag Paul Scholes að hann gaf honum koss. NORDICPH/GETTY
FÓTBOLTI Leikmenn Barcelona
gistu í Cannes í nótt en liðið er í
rútuferð á leið til Mílanó. Þeir
mæta Inter á morgun í fyrri
viðureign liðanna í undanúrslitum
Meistaradeildarinnar.
Börsungar þurftu að breyta
ferðaáætlun sinni þar sem
þeir gátu ekki flogið til Ítalíu
eins og upphaflega var ráðgert
vegna gossins í Eyjafjallajökli.
Flugvellirnir í Barcelona og
Mílanó voru báðir lokaðir í gær.
Þeir ferðuðust alls 634 kílómetra í
gær í tveimur rútum og gistu í nótt
í Frakklandi. Í dag ferðast þeir
síðan síðustu 350 kílómetrana.
„Þetta er ekki óskastaða
en það eru lið í neðri deildum
sem ferðast í rútu í sautján
klukkutíma. Undanúrslitaleikur
í Meistaradeildinni hjálpar öllum
að ná úr sér þreytunni,“ sagði Pep
Guardiola, þjálfari Barcelona.
Talsmaður UEFA sagði í gær
að búið væri að tryggja að báðir
undanúrslitaleikirnir fari fram á
tilsettum tíma. Lyon ferðast frá
Frakklandi til Þýskalands einnig
með rútum - egm
Gosið í Eyjafjallajökli sá til þess að Barcelona gat ekki flogið til Mílanó:
Börsungar í rútuferð til Ítalíu
Í RÚTU Messi og félagar fengu ekki að
fara í flug vegna gossins. NORDICPH/GETTY